قر ٷكٸمەتٸ وتىرىسىنىڭ قورىتىندىسى بويىنشا ٶتكەن باسپاسٶز كونفەرەنتسيياسىندا پرەمەر-مينيستردٸڭ ورىنباسارى ەرالى توعجانوۆ قازاقستاندا كوروناۆيرۋس ينفەكتسيياسىنىڭ تارالۋىنا جول بەرمەۋ بويىنشا ٷكٸمەتتٸڭ قابىلداپ جاتقان شارالارى تۋرالى ايتىپ بەردٸ, دەپ حابارلايدى "ۇلت اقپارات" .
ە. توعجانوۆ اتاپ ٶتكەندەي, مەملەكەت باسشىسى ق. توقاەۆ قىتايدا پايدا بولعان كوروناۆيرۋستىڭ قازاقستان اۋماعىنا تارالۋىنا جول بەرمەۋ جٶنٸندە ٷكٸمەتكە ناقتى ۇيىمداستىرۋ شارالارىن قابىلداۋدى تاپسىردى جەنە جاعدايدى ٶزٸنٸڭ جەكە باقىلاۋىندا ۇستاپ وتىر.
«پرەمەر-مينيستر ٷكٸمەت وتىرىسىندا بۇل مەسەلەنٸ كٷن سايىن قاراۋدا. ارنايى ٸس-شارالار جوسپارى بەكٸتٸلگەن. اتالعان مەسەلەنٸ جٸتٸ قاداعالاۋدا ۇستاۋ ماقساتىندا قۇرىلعان ٷكٸمەتتٸك ۆەدومستۆوارالىق كوميسسييا تۇراقتى جۇمىس اتقارىپ, كٷندەلٸكتٸ قاجەتتٸ شارالار بويىنشا ناقتى شەشٸمدەردٸ ٸسكە اسىرىپ وتىر», — دەدٸ ۆيتسە-پرەمەر.
ونىڭ ايتۋىنشا, وسى ۋاقىتقا دەيٸن 11 وتىرىس ٶتكٸزٸلٸپ, تيٸستٸ ورگاندارعا 110-نان استام تاپسىرما بەرٸلدٸ.
سونىمەن قوسا, ۆيرۋستىڭ تارالۋ ايماعى قىسقا مەرزٸم ارالىعىندا جىلدام ارتقانىن اتاپ ٶتتٸ. بٷگٸنگٸ تاڭداعى مەلٸمەتكە سەيكەس, ۆيرۋس ەلەم بويىنشا 88,4 مىڭ ادامعا جۇققان, 3 مىڭ ادام قايتىس بولىپ, 42,8 مىڭنان استام ادام جازىلىپ شىققان.
ەلەمدە جاعدايدىڭ ۋشىعۋىنا بايلانىستى, ٷكٸمەت بٸرقاتار قوسىمشا شارالاردى قابىلدادى.
مەسەلەن, قحر-مەن جولاۋشىلار اۆتوبۋسىنىڭ تاسىمالى, جولاۋشىلار پويىزىنىڭ تاسىمالى مەن ەۋە قاتىناستارى, جاياۋ ٶتۋ توقتاتىلدى.
قحر-دان جٷك تاسىمالىن جٷزەگە اسىراتىن اۆتوموبيل كٶلٸكتەرٸنٸڭ جٷرگٸزۋشٸلەرٸ ٷشٸن (27.02.2020 جاعداي بويىنشا 22 اۆتوماشينا) مەديتسينالىق باقىلاۋ الگوريتمٸ بەلگٸلەندٸ. بٷگٸندە بارلىق جٷك تاسىمالى تەك تەمٸر جول ارقىلى ٶتەدٸ.
«بٸز شەكارادا بارلىق قاجەتتٸ سانيتارلىق شارالاردى قابىلدادىق. قازاقستان اۋماعىنا كٸرەتٸن ادامداردى, ونىڭ ٸشٸندە ماشينالاردى شەكتەۋ بويىنشا شارالار قابىلداندى. ولاردىڭ ەشقايسىسى مۇندا كەلمەيدٸ. اۆتوموبيل جٷك تاسىمالىنا قاتىستى ناقتى شارالار قابىلداندى. سوڭعى تەۋلٸكتەردە نەبەرٸ 10 اۆتوكٶلٸك ٶتتٸ. ياعني, بٸز ولاردىڭ سانىن ازايتتىق», — دەدٸ ۆيتسە-پرەمەر.
ە. توعجانوۆتىڭ ايتۋىنشا, بۇل شارالار قازاقستان–قىتاي ٶزارا قارىم-قاتىناستارىنىڭ ەكونوميكالىق قۇراۋىشىنا قارسى, بٸراق ولار قازٸرگٸ جاعدايدا ٶتە ماڭىزدى.
