دەنساۋلىق ساقتاۋ مينيسترٸ ەلجان بٸرتانوۆ 24 اقپاندا جاپونييادان نۇر - سۇلتانعا ۇشىپ كەلگەن جولاۋشىلاردان كەشٸرٸم سۇرادى. بۇل جٶنٸندە ول بٷگٸن ٷكٸمەت وتىرىسىنان شىققان سوڭ جۋرناليستەر سۇراعىنا جاۋابىندا ايتتى.
بٸرتانوۆتىڭ سٶزٸنشە, SCAT كومپانيياسىنىڭ توكيودان نۇر-سۇلتانعا ۇشاتىن ۇشاعىندا Diamond Princess لاينەرٸندە كارانتيندە بولعان تٶرت جولاۋشى بارىن مينيسترلٸك باسقا جولاۋشىلارعا "ەسكەرتٸپ ٷلگەرمەگەن".
- ۇشاقتا بولعان ٶزگە جولاۋشىلاردان كەشٸرٸم سۇرايمىز. جولاۋشىلاردى ۇشاققا وتىرعىزۋ تۋرالى شەشٸم قابىلدانعاندا, ەسكەرتۋگە ۋاقىت بولمادى,- دەدٸ ول.
بٸرتانوۆ جاپونييا جاعالاۋىندا كارانتيندە تۇرعان Diamond Princess لاينەرٸندە بولعان قازاقستاننىڭ تٶرت ازاماتىنىڭ قولىندا "دەنساۋلىعى جاقسى" دەگەن مەديتسينالىق انىقتاماسى بولعانىن, سوندىقتان جاپونييا تارابى ولاردىڭ ۇشاققا وتىرۋىنا كەدەرگٸ جاساماعانىن ايتتى.
"تٶرت ادامعا تاعى ٷش تٷرلٸ تەست جاسالادى. بۇل جايلى قوسىمشا مەلٸمەت بەرەمٸز" دەدٸ مينيستر.
24 اقپان تٷندە جاپونييادان نۇر-سۇلتانعا كەلگەن ەۋە رەيسٸندە 20 ادام بولعان. تٶرتەۋٸ Diamond Princess لاينەرٸندە بولعاندار, 8-ٸ ەكيپاج مٷشەسٸ, 8-ٸ ٶزگە جولاۋشى. مينيستردٸڭ سٶزٸنشە, بارلىعى كارانتينگە جاتقىزىلعان.
20 قاڭتاردا جاپونييانىڭ يوكوگاما پورتىنان تەڭٸزگە ساياحاتقا شىعىپ, اقپاننىڭ باسىندا كوروناۆيرۋسقا بايلانىستى پورتقا ورالعان, 3700 جولاۋشىسى بار Diamond Princess كەمەسٸ اقپاننىڭ 19-ىنا دەيٸن كارانتيندە تۇرعان. كەمەدە 350-دەن استام ادامنىڭ كورونوۆيرۋس جۇقتىرعانى انىقتالعان.
