قازاقستاندا وقۋشىلارعا ارنالعان وليمپيادالاردىڭ سانى كەڭەيتٸلدٸ. بۇل تۋرالى قر بٸلٸم جەنە عىلىم ۆيتسە-مينيسترٸ شولپان كارينوۆا ايتتى, دەپ حابارلايدى قازاقپارات.
«انا-انالار مەن مەكتەپتەر ٷشٸن تاعى بٸر اقپاراتتى جەتكٸزبەكپٸن. بٸلٸم جەنە عىلىم مينيسترلٸگٸنٸڭ وليمپيادالار تٸزبەسٸن بەكٸتۋ بويىنشا تيٸستٸ ٶزگەرٸستەر ەنگٸزٸلدٸ. بۇل ٶز كەزەگٸندە ساپالىق ٶزگەرٸستەرگە قاتىستى. وسى جىلعا دەيٸنگٸ وليمپيادالاردىڭ تٸزبەسٸندە 56 وليمپيادالىق ٸس-شارا قاراستىرىلعان بولسا, بٷگٸنگٸ كٷنٸ بەكٸتٸلگەن تٸزٸمدە 175 ٸس-شاراعا دەيٸن كەڭەيتٸلدٸ. ەرتٷرلٸ باعىتتاردا دارىندىلىقتى انىقتايتىن وليمپيادالاردىڭ سانى عانا ەمەس, جارىستاردىڭ ساپالىق سيپاتتالامالارى دا ٶزگەردٸ», - دەدٸ ش. كارينوۆا ورتالىق كوممۋنيكاتسييالار قىزمەتٸندە.
ونىڭ ايتۋىنشا, ەندٸ بارلىق وليمپيادانىڭ مەكتەپتٸك, اۋداندىق, قالالىق, وبلىستىق جەنە رەسپۋبليكالىق دەڭگەيلەرٸ بولۋى شارت.
«بۇل بالالاردى ىنتالاندىرۋ ٷشٸن ماڭىزدى ەرٸ پەداگوگتاردىڭ ەڭبەگٸن كٶتەرمەلەۋ تۇرعىسىنان دا كەرەك. ٶيتكەنٸ نەتيجەلەر ولاردىڭ قىزمەتٸن, بٸلٸكتٸلٸگٸن باعالاۋ كەزٸندە ەلەكتروندى تٷردە مۇعالٸمنەن سۇراۋسىز ەسكەرٸلەتٸن بولادى. ەكٸنشٸدەن, باستاۋىش سىنىپ وقۋشىلارى مەن ورتا بۋىن وقۋشىلارى ٷشٸن بۇعان دەيٸن تٸزبەدە ەشبٸر وليمپيادالار قاراستىرىلماعان ەدٸ. قازٸرگٸ تٸزبەگە وسى بۋىندار بويىنشا تيٸستٸ وليمپيادالار نەگٸزگٸ پەندەر تۇرعىسىنان قاراستىرىلدى», - دەدٸ ۆيتسە-مينيستر.
بۇدان بٶلەك, اۋىل وقۋشىلارى ٷشٸن زيياتكەرلٸك جارىستار قاراستىرىلىپ وتىر. ولار ٶتە ماڭىزدى, ٶيتكەنٸ كٶپ جاعدايدا اۋىلدىق وقۋشىلار قالالىق گيمنازييا, ليتسەي وقۋشىلارىمەن بٸرگە قاتىسىپ, بەسەكەلەسۋگە مٷمكٸندٸكتەرٸ بولماي جاتادى.
مۇنىمەن قوسا, دارىندى بالالارعا ارنالعان مامانداندىرىلعان ۇيىمدار ٷشٸن زيياتكەرلٸك جارىستار قاراستىرىلدى.
«سونداي-اق مەكتەپ وقۋشىلارىنا ارنالعان جوعارى وقۋ ورىندارىنىڭ وليمپيادالارى انىقتالدى. ولاردىڭ ماقساتى – ماماندىققا تارتۋ, كەسٸپتەردٸ يگەرۋ ٷشٸن تەرەڭدەتٸلگەن بٸلٸمدەردٸ انىقتاۋ, كەسٸپتٸك باعدارلاۋ جۇمىسى», - دەدٸ شولپان كارينوۆا.
«ەندٸ وقۋ جىلىنىڭ باسىندا بارلىق ۇيىم وليمپيادالار مەن كونكۋرستاردى ٶتكٸزۋ تۋرالى ەرەجەلەردٸ, ونداعى باعالاۋ ٶلشەمشارتىن, قاتىسۋ شارتتارىن, ٶتكٸزۋ مەرزٸمدەرٸن اتاپ, تولىق اقپاراتتى بٸلٸم مەكەمەلەرٸنە جەتكٸزەتٸن بولادى. بارشا جارىسقا قاتىسۋشىلاردىڭ بازاسى جەنە ولاردىڭ نەتيجەلەرٸ ۇلتتىق دەرەكتەر قورى جٷيەسٸندە ەلەكتروندى تٷردە قولجەتٸمدٸ بولادى. سونىمەن بٸرگە, جارىستار تٸزبەسٸندە ەكولوگييا, SMART- تەحنولوگييالار مەسەلەلەرٸ, كونكۋرستار مەن وليمپيادالار, زەرتتەۋ كونكۋرستارى ەنگٸزٸلدٸ», - دەدٸ ۆيتسە-مينيستر.
