قر بٸلٸم جەنە عىلىم مينيسترٸ اسحات ايماعامبەتوۆ وقۋلىق باعاسىنىڭ قىمبات ەكەنٸن مويىندادى, دەپ حابارلايدى قازاقپارات.
«مەن وقۋلىق باعاسىنا ارنايى تالداۋ جٷرگٸزدٸم. بٸزدە باستاۋىش سىنىپتار بازالىق وقۋلىق پايدالانادى. نەگٸزگٸ جەنە جوعارى سىنىپتارعا ارنالعان بالاما وقۋلىقتار بار. ەكەۋٸنٸڭ باعاسىن سالىستىردىم. بازالىق وقۋلىقتاردى باسۋعا بەلگٸلٸ بٸر باسپالار مٷمكٸندٸك الىپ وتىرعان. سەيكەسٸنشە, باعاسى جوعارى بولعان. ال بالاماسى بار وقۋلىقتاردى 4-5 باسپا شىعارعان. بۇل جەردە مەكتەپتەر ٶزٸنە تيٸمدٸسٸن تاڭداي الادى. وسى بەسەكە وقۋلىق باعاسىنا دا ەسەر ەتكەن. ياعني, بازالىق وقۋلىقتار بالاماسى بار وقۋلىقتارعا قاراعاندا قىمبات ەكەنٸن كٶرەمٸز», - دەگەن مينيستر قازٸرگٸ باعاعا كٶڭٸلٸ تولمايتىنىن جەتكٸزدٸ.
«وقۋلىق باعاسى بويىنشا مينيسترلٸكتٸڭ ۇستانىمى ايقىن. ونى ەسەپتەپ شىقتىق. قالاماقى تٶلەۋ كەرەكتٸگٸن, بۇل بيزنەس ەكەنٸن تٷسٸنەمٸز. سوندا دا, وقۋلىق باعاسى قازٸرگٸدەي قىمبات بولماۋى كەرەك. بٸز پٸكٸر الماسۋلار ارقىلى وسىعان كٶزدەرٸن جەتكٸزۋٸمٸز كەرەك. ياعني, باعا ساياساتىندا مينيسترلٸك سىرت قالماۋى كەرەك. بٸزدە بۇعان دەيٸن ا4 قالىپتى جەنە ودان دا كٶلەمدٸ وقۋلىقتار بولدى. ەندٸ ەلەستەتٸپ كٶرٸڭٸزدەر, بٸرٸنشٸ سىنىپ وقۋشىسى وتىر دەيٸك. ولاردىڭ پارتالارى شاعىن بولادى. قاسىندا پارتالاسى وتىر. جاڭاعى كٶلەمدٸ وقۋلىقتار پارتاعا سىيماي, بالانى ەۋرەگە تٷسٸرەدٸ. بٸر قاراعاندا بۇل ۇساق-تٷيەك مەسەلە سيياقتى. بٸراق بالانىڭ بٸلٸم الۋىندا رٶلٸ وراسان. مۇنىڭ بەرٸنٸڭ ارتىندا بٸلٸم بەرۋ ساپاسى مەن تيٸمدٸلٸگٸ تۇر. جالپى بٷگٸنگٸ وقۋلىقتاردىڭ جاعدايىنا كٶڭٸلٸ تولمايدى», - دەدٸ ول.
اسحات ايماعامبەتوۆ وقۋلىق شىعارۋ جٷيەسٸنە ٶزگەرٸس ەنگٸزٸلەتٸنٸن اتادى.
«سالادا جٷيەلٸ مەسەلەلەر بار. وقۋلىق دايىنداۋ, ونىڭ ساپاسىن ساراپتاۋ, ٸرٸكتەۋ جٷيەسٸنە ٶزگەرٸس ەنگٸزەتٸن بولامىز. سوندىقتان, ەندٸگٸ وقۋلىق باسۋ كەزەڭٸندە مەن بارلىق باسپالارعا وسى ايتىلعان مەسەلەلەردٸ ەسكەرۋدٸ تاپسىرامىن. مۇنداي باسسىزدىقتارعا جول بەرٸپ قويا المايمىز. ناقتى شەشٸمدەر قابىلداپ, جٷيەلٸ جۇمىس جٷرگٸزەتٸن كەز جەتتٸ», - دەپ تٷيٸندەدٸ مينيستر.
