بٷگٸن قازاقستان بويىنشا 180 مىڭ ادام لاتىن ەلٸپبيٸنەن ديكتانت جازدى, دەپ حابارلايدى "ۇلت اقپارات".
تٸلدەر كٷنٸ مەرەكەسٸنە وراي ۇيىمداستىرىلعان شارا ەلدەگٸ مەكتەپتەر مەن جوعارى وقۋ ورىندارىندا, كٸتاپحانالار مەن مەدەنيەت وشاقتارىندا ٶتۋدە. قازاقستان حالقى اسسامبلەياسىنىڭ ۇيىمداستىرۋىمەن قولعا الىنعان شارانىڭ بٸرٸ ەلورداداعى ۇلتتىق اكادەمييالىق كٸتاپحانادا ٶتتٸ. مەملەكەتتٸك ورگاندار مەن جەكە مەنشٸك كەسٸپورىنداردان, وقۋ ورىندارىنان جينالعان 200-گە جۋىق قالا تۇرعىنى عالىم كامال ەلپەيٸسوۆا وقىعان «2019 jyl – Jastar jyly» تاقىرىبىنداعى مەتٸندٸ لاتىن قارپٸمەن 40 مينۋتتىڭ ٸشٸندە جازىپ شىقتى. ديكتانت جازۋشىلاردىڭ اراسىندا قر پارلامەنتٸ مەجٸلٸسٸنٸڭ دەپۋتاتى گەنناديي شيپوۆسكيح, قحا «جاڭعىرۋ جولى» رەسپۋبليكالىق جاستار قوزعالىسىنىڭ تٶراعاسى ماكسيم سپوتكاي سيياقتى بەلسەندٸلەر دە بار.
قحا تٶراعاسىنىڭ ورىنباسارى جانسەيٸت تٷيمەباەۆ شارانىڭ كٸتاپحاناعا جينالعان كٶپشٸلٸكتٸ ايتۋلى شارامەن قۇتتىقتاپ, بەلسەندٸلٸكتەرٸ ٷشٸن العىس بٸلدٸردٸ.
«مەملەكەتتٸك تٸلدە جالپىقازاقستاندىق اشىق ديكتانت جازۋ – قازاقستان حالقى اسسامبلەياسىنىڭ تٶل جوباسى. ونىڭ ماقساتى قوعامىمىزدا حالىقتى ۇيىستىرۋشى فاكتور – مەملەكەتتٸك تٸلدٸ بٸلۋگە قىزىعۋشىلىقتى ارتتىرىپ, قازاقستاندىق بٸرەگەيلٸكتٸ قالىپتاستىرۋ, قوعامدىق كەلٸسٸم مەن ەل بٸرلٸگٸن نىعايتۋ. بٷگٸن بٸر مەزەتتە 180 مىڭ قازاقستاندىق لاتىن قارپٸندە ديكتانت جازۋعا نيەت بٸلدٸردٸ. 2017 جىلى «مەڭگٸلٸك ەل» پاتريوتتىق اكتٸسٸ قابىلدانعاندا, قازاقستان حالقى اسسامبلەياسى ەلٸمٸزدٸڭ بارلىق ەلدٸ مەكەندەرٸندە وسى پاتريوتتىق اكتٸگە ارنالعان جالپىقازاقستاندىق اشىق ديكتانت ٶتكٸزۋگە باستاما كٶتەرگەن بولاتىن. 2018 جىلعى جالپىقازاقستاندىق ديكتانتتىڭ تاقىرىبى تەۋەلسٸز قازاقستاننىڭ جاۋھارى – باس قالامىزدىڭ 20 جىلدىعىنا ارنالدى. بٷگٸن وسى پاتريوتتىق جەنە اعارتۋ اكتسيياسىن جٷرگٸزۋ ارقىلى قازاقستان حالقى اسسامبلەياسى ەرقايسىمىزدىڭ بويىمىزدا ناعىز قازاقستاندىق پاتريوتيزم سەزٸمٸن قالىپتاستىرۋدى ماقسات ەتەدٸ. ەلدٸڭ جازۋ تاريحىنداعى جاڭا قادامدى قولداۋ ارقىلى بٸزدٸڭ بويىمىزدا وتانىمىزدى سٷيۋ, ساۋاتتى جازۋ, مەملەكەتتٸك تٸلدٸ قۇرمەتتەي بٸلۋ قاسيەتتەرٸ تەرەڭدەي تٷسەرٸ انىق», - دەدٸ جانسەيٸت تٷيمەباەۆ.
