الماتىدا قر بٸلٸم جەنە عىلىم مينيسترٸ ەرلان ساعاديەۆ مۇعالٸمدەر اراسىنداعى رەسپۋبليكالىق «پانوراما پەداگوگيچەسكيح يدەي» بايقاۋىنىڭ جەڭٸمپازدارىن ماراپاتتادى, دەپ حابارلايدى قازاقپارات تٸلشٸسٸ.
«ٶرلەۋ» بٸلٸكتٸلٸكتٸ ارتتىرۋ ۇلتتىق ورتالىعى» اق مەملەكەت باسشىسىنىڭ جولداۋىنا سەيكەس قر بعم تاپسىرىسىمەن رەسپۋبليكالىق «پانوراما پەداگوگيچەسكيح يدەي» اتتى بايقاۋ ۇيىمداستىرعان بولاتىن.
وندا مەكتەپكە دەيٸنگٸ مۇعالٸمدەرگە, ورتا, تەحنيكالىق, كەسٸبي جەنە جوعارى وقۋ ورىندارىنىڭ مۇعالٸمدەرٸنە ارناپ بەينەساباقتار مەن بەينەدەرٸستەر ٸرٸكتەلدٸ.
«ەلٸمٸزدٸڭ بٸلٸم سالاسىنا نەگٸزدەلگەن وسىنداي اۋقىمدى بايقاۋ بٸرٸنشٸ رەت ۇيىمداستىلىرىپ وتىر. رەسپۋبليكامىزدىڭ بارلىق مۇعالٸمدەرٸ بٸرٸنشٸ رەت ٶز تەجٸريبەسٸمەن بٶلٸسۋ مٷمكٸندٸگٸن الدى. بايقاۋ ايماقتىق جەنە رەسپۋبليكالىق دەگەن ەكٸ كەزەڭنەن تۇردى. ايماقتىق كەزەڭگە 2 750 مۇعالٸم قاتىستى. ال رەسپۋبليكالىق كەزەڭگە 940 بەينەساباق ۇسىنىلدى, ونىڭ ٸشٸندە 66 بەينەساباق 22 نوميناتسيياعا ٸلٸكتٸ», - دەدٸ «ٶرلەۋ» ٶكٸلدەرٸ.
بٷگٸن سالتاناتتى جيىندا قر بعم باسشىسى جەڭٸمپازداردى ماراپاتتادى. ول وسى سىندى كونكۋرستاردىڭ ەلٸمٸزدٸڭ بٸلٸم سالاسىنا ەكەلەر پايداسىن ەسكەرە وتىرىپ, بارلىق قاتىسۋشىلارعا العىسىن بٸلدٸردٸ. ەكٸنشٸ ورىن يەگەرلەرٸن قازاقستاننىڭ ەڭبەك ەرٸ, پەداگوگيكالىق ەڭبەك ارداگەرٸ اياگٷل ميرازوۆا, ال ٷشٸنشٸ ورىن العان مۇعالٸمدەردٸ «ٶرلەۋ» بٸلٸكتٸلٸكتٸ ارتتىرۋ ۇلتتىق ورتالىعى» اق باسقارماسىنىڭ تٶرايىمى گٷلناس احمەتوۆا ماراپاتتادى.
ٷزدٸك جۇمىستاردى «ٶرلەۋ» ۇيىمىنىڭ يۋتۋب كانالىندا كٶرۋگە بولادى. قازٸرگٸ ۋاقىتتا كانالدا 32 مىڭ جازىلۋشى بار. وندا 1500 فيلم جٷكتەلگەن.
