بۇرىنعى دەنساۋلىق ساقتاۋ مينيسترٸ ەلجان بٸرتانوۆتىڭ ٸسٸ بويىنشا اعىلشىن تٸلٸنەن ورىسشاعا اۋدارما جاسايتىن مامان سوت وتىرىسىنا قاتىسۋدان باس تارتتى, دەپ حابارلايدى قازاقپارات.
بۇل وسىمەن اتالعان ٸس بويىنشا سوت ۇسىنعان ەكٸنشٸ اۋدارماشى. ەكس-مينيستر ەلجان بٸرتانوۆ پەن بۇرىنعى ۆيتسە-مينيستر ولجاس ەبٸشەۆتٸڭ ادۆوكاتتارى اۋدارماشىنىڭ ەڭبەك ٶتٸلٸ, قۇجات اۋدارماسىنداعى تەجٸريبەسٸ, قۇقىق قورعاۋ ورگاندارىنداعى تۋىستارىنا قاتىستى, بٸلٸمٸ مەن بٸلٸكتٸلٸگٸ جەنە باسقا دا مٷمكٸندٸكتەرٸ تۋرالى سۇراقتار جاۋداردى.
«قورعاۋشىلار تاراپىنان مۇنداي كٶزقاراستان سوڭ, سوت پروتسەسٸنە قاتىسۋدان ٶزٸم باس تارتامىن. ناقتى بٸرەۋگە قاتىستى نارازىلىعىم جوق. الايدا بۇل ٸس بويىنشا وتىرىستارعا قاتىسۋدان باس تارتامىن», - دەدٸ اۋدارماشى. وسى ورايدا ول مۇنداي قادامعا ٶز دەنساۋلىعىن ويلاپ بارىپ وتىرعانىن ايتتى.
سۋديا يبراگيم ەلكەنوۆ اۋدارماشىنى تاڭداۋعا قاتىستى مەسەلە 9 ماۋسىمدا قارالاتىنىن اتاپ ٶتتٸ. بٸراق اۋدارماشىنىڭ قۇزىرەتٸ تۋرالى مەسەلە قارالمايدى. اۋدارماشى ٸرٸكتەلگەننەن كەيٸن, سوت پروتسەسٸ بٸردەن باستالادى.
ٶز كەزەگٸندە ەلجان بٸرتانوۆ قۇجاتتاردى تولىققاندى اۋدارۋعا ۋاقىت كەرەك ەكەنٸن العا تارتىپ, قىلمىستىق ٸستٸڭ ماتەريالدارىمەن بارلىعى تانىسۋى ٷشٸن مٷمكٸندٸك بەرۋدٸ سۇرادى.
ونىڭ ايتۋىنشا, قۇجاتتار اراسىندا حورۆاتييالىق Ericsson Nicola Tesla كومپانيياسى تاراپىنان ورىندالعان جۇمىستاردى راستايتىن مەلٸمەتتەر بار. ە. بٸرتانوۆتىڭ پايىمىنشا, وسى قۇجاتتارمەن تانىسقاننان كەيٸن قىلمىس قۇرامىنىڭ بولماۋىنا بايلانىستى, پروكۋرورلاردىڭ ٶزدەرٸ ٸستٸ توقتاتۋ تۋرالى مەلٸمدەمە جاساۋى مٷمكٸن.
بۇدان بۇرىن حابارلانعانداي, دەنساۋلىق ساقتاۋ مينيسترلٸگٸنٸڭ بۇرىنعى باسشىسى ەلجان بٸرتانوۆتىڭ ادۆوكاتى نۇرلان بەيسەكەەۆ سوت وتىرىسىندا نۇر-سۇلتان قالاسىنىڭ №2 سارىارقا اۋداندىق سوتىنىڭ سۋدياسى يبراگيم ەلكەنوۆكە قارسى شاعىم بٸلدٸردٸ.
بيىل مامىر ايىندا سۋديا يبراگيم ەلكەنوۆ ەلجان بٸرتانوۆتىڭ ادۆوكاتتارى نەگٸزگٸ سوت وتىرىسىنا تارتىلعان مەملەكەتتٸك ايىپتاۋشىلار مەن دەنساۋلىق ساقتاۋ مينيسترلٸگٸ ٶكٸلٸنە بٸلدٸرگەن قارسىلىقتى قابىلداماي تاستاعان ەدٸ.
ەكس-مينيستر ەلجان بٸرتانوۆ 2020 جىلدىڭ 3 قاراشاسىندا بيۋدجەت قاراجاتىن ىسىراپ ەتتٸ دەگەن كٷدٸكپەن قاماۋعا الىنعان بولاتىن.
تەرگەۋ ماتەريالى بويىنشا, ەلجان بٸرتانوۆ پەن ونىڭ كٶمەكشٸسٸ بولعان ولجاس ەبٸشەۆكە «لاۋازىمدىق ٶكٸلەتٸن تەرٸس پايدالانۋ» ارقىلى مەملەكەتكە 1,5 ملرد تەڭگەنٸڭ شىعىنى كەلتٸرگەنٸ تۋرالى ايىپ تاعىلىپ وتىر.
ال بيىل 12 مامىردا سوت ەلجان بٸرتانوۆقا قاتىستى قىلمىستىق ٸستٸ توقتاتۋدان باس تارتقان.