قازاقستان حالقى اسسامبلەياسىنىڭ جانىنداعى «جاڭعىرۋ جولى» رەسپۋبليكالىق جاستار قوزعالىسىنىڭ تٶراعاسى ماكسيم سپوتكاي لاتىن ەلٸپبيٸنە ورالۋ – تٸل بۇزار بٶگدە ەرەجەلەردٸڭ ىقپالىنان قۇتىلۋ ٷشٸن قاجەت دەگەن پٸكٸردە.
«قازاق تٸلٸن قولداۋ, قازاق تٸلٸن ودان ەرٸ نىعايتۋ – سٶزسٸز, «جاڭعىرۋ جولى» رەسپۋبليكالىق جاستار قوزعالىسىنىڭ ەڭ ماڭىزدى ماقساتتارىنىڭ بٸرٸ. قازٸرگٸ تاڭدا جاستار اراسىندا «مەن قازاقشا نە ٷشٸن سٶيلەۋٸم كەرەك» دەگەن سۇراق تۋىنداپ جٷر. سونداي سۇراق قويۋشىلارعا ٶز پٸكٸرٸمدٸ جەتكٸزگٸم كەلەدٸ. اشىعىن ايتۋ كەرەك, قازاق ەلٸنە, قازاق جەرٸنە كەلگەن اتا-بابالارىمىزدىڭ ٶمٸرٸن ساقتاپ قالعان قيىن-قىستاۋ زاماندا باۋىر بولعان قازاققا شىن نيەتپەن العىس ايتۋ – بۇل قۇر سٶزبەن ەمەس, ناقتى ٸسپەن بولۋى كەرەك. قازاققا العىس ايتۋ – قازاق تٸلٸندە ەركٸن سٶيلەۋ دەپ قابىلداۋىمىز كەرەك. «قازاققا شىنىمەن ريزا بولساڭ, قازاقشا سٶيلە» دەگەن ۇستانىم بەرٸمٸزگە ۇران, ٶمٸرلٸك قاعيدا بولۋى تيٸس. بٸزدٸڭ قوزعالىس وسى باعىت بويىنشا جۇمىس ٸستەپ جاتىر», - دەگەن جاستار قوزعالىسىنىڭ باسشىسى لاتىن گرافيكاسىنا ورالۋ تٸلدٸك رەفورمانىڭ باستاۋى دەگەن وي ايتتى.
«دەل قازٸرگٸ تاريحي سەتتە قوعامدا كەلٸسٸمدٸ نىعايتۋ پروتسەسٸن باسقا دەڭگەيگە شىعاراتىن ۋاقىت كەلدٸ. ول دەڭگەي مەملەكەتتٸك تٸلمەن تٸكەلەي بايلانىستى. پرەزيدەنت قاسىم-جومارت توقاەۆ تا قازاق تٸلٸ مەملەكەتتٸ تٸل عانا بولىپ قالماي, ۇلتارالىق قاتىناس تٸلٸ بولۋى كەرەكتٸگٸن ٶز جولداۋىندا ايتتى. لاتىن ەلٸپبيٸنە ورالۋ پروتسەسٸنٸڭ نەگٸزگٸ ماقساتى بٸر ەرٸپتەردٸڭ ورنىنا باسقا ەرٸپتەردٸ ەكەلۋ عانا دەپ ويلاماۋىمىز كەرەك. مۇنداعى ەڭ باستى ماقسات - تٸل بۇزار ورىس تٸلٸ ەرەجەسٸنٸڭ ىقپالىنان قۇتىلۋ. بۇل تٸلدٸك رەفورمانى دەل وسىلاي قابىلداۋىمىز كەرەك. ياعني, بۇل قاراپايىم ترانسليتەراتسييا ەمەس, بۇل تولىق ماعىناداعى اۋقىمدى رەفورما», - دەدٸ قوعام بەلسەندٸسٸ.