«ەكونوميكا مەسەلەسٸ – بۇل اسا ماڭىزدى مەسەلە. الدىن الا مەلٸمەتتەر بويىنشا, تەك قىتاي بويىنشا 1%-عا دەيٸن تٶمەندەۋ كٷتٸلەدٸ. ەگەر قىتايدىڭ ەلەم ەكونوميكاسىنداعى 24% ٷلەسٸن ەسكەرسەك, ەرينە, بۇل مەسەلە كٶپتەگەن ەلدەرگە, ونىڭ ٸشٸندە قازاقستانعا دا قاتىستى بولادى. الايدا اۋقىمدى ەكونوميكالىق زييان شەگەتٸنٸمٸزدٸ تٷسٸنە وتىرىپ, بٸز ادامداردىڭ قاۋٸپسٸزدٸگٸ مەن دەنساۋلىعىنا نۇقسان كەلتٸرۋگە قۇقىمىز جوق. بٸز ٷشٸن بۇل مەسەلەنٸڭ ەكونوميكالىق قۇراۋىشىنان گٶرٸ, ادامداردىڭ قاۋٸپسٸزدٸگٸ مەن دەنساۋلىعى ماڭىزدىراق», — دەدٸ پرەمەر-مينيستردٸڭ ورىنباسارى.
سونىمەن قاتار, بيىل 1 ناۋرىزدان باستاپ كورەيا رەسپۋبليكاسىمەن تۇراقتى ەۋە رەيستەرٸنٸڭ سانى 9-دان 3-كە دەيٸن قىسقاردى. 1 ناۋرىزدان باستاپ يرانمەن جالعىز ەۋە رەيسٸ توقتاتىلدى. 5 ناۋرىزدان باستاپ نۇر-سۇلتان – توكيو ەۋە رەيستەرٸ 2-دەن 1-گە دەيٸن قىسقارتىلادى. 5 ناۋرىزدان باستاپ ەزەربايجانمەن ەۋە رەيسٸ اپتاسىنا 15 رەتتەن 3-كە دەيٸن شەكتەلەدٸ, بۇل باكۋ رەيسٸمەن قازاقستانعا يرانعا باراتىن يران جەنە ەزەربايجان ازاماتتارىنىڭ ٶتەتٸندٸگٸمەن بايلانىستى.
سونىمەن قاتار ە. توعجانوۆ ٷشٸنشٸ ەلدەر ارقىلى بٸرٸنشٸ ساناتتان ازاماتتاردىڭ كەلۋٸ ەرەكشە مەديتسينالىق باقىلاۋعا الىنعانىن اتاپ ٶتتٸ. بٸرٸنشٸ جەنە ەكٸنشٸ ساناتتاعى ەلدەر ٷشٸن شەتەلدٸك جۇمىس كٷشٸن تارتۋعا رۇقساتتار بەرۋ توقتاتىلدى.
ۆيتسە-پرەمەردٸڭ ايتۋىنشا, قازاقستاندىق ستۋدەنتتەرگە قاتىستى جاقسى جاعداي قالىپتاسقان, ولاردىڭ كٶبٸسٸ دەمالىس ۋاقىتىندا قازاقستاندا جٷر. ولاردىڭ سانى شامامەن مىڭ ادامدى قۇرايدى. ستۋدەنتتەردٸڭ بارلىعىنا وڭتٷستٸك كورەياعا شىقپاۋعا كەڭەس بەرٸلدٸ. قر بعم-گە ورىن العان جاعدايدى ەسكەرە وتىرىپ, اتالعان جوو-لاردىڭ باسشىلىعىمەن وقىتۋ مەرزٸمٸن سوزۋ تۋرالى كەلٸسسٶز جٷرگٸزۋ تۋرالى ناقتى تاپسىرمالار بەرٸلدٸ.
ە. توعجانوۆ ۆيرۋسقا قارسى شارالاردى ورىنداۋعا ٷلكەن جاۋاپكەرشٸلٸكپەن قاراۋعا شاقىردى.
«قۇرمەتتٸ وتانداستار, بٸزدٸڭ ەرقايسىمىز مٸندەتتٸ تٷردە ٶز ٷيٸمٸزدە, جۇمىس ورتاسىندا, ەلەۋمەتتٸك ورتادا ۆيرۋسقا قارسى قاتاڭ شارالاردى ورىنداۋىمىز قاجەت. بۇل ٷكٸمەتتٸڭ عانا ەمەس, ەربٸر وتباسىنىڭ, ەربٸر مەملەكەتتٸك ورگاننىڭ, ەربٸر ۇيىمنىڭ جاۋاپكەرشٸلٸگٸ», — دەدٸ پرەمەر-مينيستردٸڭ ورىنباسارى.
سونىمەن قاتار, ول ەلەۋمەتتٸك جەلٸلەر ارقىلى تاراتىلاتىن جالعان اقپاراتقا سەنبەۋگە شاقىردى. جالعان اقپارات تاراتقانى ٷشٸن زاڭعا سەيكەس قىلمىستىق جاۋاپكەرشٸلٸككە تارتۋ قاراستىرىلعان.
«مەن وسى مەسەلەگە بارلىقتارىڭىزدان ٶتە بايىپپەن قاراۋدى سۇرايمىن جەنە جالعان اقپاراتتى تاراتقانى ٷشٸن قىلمىستىق جاۋاپكەرشٸلٸككە دەيٸن تيٸستٸ جاۋاپكەرشٸلٸك قاراستىرىلعانىن ەسكەرتەمٸن», — دەدٸ ە. توعجانوۆ.
