«وردا» توبىندا تۋعان اعايىندىلار ەن ايتقانىن بٸلەسٸز بە? ال ەكٸ بٶلەك توپتا تانىلعان باتىر باينازاروۆ پەن اسقار احمەت بٸر ەنگە بٸرگە قولتاڭبا قالدىرعان. ماقپال جٷنٸسوۆانىڭ جيەنٸ دە ەن ايتىپ, شەكٸرت تەربيەلەگەن, دەپ حابارلايدى ult.kz.
ماقپال جٷنٸسوۆا مەن ارماناي مۇحامەديياروۆا
ەنشٸ ارماناي مۇحامەديياروۆا — ماقپال جٷنٸسوۆانىڭ تۋعان ەپكەسٸنٸڭ قىزى. قازاقستاننىڭ حالىق ەرتٸسٸ بۇل تۋىستىق جايىن 2024 جىلى وتباسىنداعى قۋانىشپەن بٶلٸسكەندە ٶزٸ ايتقان. “تۋعان ەپكەمنٸڭ قىزى ارماناي امان-ەسەن بوساندى”, — دەپ جازعان ەنشٸ. سول جىلى ارماناي ٷشٸنشٸ پەرزەنتٸن دٷنيەگە ەكەلگەن.

ارمانايدىڭ ورىنداۋىنداعى “سەزٸم سىڭعىرى” ەنٸن «حابار» ارناسىنىڭ «كەل, شىرقايىق» باعدارلاماسىنان تىڭداۋعا بولادى. ول ەن مەتٸنٸن جازۋعا دا اتسالىسقان. مەسەلەن, The Jigits توبىنىڭ “سىنىپتاستار” ەنٸنٸڭ سٶزٸن جازعانداردىڭ قاتارىندا ونىڭ ەسٸمٸ بار. Massaget.kz-تٸڭ 2024 جىلعى مەلٸمەتٸنشە, ارماناي قازاق ۇلتتىق ٶنەر ۋنيۆەرسيتەتٸندە ەسترادالىق ۆوكالدان ساباق بەرگەن.
باتىر باينازاروۆ پەن اسقار احمەت
باتىر باينازاروۆ پەن اسقار احمەتتٸڭ تەگٸ بٶلەك بولعانىمەن, ەكەۋٸ — تۋعان اعايىندى. باتىر «Rin’Go» توبى قۇرىلعان كەزدەن باستاپ قۇرامىندا ٶنەر كٶرسەتكەن. ال اسقار پروديۋسەر الۋا قوناروۆا قۇرعان «Renzo» توبىنا قوسىلىپ, ەنشٸلٸكپەن قاتار ەن مەتٸنٸن جازعان.

ەكٸ توپتا ەن ايتقان اعايىندىلاردى «Renzo»-نىڭ شىعارماشىلىعى توعىستىردى. توپتىڭ “بولشى جانىمدا” ەنٸنٸڭ ەۋەنٸن باتىر, سٶزٸن اسقار جازعان. ال “باقىتتى بولشى” ەنٸنٸڭ سٶزٸ مەن ەۋەنٸن اسقاردىڭ ٶزٸ جازسا, بەينەبايانىنا باتىر رەجيسسەرلٸك ەتكەن.
داستان مەن رٷستەم ورازبەكوۆتەر
داستان ورازبەكوۆتٸ ٷلكەن ساحناعا العاش جەتەلەگەن ادامنىڭ بٸرٸ — تۋعان اعاسى رٷستەم. داستان «جارقىن جٷزدەسۋ» باعدارلاماسىندا بۇل وقيعانى ەسكە العان. رٷستەم «كەرەمەت» تەاترىنا اكتەر بولىپ قابىلدانعان كەزدە, داستان ەلٸ مەكتەپتە وقىپ جٷرگەن. تەاترعا ەنشٸ كەرەك ەكەنٸن ەستٸگەن اعاسى ٸنٸسٸن تىڭدالىمعا ەرتٸپ بارعان.

داستان ساباقتان كەيٸن تەاترعا بارىپ, ەن ايتىپ بەرگەن. ٶزٸنٸڭ ايتۋىنشا, سول كٷنٸ بٸردەن قابىلدانعان. كەيٸن تەاتردا «وردا» توبى قۇرىلىپ, اعالى-ٸنٸلٸ ورازبەكوۆتەر بٸر ۇجىمدا ٶنەر كٶرسەتتٸ. ۋاقىت ٶتە رٷستەم توپتان كەتتٸ, ال داستان «وردا» قۇرامىندا ەن ايتۋدى جالعاستىردى.
التىناي مەن تالعات جوراباەۆتار
التىناي جوراباەۆا ٸنٸسٸ تالعاتتىڭ ەنشٸلٸك جولعا تٷسۋٸنە كٶمەكتەسكەن. كەيٸن ەكەۋٸ دۋەت ايتىپ, بٸرگە كونتسەرت قويعان. تالعات ERNUR.KZ-كە بەرگەن سۇحباتىندا ەپكەسٸنٸڭ جانىندا ەن ايتۋدى مەرتەبە سانايتىنىن جەنە ونىڭ قولداۋىنا جيٸ ارقا سٷيەيتٸنٸن ايتقان.

سۇحباتتا تالعاتتان ەپكەسٸنٸڭ كٶلەڭكەسٸندە قالىپ قويامىن دەپ ويلاماي ما دەپ سۇراعان. “مەن ٷشٸن ونىڭ كٶلەڭكەسٸندە قالىپ قويۋ ۇيات ەمەس”, — دەپ جاۋاپ بەرگەن ەنشٸ. ول التىنايدى ٶنەردە جول كٶرسەتكەن ەپكەسٸ دەپ بٸلەدٸ. تالعاتتىڭ ايتۋىنشا, كەيدە بوساڭسىپ كەتكەندە دە ونى قايتا قامشىلايتىن — التىناي.