اقمولا وبلىسىنىڭ قىلمىستىق اتقارۋ جٷيەسٸ دەپارتامەنتٸ ەتس-166/11 تٷزەتۋ مەكەمەسٸنٸڭ قىزمەتكەرلەرٸ «بٸز بٸرگەمٸز» اكتسيياسى شەڭبەرٸندە جەڭٸستٸڭ 75 جىلدىعىنا وراي تىل ارداگەرٸ ليۋدميلا ميروشنيچەنكوعا ازىق-تٷلٸك جەتٸزٸپ, ٷي شارۋاسىنا كٶمەكتەستٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
ليۋدميلا تروفيموۆنا چەرنيگوۆ وبلىسىندا تۋعان. سوعىس باستالعان كەزدە جاسى 9-دا بولعان, 11 جاسىندا اناسىمەن بٸرگە ستەپاناكەرت قالاسىنداعى مايدانگەر ەكەسٸنە بارىپ, سوندا پاراشيۋت تٸگەتٸن فابريكادا ەڭبەك ەتكەن. سوعىس اياقتالعان سوڭ 1952 جىلى قازاقستانعا قونىس اۋدارعان. كەيٸن 1963 جىلى اقمولا وبلىسىنىڭ زاۆودسكوي كەنتٸنە كٶشٸپ كەلەدٸ.
«سودان بەرٸ تاپجىلماستان وسى اۋىلدا تۇرىپ كەلەمٸن», – دەيدٸ قارييا.
ول قۇقىق قورعاۋ ورگاندارىنىڭ قىزمەتكەرلەرٸن ٶزٸنٸڭ ەرٸپتەسٸ سانايدى. ليۋدميلا تروفيموۆنا جولداسى ياكوۆ مويسەيمەن بٸرگە 1963-1982 جىلدار ارالىعىندا ٶرت سٶندٸرۋ بٶلٸمٸندە قىزمەت ەتكەن.
«مەن كٸشٸ سەرجانت دەرەجەسٸندە, ديسپەتچەر لاۋازىمىندا قىزمەت ٸستەدٸم, – دەپ ەسكە الادى قارييا. – قانشا جىل ٶتسە دە, بارلىعى كەشە عانا بولعان سيياقتى. ۇمىتپاي كەلٸپ, كٶمەكتەسٸپ جاتقاندارىڭىزعا العىسىم شەكسٸز. سٸزدەردٸ كٶرٸپ قۋانىپ قالدىم».
جەڭٸس كٷنٸ قارساڭىندا تىل ارداگەرٸنٸڭ ٷيٸنە بارعان ەتس-166/11 تٷزەتۋ مەكەمەسٸنٸڭ قىزمەتكەرلەرٸ قارييانى ازىق-تٷلٸكپەن قامتاماسىز ەتٸپ قانا قويعان جوق, ٷيٸنٸڭ ٸشٸ مەن اۋلاسىن جيناستىرىپ كٶمەكتەستٸ. سونىمەن بٸرگە, قاريياعا كوروناۆيرۋس ينفەكتسيياسىنىڭ تارالۋىنا بايلانىستى قاۋٸپسٸزدٸك شارالارى تۋرالى ايتىپ تٷسٸندٸردٸ.
«سوعىستىڭ اياقتالعانىنا بيىل 75 جىل تولسا دا, سول سۇراپىل سوعىستا جاۋدى جەڭۋگە ٷلەس قوسقان مايدانگەرلەرٸمٸز بەن تىل ارداگەرلەرٸنٸڭ ەرلٸگٸ ٶسكەلەڭ ۇرپاقتىڭ مەڭگٸ جادىندا ساقتالعان. ولارعا قامقورلىق كٶرسەتۋ – ٶسكەلەڭ ۇرپاقتىڭ پارىزى» دەيدٸ ۆەدومستۆونىڭ باسپاسٶز قىزمەتٸندەگٸلەر.
