قازٸرگٸ ۋاقىتتا ادامدار ەرتٷرلٸ دەرۋمەندەر رەتٸندە بيولوگييالىق بەلسەندٸ قوسپالاردى (ببق) قابىلداپ جاتادى. دەگەنمەن, ولاردان قالاعان نەتيجە الا الماي, كٶڭٸل توماۋشىلىقتارى دا كەزدەسەدٸ. وسىعان وراي, الماتى قالاسىنىڭ سانيتارييالىق-ەپيدەميولوگييالىق باقىلاۋ دەپارتامەنتٸ ببق-نى قابىلداۋ, ونىڭ پايداسى مەن زييانى تۋرالى مەلٸمەت بەردٸ, دەپ حابارلايدى قازاقپارات.
دەپارتامەنتتە مەلٸم ەتكەندەي, بيولوگييالىق قوسپالارعا: مۋلتيۆيتاميندەر, مينەرالدى كەشەندەر, ەحيناتسەيا سىعىندىسى, ومەگا 3, حوندوپروتەكتورلار جەنە يممۋنومودۋلياتورلار كٸرەدٸ.
«دەرٸحانالاردا ەرتٷرلٸ تٷردەگٸ بيوقوسپالاردى: دەرٸلەر, كاپسۋلالار, ۇنتاقتار, تۇنبالار, بالزامدار, سيروپتار, گەلدەردٸ ۇسىنادى. تابيعي نەمەسە تابيعي ۇقساس زاتتاردى از كٶلەمدە (ببق) ٸشۋگە, تاماققا, كرەمدەرگە, بالزامدارعا جەنە ت.ب. قوسۋعا بولادى. ببق قۇرامىنا ٶسٸمدٸكتەر, شٶپتەر, مينەرالدار, تاعامدىق تالشىقتار, ارا ٶنٸمدەرٸ, تەڭٸز ٶنٸمدەرٸ, بالدىرلار, پروبيوتيكتەر, اشىتقىلار جەنە باسقا دا زاتتار كٸرۋٸ مٷمكٸن. بٸراق, دەرٸنٸ ولارمەن اۋىستىرۋعا, سونداي-اق, اۋرۋدى ٶز بەتٸنشە ەمدەۋگە بولمايدى.
بيولوگييالىق بەلسەندٸ قوسپالار بٸرقاتار ماڭىزدى فاكتورلارعا بايلانىستى بٸرنەشە كلاستارعا بٶلٸنەدٸ. نەگٸزگٸ ٷش توپ: ەۋبيوتيكتەر, نۋتريتسەۆتيكتەر جەنە پارافارماتسەۆتيكتەر دەپ اتالادى. ولار بەلگٸلٸ بٸر كومپونەنتتەردٸڭ قۇرامى مەن پايىزدىق قۇرامى بويىنشا بٶلٸنەدٸ. كٶپتەگەن بيولوگييالىق بەلسەندٸ قوسىلىستار, مىسالى, فلاۆونويد كلاسى سيياقتى, ورگانيزم ەرتٷرلٸ ٶسٸمدٸكتەردەن الادى», - دەپ مەلٸم ەتتٸ دەپارتامەنتتە.
سونداي-اق, ەربٸر تاماق قابىلداۋ كەزٸندە قوسىمشا رەتٸندە ببق پايدالانۋعا بولادى. دەگەنمەن, وندا دا اباي بولۋ قاجەت.
«مىسالى مۋلتيۆيتاميندەردٸ الايىق. ولاردىڭ قۇرامىندا 10-نان ارتىق كومپونەنتتەر بولۋى مٷمكٸن. ولاردىڭ بارلىعى سٸزگە قاجەت پە? الدىن الۋ ٷشٸن مۇنداي ۆيتاميندەردٸ قابىلداۋعا بولمايدى, سەبەبٸ مۋلتيۆيتاميندەردٸ باقىلاۋسىز قابىلداۋدىڭ زييانى تۋرالى بٸرقاتار زەرتتەۋلەر بار»,- دەدٸ دەپارتامەنتتە.
ەگەر سٸز ببق قابىلداساڭىز, وندا ونىڭ مٶلشەرٸن ساقتاۋ قاجەتتٸگٸن ەستە ۇستاڭىز.
«بەتا-كاروتيننٸڭ شامادان تىس مٶلشەرٸ تەمەكٸ شەگۋشٸلەردە ٶكپە وبىرىنىڭ دامۋ قاۋپٸن ارتتىرادى. ال كالتسيي مەن D ۆيتامينٸن كٶپ تۇتىنۋ بٷيرەكتە تاستاردىڭ پايدا بولۋ قاۋپٸن ارتتىرادى. ببق پايدالانا وتىرىپ, ولاردىڭ دەرٸ-دەرمەك ەمەس ەكەنٸن جەنە ارنايى سەرتيفيكاتتاۋدى تالاپ ەتپەيتٸنٸن بٸلٸڭٸز, دەرٸ-دەرمەك رەتٸندە ارنايى سىناقتان ٶتپەدٸ, بٸراق ولاردى دەرٸحانالاردا ساتىپ الۋعا بولادى.
جالپى بيولوگييالىق بەلسەندٸ قوسپالار ادامدى ەمدەمەيدٸ, ولار اۋرۋلاردىڭ الدىن الۋ قۇرالى بولىپ تابىلادى. ولار ادام اعزاسىن تاماق ارقىلى الاتىن پايدالى زاتتار مەن مينەرالداردىڭ جەتٸسپەۋشٸلٸگٸن ٶتەۋگە بولادى. ەسٸرەسە, جٷيكە جەنە دەنە جٷكتەمەلەرٸنٸڭ جوعارىلاۋى كەزٸندە, سونداي-اق, ادام اۋرۋدان كەيٸن قالپىنا كەلگەندە ٶتە ماڭىزدى. سونداي-اق, جارنامالاناتىن بيوقوسىمشالاردى قابىلداۋ الدىندا مٸندەتتٸ تٷردە ەمدەۋشٸ دەرٸگەرگە بارىڭىز.
ەسٸڭٸزدە بولسىن, كەيبٸر قوسپالار دەرٸلٸك دەرٸ-دەرمەكتەرمەن ٶزارا ەرەكەتتەسەدٸ, بۇل اعزاعا جاعىمسىز جەنە قاۋٸپتٸ سالدارى بولۋى مٷمكٸن. ال دەرٸ-دەرمەكتەردٸ باسقا دەرٸگەر سٸزگە قابىلداۋعا جازىپ بەرسە, وندا وعان قانداي قوسپالاردى قابىلدايتىنىڭىزدى ايتۋدى ۇمىتپاڭىز. قوسپالاردى ساۋاتسىز, زاڭسىز قولدانۋ قايعىلى جەنە جاعىمسىز سالدارعا ەكەلۋٸ مٷمكٸن», - دەپ ەسكەرتتٸ دەپارتامەنتتە.
