فوتو: ۇلتتىق ٶنەر مۋزەيٸنٸڭ باسپاسٶز قىزمەتٸ
2025 جىلدىڭ 12 قىركٷيەگٸندە ساعات 16:00-دە ەبٸلحان قاستەەۆ اتىنداعى قر ۇلتتىق ٶنەر مۋزەيٸنٸڭ ورتالىق كٶرمە زالىندا الماتىلىق سۋرەتشٸ سۆەتلانا كاكوتكينانىڭ «بٸر عاجاپ كٷن» اتتى كٶرمەسٸنٸڭ اشىلۋى ٶتەدٸ. كٶرمەدە اۆتوردىڭ 80-گە جۋىق تۋىندىسى كٶپشٸلٸك نازارىنا ۇسىنىلادى.
سۆەتلانا كاكوتكينا الماتى قالاسىندا دٷنيەگە كەلگەن. بٸلٸمٸ بويىنشا – ديزاينەر, سەۋلەتشٸ. باستاپقى كٶركەمدٸك بٸلٸمٸن «كلاسسيكالىق ٶنەر گيمنازيياسىندا» العان. 2002 جىلى قازاق باس سەۋلەت-قۇرىلىس اكادەميياسىن «ديزاين» ماماندىعى بويىنشا تەمامداعان. ستۋدەنتتٸك جىلدارىنان باستاپ تٷرلٸ بايقاۋلار مەن كٶرمەلەرگە قاتىسىپ, شىعارماشىلىق بەلسەندٸلٸك تانىتتى.
كٶرمە «كٷز», «قىس», «كٶكتەم», «جاز» اتتى توپتامالاردان تۇرادى. كٶرمەگە قويىلعان جۇمىستار بٸزدٸڭ قالامىز بەن ونىڭ تٶڭٸرەگٸندەگٸ سەرۋەندەردەن تۋىنداعان ەسەرلەر نەگٸزٸندە دٷنيەگە كەلگەن. ەربٸر كٷننەن, ەربٸر پلەنەردەن شابىت العان سۋرەتشٸ بۇل كٶرمەنٸ جاي عانا كارتينالار توپتاماسى ەمەس, ٶز سەزٸمدەرٸ مەن باقىلاۋلارىنىڭ تٸرٸ كٷندەلٸگٸنە اينالدىردى. ەربٸر كەنەپ – بەلگٸلٸ بٸر سەتتٸڭ كٶرٸنٸسٸ ٸسپەتتٸ: ٶزەن ٷستٸن جاپقان تاڭعى تۇمان, باتىپ بارا جاتقان كٷننٸڭ تٶگٸلگەن التىن شاپاعى, شٶپ اراسىنداعى كٶلەڭكەنٸڭ ويىنى.
فوتو: ۇلتتىق ٶنەر مۋزەيٸنٸڭ باسپاسٶز قىزمەتٸ
سۋرەتشٸنٸڭ «يمپرەسسيونيزم» باعىتىنا دەگەن قۇشتارلىعى ايقىن كٶرٸنەدٸ. تابيعاتتان العان شابىتى ارقىلى ول ٶز تۋىندىلارىندا ەركٸندٸككە ۇمتىلادى. بۇل كٶرمە – سۋرەتشٸنٸڭ شەبەرحاناسىندا دا, دالادا دا جاساعان ەڭبەگٸنٸڭ نەتيجەسٸ. ول پلەنەرلەردٸ ەرەكشە جاقسى كٶرەدٸ, سەبەبٸ ەربٸر كٷن, جەلدٸڭ ەر لەبٸ, كٷننٸڭ ەر سەۋلەسٸ اۆتوردى تەرەڭ جەكە تولعانىستارعا جەتەلەپ, تابيعاتپەن ٷندەسكەن ەسەرلٸ تۋىندىلارعا شابىتتاندىرادى.
فوتو: ۇلتتىق ٶنەر مۋزەيٸنٸڭ باسپاسٶز قىزمەتٸ
اۆتوردى جازعى تاۋلارداعى سەرۋەندەر, قالا كٶشەلەرٸ مەن قىسقى بەينەلەر ەشقاشان بەيجاي قالدىرمايدى. وسى ەسەرلەر ونىڭ تۋىندىلارىندا جاڭعىرىپ, تٸپتٸ گٷلدەردٸڭ نەزٸك سۇلۋلىعىن بەينەلەيتٸن ناتيۋرمورتتاردا دا ايقىن سەزٸلەدٸ.
سۋرەتشٸ «بٸر عاجاپ كٷن» اتتى كٶرمەسٸ ارقىلى كٶرەرمەندەردٸ سەرۋەننٸڭ سيقىرىنا بويلاپ, كٷننٸڭ جىلۋىن سەزٸنۋگە, گٷل جايناعان دالانىڭ حوش يٸسٸنە ەلٸتٸپ, تابيعات ەۋەنٸن تىڭداۋعا شاقىرادى.
ەكسپوزيتسييا 30 قىركٷيەككە دەيٸن جالعاسادى.
كٶرمە كۋراتورى – ايسۇلۋ ٷسەنتاەۆا
