نۇر-سۇلتان قالاسى سارىارقا اۋداندىق №2 سوتىندا بۇرىنعى دەنساۋلىق ساقتاۋ مينيسترٸ ەلجان بٸرتانوۆتىڭ ٸسٸ بويىنشا العاشقى الدىن الا سوت تىڭداۋى ٶتتٸ, دەپ حابارلايدى قازاقپارات.
الدىن الا تىڭداۋ بارىسىندا قورعاۋشى سەرٸك ساعاليەۆ ەلجان بٸرتانوۆتىڭ ٶزٸنە تاعىلعان ايىپتاردى مويىندامايتىنىن ايتتى.
«بٸزدٸڭ قورعاۋىمىزداعى ە.بٸرتانوۆ سوتقا دەيٸنگٸ تەرگەۋ بارىسىندا دا تاعىلعان ايىپتى مويىنداعان جوق قازٸر دە مويىندامايدى», - دەدٸ ول.
نۇر-سۇلتان قالاسى سارىارقا اۋداندىق №2 سوتىنىڭ سۋدياسى يبراگيم ەلكەنوۆ ايىپتالۋشى تاراپتان ٸس ماتەريالدارىنا قاتىستى قانداي دا بٸر قارسىلىق, شاعىمدارى بار-جوعىن سۇرادى.
ەكس-مينيستر ەلجان بٸرتانوۆ پەن ونىڭ ورىنباسارى بولعان ولجاس ەبٸشەۆتٸڭ ادۆوكاتتارى ايىپتاۋ ماتەريالىمەن تانىسىپ ٷلگەرمەگەنٸن ايتىپ, قۇجاتتارمەن تولىق تانىسىپ شىعۋعا مٷمكٸندٸك بەرۋدٸ سۇرادى.
ال كٷدٸكتٸ ولجاس ەبٸشەۆتٸڭ ٶزٸ مەملەكەتتٸك ٸس ماتەريالىنىڭ ناقتى كٶلەمٸ تۋرالى بٷگٸن عانا شىنايى اقپارات العانىن ايتتى.
«بٷگٸن مەن بٸلەتٸن 133 تومنان باسقا تاعى 4 توم بار ەكەنٸن بٸرٸنشٸ رەت ەستٸپ تۇرمىن. بۇل مەن ٷشٸن جاڭا مەلٸمەت. رەسمي تٷردە مەلٸمدەگٸم كەلەدٸ, نەگە تەرگەۋ ورگانى بۇل تومداردى جاسىرىپ قالعان? ماقساتتارى قانداي بولعان? 133 توم بار دەپ جٷرگەنبٸز. بٷگٸن تاعى 4 توم بار دەپ وتىر. سوندا بارلىعى 137 توم بولىپ شىعادى. بۇل 4 توم تۋرالى بٸزگە نەگە ەشكٸم ايتقان جوق?» - دەدٸ ولجاس ەبٸشەۆ.
سۋديا يبراگيم ەلكەنوۆ بۇل سۇراقتى ەرتەڭگٸ تىڭداۋدا پروتسەسسۋالدىق پروكۋرورعا قويۋعا كەڭەس بەردٸ. ونىڭ ايتۋىنا قاراعاندا, ە.بٸرتانوۆتىڭ ٸسٸ بويىنشا سوتقا 141 توم ماتەريال تٷسكەن.
«سوتقا ايىپتاۋ اكتٸلەرٸن قوسقاندا 141 توم ماتەريال كەلٸپ تٷستٸ», - دەدٸ سۋديا.
اتالمىش ٸس بويىنشا الدىن الا تىڭداۋ ەرتەڭ, ياعني, 27 قاڭتار كٷنٸ ساعات 15.00-دە جالعاساتىن بولدى.
