نۇر-سۇلتان قالالىق سوتىنىڭ قىلمىستىق ٸستەر جٶنٸندەگٸ سوت القاسى ەلجان بٸرتانوۆتٸ ٷيقاماقتا ۇستاۋ بۇلتارتپاۋ شاراسىن كٷشٸندە قالدىردى, دەپ حابارلايدى "ۇلت اقپارات".
كەشە ٶتكەن وتىرىستا مەملەكەتتٸك ايىپتاۋشى سوتتان بۇرىنعى دەنساۋلىق ساقتاۋ مينيسترٸ ەلجان بٸرتانوۆتٸ ٷيقاماقتا ۇستاۋ مەرزٸمٸن 14 شٸلدەگە دەيٸن ۇزارتۋدى سۇراعان بولاتىن. پروكۋرور تٶلەگەن جاراسپاەۆ كٷدٸكتٸ ە.بٸرتانوۆتٸ ٷيقاماقتا ۇستاۋ مەرزٸمٸن 9 ايعا دەيٸن, ياعني 2021 جىلعى 14 شٸلدەگە دەيٸن ۇزارتۋ تۋرالى ٶتٸنٸشتٸ قارجى مونيتورينگٸ اگەنتتٸگٸ تەرگەۋ دەپارتامەنتٸنٸڭ باسشىسى تٷسٸرگەنٸن اتاي كەلٸپ, قوسىمشا ساراپتاما مەن دەنساۋلىق ساقتاۋ مينيسترلٸگٸنٸڭ قىزمەتكەرلەرٸنەن الىنعان جاۋاپتاردى, مەملەكەتتٸك اۋديت دەپارتامەنتٸنٸڭ قورىتىندىسىن تالداۋ جۇمىستارىن 14 ماۋسىمعا دەيٸن اياقتاۋ مٷمكٸن ەمەس دەگەن ۋەج ايتتى.
«وسىنىڭ بەرٸن ەسكەرٸپ, ٷيقاماق مەرزٸمٸن 14 شٸلدەگە دەيٸن ۇزارتۋدى جەنە قاناعاتتاندىرۋدى سۇرايمىن», - دەدٸ مەملەكەتتٸك ايىپتاۋشى.
سونداي-اق, ول بٸرتانوۆقا وتباسى مٷشەلەرٸنەن باسقا بارلىق ادامدارمەن تەلەفون ارقىلى سٶيلەسۋگە جەنە ٷيدەن شىعۋعا تىيىم سالۋ كەرەكتٸگٸن ايتتى. بۇل تالابىن تەرگەۋ جۇمىستارىنىڭ مەرزٸمٸ 1 تامىزعا دەيٸن ۇزارتىلۋىمەن بايلانىستىردى. پروكۋروردىڭ ايتۋىنشا, كٷدٸكتٸ سوتتىڭ تىيىمى بار ەكەنٸن بٸلە تۇرا, بٸرقاتار زاڭعا قايشى ەرەكەتتەرگە بارعانىن اتادى. بٸراق سوت وتىرىسىنا باق ٶكٸلدەرٸ قاتىسىپ وتىرعانىن ەسكەرٸپ, ناقتى قانداي ەرەكەتتەر تۋرالى سٶز بولىپ جاتقانىن اشىپ ايتا المايتىنىن جەتكٸزدٸ. ونىڭ سٶزٸنشە, بۇل تەرگەۋ ەرەكەتتەرٸن جارييا ەتۋ بولماق.
سوت پروتسەسٸ بارىسىندا قورعاۋشىلار ەلجان بٸرتانوۆتٸڭ سىرتىنان تەرگەۋ ورگانىنىڭ اڭدۋ جٷرگٸزۋٸ زاڭدى ەكەنٸن راستايتىن قۇجات جوق ەكەنٸن ايتىپ, ٷيقاماق مەرزٸمٸن ەرٸ قاراي ۇزارتپاۋدى سۇراعان بولاتىن.
بٷگٸن سوت ەلجان بٸرتانوۆتٸ ٷيقاماقتا ۇستاۋ مەرزٸمٸن 9 ايعا دەيٸن, ياعني 2021 جىلعى 14 ماۋسىمنان 14 شٸلدەگە دەيٸن ۇزارتاتىنىن مەلٸم ەتتٸ.
«باياندالعان دەرەكتەردٸڭ نەگٸزٸندە, قىلمىستىق ٸس جٷرگٸزۋ ككودەكسٸنٸڭ 55, 56, 151, 152-باپتارىن باسشىلىققا الا وتىرىپ, سوت ەلجان امانتايۇلى بٸرتانوۆقا قاتىستى ٷيقاماق تٷرٸندەگٸ بۇلتارتپاۋ شاراسىنىڭ مەرزٸمٸن 2021 جىلعى 14 ماۋسىمنان باستاپ 14 شٸلدەنٸ قوسا العاندا ەسەپتەلەتٸن 9 ايعا دەيٸن ۇزارتۋ تۋرالى قاۋلى ەتتٸ. كٷدٸكتٸنٸڭ قورعاۋشىلارى مەن ادۆوكاتتارىنىڭ ٶتٸنٸشتەرٸ قاناعاتتاندىرۋسىز قالدىرىلسىن», - دەدٸ تەرگەۋ سوتىنىڭ سۋدياسى اقمارال يساەۆا
ياعني, سوت ايىپتاۋشى تاراپتىڭ بٸرتانوۆقا وتباسى مٷشەلەرٸنەن باسقا بارلىق ادامدارمەن تەلەفون ارقىلى سٶيلەسۋگە جەنە ٷيدەن شىعۋعا تىيىم سالۋ تۋرالى ٶتٸنٸشٸن قابىلدامادى.
بٸر اي بۇرىن سوت ەلجان بٸرتانوۆتٸ ٷيقاماقتا ۇستاۋ شاراسىن كٷشٸندە قالدىرعان بولاتىن.
ەسكە سالساق, بۇرىنعى دەنساۋلىق ساقتاۋ مينيسترٸ ەلجان بٸرتانوۆ بيۋدجەت قاراجاتىن ىسىراپ ەتتٸ دەگەن كٷدٸكپەن قاماۋعا الىنعان ەدٸ.
