ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ بٸرىڭعاي جيىنتىق تٶلەمگە اۋدارىم جاساماعان ازاماتتار 42,5 مىڭ تەڭگەنٸ قالاي الاتىنىن ايتىپ بەردٸ, دەپ حابارلايدى قازاقپارات
«42,5 مىڭ تەڭگەلٸك ەلەۋمەتتٸك تٶلەمدٸ الۋدا مىناداي كٶپشٸلٸككە ٶتٸنٸشٸمٸز بار: بٸرٸنشٸدەن مەلٸمەتٸڭٸزدٸ دۇرىس تولتىرۋ كەرەك. ٶزٸڭٸزدٸڭ ەسەپشوتىڭىزدى دۇرىس كٶرسەتٸپ, جسن نٶمٸرٸن دۇرىس بەلگٸلەۋ كەرەك. ەكٸنشٸدەن سوڭعى ەكٸ ايدا بولسىن ساقتاندىرۋ قورىنا اۋدارىلعان ەلەۋمەتتٸك تٶلەم بولۋى تيٸس. سەبەبٸ بۇل تٶلەم بٸر كاسسادان تٶلەنٸپ جاتقان جوق. مەملەكەتتٸك ساقتاندىرۋ قورىنان اۋدارىلىپ جاتىر. بٸراق وسىنداي ەلەۋمەتتٸك تٶلەمدەرٸ مٷلدە جوق ازاماتتار دا بار. ياعني بەيرەسمي جۇمىس ٸستەپ جٷرگەندەردٸڭ ەڭبەك شارتتارى جوق, ولار سالىق تٶلەمەگەن. سوندىقتان بەيرەسمي جۇمىس ٸستەپ جٷرگەن ازاماتتارعا پرەزيدەنت رەسٸمدەلۋ عانا جەتكٸلٸكتٸ ەكەنٸن ايتتى. رەسٸمدەلۋ دەگەن نە? ول ٷشٸن بٸرىڭعاي جيىنتىق تٶلەمدٸ بٸر مەزگٸل تٶلەسەڭٸز جەتكٸلٸكتٸ. ول سوما قالا تۇرعىندارى ٷشٸن 2651 تەڭگە, اۋىل تۇرعىندارى ٷشٸن 1325 تەڭگە. وسىنى بٸر تٶلەسەڭٸزدەر 42500 تەڭگەنٸ اي سايىن الاتىن بولاسىزدار», - دەدٸ بٸرجان نۇرىمبەتوۆ وكق-دا ٶتكەن باسپاسٶز مەسليحاتىندا.
مينيستردٸڭ ايتۋىنشا سول تٶلەمدٸ قالاي جاساۋعا بولاتىنىن دا تٷسٸندٸردٸ.
«حالىق بانك, فورتە بانك, جۋسان بانك, سبەربانك, بتسك, كاسپي بانكتەردە موبيلدٸ قوسىمشالار بار. سول ارقىلى بٸرىڭعاي جيىنتىق تٶلەمدٸ اۋدارۋعا بولادى. بولماسا سمس ارقىلى: تەلەفوننان سمس-تٸ 5505 نٶمٸرٸنە حابارلاما جازىپ, قالا تۇرعىنى بولساڭىز لاتىن ەرٸپتەرٸمەن «gorod ESP» دەپ جسن بەلگٸلەيسٸز, اۋىل تۇرعىنى بولساڭىز «selo ESP» دەپ جسن بەلگٸلەيسٸز. وسىنى جٸبەرگەننەن كەيٸن تٶلەمدەرٸڭٸز ەسەپكە تٷسەدٸ. وسىدان كەيٸن 42 500 تەڭگەنٸ الۋعا مٷمكٸندٸگٸڭٸز بار», - دەدٸ ول.
