استانادا قۋاندىق بيشٸمباەۆ ٸسٸنە قاتىستى سوت وتىرىسى جالعاسىپ جاتىر. قۋاندىق بيشٸمباەۆتىڭ ادۆوكاتى ەرلان عازىمجانوۆ سۋديانى اۋىستىرۋدى تالاپ ەتتٸ, دەپ حابارلايدى "ۇلت اقپارات".
قازٸرگٸ ۋاقىتتا عازىمجانوۆ سوت زالىندا بيشٸمباەۆتىڭ جالعىز قورعاۋشىسى بولىپ وتىر. نازكەن قۇسايىنوۆا مەن لەيلە رامازانوۆا سوت پروتسەسٸنە كەشٸككەندٸكتەن, سۋديا ايجان قۇلباەۆا ولاردىڭ سوت وتىرىسىنا ٷزٸلٸستەن كەيٸن عانا قاتىسا الاتىندارىن ايتتى.
سۋديا سوتقا شاقىرىلماعان كۋەگەرلەردٸڭ ايعاقتارىن وقۋعا رۇقسات بەردٸ. ەرلان عازىمجانوۆ مۇنىڭ زاڭسىز ەكەنٸن ايتتى. سول ٷشٸن قۋاندىق بيشٸمباەۆتىڭ ادۆوكاتىنا سۋديا ايجان قۇلباەۆا سوت پروتسەسٸنە قاتىسۋشىلاردى جاڭىلىستىرعانى ٷشٸن ەسكەرتۋ جاسادى. وسىدان كەيٸن ەندٸ قورعاۋشىلار سۋديانى اۋىستىرۋدى سۇراپ وتىر.
القابيلەر سوت زالىنان شىعارىلىپ, سوت پروتسەسٸنٸڭ تٸكەلەي ەفيرٸ توقتاتىلدى.
