فوتو: جوعارعى سوت
استانادا ەكس-مينيستر قۋاندىق بيشٸمباەۆ پەن ونىڭ ٸنٸسٸ باقىتجان بايجانوۆقا قاتىستى سوت وتىرىسى جالعاسىپ جاتىر. Cوتتا سۋديا ايجان كٶلباەۆا ۇلتتىق قاۋٸپسٸزدٸك كوميتەتٸ قىزمەتكەتكەرلەرٸ ايىپتالۋشى بيشٸمباەۆتىڭ تەلەفونىن اشا الماعانىن جەتكٸزدٸ, دەپ حابارلايدى «ۇلت اقپارات» inbusiness.kz -كە سٸلتەمە جاساپ.
– ۇيالى تەلەفون زاتتاي دەلەل رەتٸندە تانىلدى. سوتقا دەيٸنگٸ تەرگەۋ بارىسىندا قر ۇقك بەسٸنشٸ قىزمەتٸنٸڭ 12-شٸ دەپارتامەنتٸ تەلەفونعا زەرتتەۋ جٷرگٸزدٸ. تەلەفوندا 6 تاڭبالى كود پارول ورناتىلعان ەرٸ كود-پارولدٸ قولدا بار تەحنيكالىق قۇرالدارمەن اينالىپ ٶتۋ مٷمكٸن بولمادى دەگەن قورىتىندى بەرٸلدٸ, - دەدٸ سۋديا ايجان قۇلباەۆا دٷيسەنبٸ كٷنگٸ وتىرىستا.
قورعاۋشى تاراپتىڭ ادۆوكاتى ەرلان عازىمجانوۆ قۋاندىق بيشٸمباەۆتىڭ تەلەفونىنىڭ قۇپييا كودىن سۋدياعا بەرۋگە قارسى ەكەنٸن جەتكٸزدٸ.
بۇدان بۇرىن سوتتالۋشى تەلەفونىنىڭ كودىن تەك قورعاۋشىلارىنا عانا ايتامىن دەپ سۋدياعا قارسى شىققان بولاتىن.
