قر ۇلتتىق بانكٸنٸڭ تٶراعاسى ەربولات دوساەۆتىڭ مەلٸمدەۋٸنشە, قازاقستاندىقتاردىڭ بٸرجولعى زەينەتاقى ٶلەمٸن الۋ قارقىنى 5,5 ەسە باياۋلاعان. ول بۇل تۋرالى ٷكٸمەت وتىرىسىندا ايتتى, دەپ حابارلايدى قازاقپارات.
«بٸرىڭعاي جيناقتاۋشى زەينەتاقى قورىنىڭ زەينەتاقى اكتيۆتەرٸ جىل باسىنان بەرٸ زەينەتاقى جيناقتارىن الۋ قارقىنىنىڭ تٶمەندەۋٸ اياسىندا 52 ملرد تەڭگەگە نەمەسە 0,4%-عا ۇلعايىپ, تامىزدىڭ سوڭىندا 12,9 ترلن تەڭگەنٸ قۇرادى. مىسالى, قاراجاتتى اي سايىنعى الۋ كٶلەمٸ اقپان ايىنداعى 643 ملرد تەڭگەدەن تامىز ايىندا 118 ملرد تەڭگەگە دەيٸن نەمەسە 5,5 ەسە باياۋلادى», - دەگەن ۇلتتىق بانك تٶراعاسى سالىمشىلاردىڭ زەينەتاقى جيناقتارىن مەرزٸمٸنەن بۇرىن الۋ سوماسى 1,8 ترلن تەڭگەگە جەتكەنٸن اتادى.
ياعني, 449,3 مىڭ ٶتٸنٸش قاناعاتتاندىرىلعان. ونىڭ ٸشٸندە تۇرعىن ٷي مەسەلەلەرٸن شەشۋگە 1 765 ملرد تەڭگە جۇمسالعان.
جالپى 8 ايدىڭ قورىتىندىسى بويىنشا ەلدەگٸ 5,8% ينفلياتسييا بولسا, زەينەتاقى جيناعىنىڭ كٸرٸس دەڭگەيٸ 7,6% بولعان.
