تەجٸريبەلٸ پوليارلىق فوتوگراف ەستەر حورۆات تاياۋدا عانا انتاركتيدا جاعالاۋىنان تابىلعان, مۇز قۇرساۋىنان 2 ميل تٶمەندە جاتقان وسى كەمەنٸ سۋرەتكە تٷسٸرگەن بولاتىن.
National Geographic Qazaqstan جۋرنالى ەستەر حورۆاتتىڭ تۇڭعيىقتان تٷسٸرگەن سول تاريحي سۋرەتتەرٸن جەنە nationalgeographic.com اۆتورى سيمون ۋوررالدىڭ (Simon Worral) كەمە تۋرالى ماتەريالىنان قىسقاشا ماعلۇمات ۇسىندى.
اعىلشىن-يرلاندىق زەرتتەۋشٸ ەرنەست شەكلتون باستاعان ەكسپەديتسييا مٸنگەن «Endurance» اتتى كەمە ساپارعا 1914 جىلى جەلتوقساندا وڭتٷستٸك گەورگييادان شىققان. ماقساتى – وڭتٷستٸك پوليۋسكە جەتۋدٸ كٶزدەگەن شەكلتون باستاعان زەرتتەۋشٸلەردٸ انتاركتيدا جاعالاۋىنا جەتكٸزۋ. الايدا كەمە 1915 جىلى قاراشادا ۋەددەل تەڭٸزٸندە مۇز قۇرساۋىنا تٷسٸپ, كٷيرەگەن. كەمە باتىپ بارا جاتقاندا مۇزعا شىعىپ ٷلگەرگەن ەكسپەديتسييانىڭ 28 مٷشەسٸنٸڭ ەۋپٸرٸمدەپ جٷرٸپ امان قالعانى ٶز الدىنا بٸر حيكايا.
بٸر قىزىعى, كەمە باتقان تۇس شامامەن بەلگٸلٸ بولعانىمەن, ونى ٸزدەۋ جۇمىستارى نەتيجە بەرمەگەن ەدٸ. ەندٸ مٸنە, 1 عاسىردان استام ۋاقىت ٶتكەندە Endurance22 ەكسپەديتسيياسى عاسىر جۇمباعىنا اينالعان كەمەنٸ انتاركتيدانىڭ تۇسىنان, ۋەددەلل تەڭٸزٸنٸڭ تٷبٸنەن تاۋىپ وتىر. كەمەنٸڭ العاشقى كەسكٸندەرٸ 5 ناۋرىزدا اۆتونومدى سٷڭگۋٸر اپپاراتى ارقىلى 2 ميل شاماسىنداعى تەرەڭدٸكتەن انىقتالعان.
كەمەنٸڭ Endurance ەكەندٸگٸنە ەشقانداي كٷمەن جوق, ٶيتكەنٸ ٶتە تٶمەن تەمپەراتۋرا, وتتەگٸنٸڭ ازدىعى جەنە كٷن سەۋلەسٸنٸڭ جوقتىعى ونىڭ جاقسى ساقتالۋىنا سەپتٸگٸن تيگٸزگەن. فوتودا ونىڭ اتاۋى دا انىق كٶرٸنٸپ تۇر. عالىمدار كەمەنٸڭ باتقان ورنى بەلگٸلٸ بولا تۇرا, ۇزاق ۋاقىت بويى تابىلماۋىنىڭ سەبەبٸ ونىڭ قۇرساۋعا تٷسكەننەن كەيٸن دە مۇزدىڭ اعىسىمەن باستاپقى ورنىنان جىلجىپ كەتكەندٸگٸنەن دەيدٸ.
