مەملەكەت باسشىسى قاسىم-جومارت توقاەۆتىڭ اتىنا قاسيەتتٸ رامازان ايىنىڭ باستالۋىنا وراي شەت مەملەكەتتەردٸڭ باسشىلارىنان جەنە حالىقارالىق ۇيىمداردىڭ جەتەكشٸلەرٸنەن قۇتتىقتاۋ حاتتار مەن جەدەلحاتتار كەلٸپ تٷسۋدە.
بۇل تۋرالى اقوردانىڭ رەسمي سايتىندا حابارلاندى.
ٶزبەكستان پرەزيدەنتٸ شاۆكات ميرزييوەۆ جەدەلحاتىندا قاسىم-جومارت توقاەۆقا ۇزاق ٶمٸر, زور دەنساۋلىق جەنە ونىڭ اسا جاۋاپتى قىزمەتٸنە تابىس تٸلەپ, باۋىرلاس قازاقستان حالقىنىڭ ٶسٸپ-ٶركەندەي بەرۋٸنە نيەتتەستٸك بٸلدٸرگەن. سونداي-اق شاۆكات ميرزييوەۆ ەكٸ ەل اراسىنداعى قارىم-قاتىناستاردىڭ قارقىندى دامىپ كەلە جاتقانىن اتاپ ٶتكەن.
«ەكٸ ەل اراسىنداعى تاتۋ كٶرشٸلٸككە, جاقىن دوستىققا, ٶزارا قۇرمەتكە جەنە قولداۋ كٶرسەتۋگە نەگٸزدەلگەن ستراتەگييالىق سەرٸكتەستٸك ورتاق ساياسي ەرٸك-جٸگەرٸمٸزدٸڭ ارقاسىندا سوڭعى جىلدارى مٷلدە جاڭا دەڭگەيگە كٶتەرٸلگەنٸ كٷمەنسٸز. بٸزدٸڭ تابىستى بايلانىستارىمىز بەن ۇزاقمەرزٸمدٸ سەرٸكتەستٸگٸمٸز ودان ەرٸ دامي بەرەتٸنٸنە سەنٸمدٸمٸن», – دەلٸنگەن ٶزبەكستان باسشىسىنىڭ جەدەلحاتىندا.
ساۋد ارابيياسىنىڭ كورولٸ سالمان بەن ەبدەلەزيز ەل ساۋد جەنە ساۋد ارابيياسى كورولدٸگٸنٸڭ تاق مۇراگەرٸ مۇحاممەد بەن سالمان بەن ەبدەلەزيز ەل ساۋد ٶزدەرٸنٸڭ جەدەلحاتتارىندا قازاقستان پرەزيدەنتٸن قاسيەتتٸ رامازان ايىنىڭ باستالۋىمەن قۇتتىقتاپ, وعان زور دەنساۋلىق جەنە باقىت تٸلەگەن, سونداي-اق, باۋىرلاس قازاقستان حالقىنىڭ ودان ەرٸ ٶسٸپ-ٶركەندەي بەرۋٸنە تٸلەكتەستٸك بٸلدٸرگەن.
سونىمەن قاتار قازاقستان پرەزيدەنتٸنە قاتار ەمٸرٸ شەيح تاميم بەن حاماد ەل تەني, يوردانييا كورولٸ II ابداللا, ومان سۇلتانى حايسام بەن تاريق, كۋۆەيت ەمٸرٸ شەيح ناۆاف ەل-احماد ەل-دجابەر ەس-ساباح, كۋۆەيتتٸڭ تاق مۇراگەرٸ ميشال ەل-احمەد ەل-دجابەر ەس-ساباح, باحرەين كورولٸ حاماد بەن يسا ەل حاليفا, ماروككو كورولٸ VI مۇحاممەد, ەگيپەت پرەزيدەنتٸ ەبدەل فاتتاح ەس-سيسي, يراك پرەزيدەنتٸ بارحام سالەح, پالەستينا پرەزيدەنتٸ ماحمۋد ابباس, قاتار شەيحٸنٸڭ ورىنباسارى ابداللا بەن حاماد ەل تەني جەنە يسلام ىنتىماقتاستىعى ۇيىمىنىڭ باس حاتشىسى يۋسەف ەل-وسەيمين ٶزدەرٸنٸڭ قۇتتىقتاۋ حاتتارىن جولدادى.
