قر بٸلٸم جەنە عىلىم ۆيتسە-مينيسترٸ شولپان كارينوۆانىڭ قاتىسۋىمەن مەكتەپ وقۋلىقتارىنىڭ ساپاسى تٶڭٸرەگٸندەگٸ مەسەلەلەرگە ارنالعان القالى وتىرىس ٶتتٸ, دەپ حابارلايدى "ۇلت اقپارات" ۆەدموستۆونىڭ Facebook-تەگٸ رەسمي پاراقشاسىنا سٸلتەمە جاساپ.
«قازاقستان رەسپۋبليكاسىنىڭ پرەزيدەنتٸ قاسىم-جومارت توقاەۆ حالىققا ارناعان جولداۋىندا وقۋلىق ساپاسىنا باسا نازار اۋدارىپ, وقۋشىلاردى ساپالى وقۋلىقتارمەن قامتاماسىز ەتۋ – تيٸستٸ مينيسترلٸكتٸڭ تٸكەلەي مٸندەتٸ ەكەندٸگٸن ايتقان بولاتىن. وسى رەتتە بٸلٸم جەنە عىلىم مينيسترلٸگٸ تاراپىنان بۇل باعىتتا ناقتى شارالار قابىلدانۋدا», - دەدٸ ۆيتسە-مينيستر.
جيىنعا قاتىسۋشىلار جاڭارتىلعان مازمۇنداعى وقۋلىقتاردى ەزٸرلەۋ, ساراپتامادان ٶتكٸزۋ جەنە وقۋ ٷردٸسٸندە پايدالانۋ بويىنشا اتقارىلىپ جاتقان شارالار تۋرالى اقپارات بەردٸ. دٶڭگەلەك ٷستەل بارىسىندا ورتا بٸلٸم بەرۋدٸڭ جاڭارتىلعان مازمۇنداعى ٷلگٸلٸك وقۋ باعدارلامالارىنا ساي ەزٸرلەنٸپ, 2016-2017 وقۋ جىلىنان باستاپ مەكتەپتەرگە ەنگٸزٸلٸپ جاتقان وقۋلىقتار مەن وقۋ-ەدٸستەمەلٸك كەشەندەردٸڭ تۇجىرىمدامالىق ەرەكشەلٸكتەرٸ بويىنشا كەسٸبي تٷسٸنٸكتەمەلەر بەرٸلدٸ.
القالى وتىرىستا اتالعان وقۋلىقتاردىڭ مازمۇنىن قۇراستىرۋ بويىنشا اۆتورلاردىڭ, عىلىمي-پەداگوگيكالىق تۇرعىدا باعالاۋ بويىنشا ساراپشىلاردىڭ قىزمەتٸ جان-جاقتى تالقىلاندى.
وقۋلىقتاردى ەزٸرلەۋ, ساراپتاۋ جەنە تاڭداپ الۋ جٷيەسٸ, وقۋلىقتار ساپاسىن جەتٸلدٸرۋ باعىتىنداعى قازاقستان رەسپۋبليكاسىنىڭ بٸلٸم جەنە عىلىم مينيسترلٸگٸنٸڭ وسى كەزگە دەيٸن اتقارعان جۇمىستارى ەڭگٸمە ارقاۋىنا اينالىپ, الداعى ۋاقىتتارعا جوسپارلانىپ وتىرعان ناقتى شارالار سٶز بولدى. اشىق ديالوگ فورماتىندا ٶتكەن شارا بارىسىندا جيىنعا قاتىسۋشىلار ٶز ۇسىنىستارىن دا بٸلدٸردٸ.
اتالعان شاراعا ى.التىنسارين اتىنداعى ۇلتتىق بٸلٸم اكادەميياسى جەنە «وقۋلىق» رەسپۋبليكالىق عىلىمي پراكتيكالىق ورتالىعىنىڭ قىزمەتكەرلەرٸ, وقۋلىق اۆتورلارى مەن ساراپشىلارى قاتىستى.
ايتا كەتەيٸك, بٸلٸم جەنە عىلىم مينيسترٸ اسحات ايماعامبەتوۆ وقۋلىقتاردىڭ ساپاسىن جاقسارتۋدىڭ تٶمەندەگٸدەي 10 قادامىن ۇسىنعان بولاتىن:
1. مۇعالٸمدەردٸ ٸرٸكتەپ, ارنايى كۋرستار ٶتكٸزۋ جەنە ولاردى وقىعاندىعى جايلى كۋەلاندىرۋ. قاتىسۋشىلاردىڭ تۇراقتى بازاسىن قالىپتاستىرۋ. ساراپشىلار مەن پەندٸك كوميسسييالاردىڭ قۇرامىنا ەنەتٸن ساراپشىلاردى مەلٸمەتتەر بازاسىنان جاسىرىن ەدٸسپەن تاڭداپ الۋ.
2. وقۋلىقتار اۆتورلارىن كۋرستان ٶتكٸزۋ.
3. ساراپتاما جٷرگٸزۋ پروتسەسٸن جاقسارتۋ. ساراپشىلار تۇراقتى تٷردە وقۋلىقپەن جۇمىس ٸستەي الاتىن ارنايى پلاتفورما اشۋ.
4. ەلەكتروندى پلاتفورما ارقىلى باسپالارعا ايتىلعان ەسكەرتۋلەردٸڭ نەتيجەسٸن باقىلاۋ. ەر ەسكەرتۋگە ناقتى جاۋاپ بولۋى تيٸس.
5. وقۋلىقتاردىڭ رەتسەنزيياسىمەن جاسىرىن جۇمىس ٸستەيدٸ. وقۋلىقتاردى ساراپتاۋ كەزٸندە ساراپشىلار وقۋلىقتىڭ اۆتورى كٸم ەكەنٸن بٸلمەيدٸ جەنە وسىلايشا قۇراستىرۋشى تاراپىنان كٶرسەتٸلەتٸن قىسىمنان بوساتىلادى.
6. وقۋلىقتاردا قاتە جٸبەرٸلگەن جاعدايدا, باسپا ٶز قاراجاتىنا وقۋلىقتاردى الماستىرادى.
7. باسپا قاتەلەردٸ جٶندەمەگەن جاعدايدا بەلگٸلٸ بٸر سانكتسييالار قولدانىلادى.
8. مينيسترلٸك وقۋلىقتاردىڭ ٶز باعاسىنا جاسالاتىن تالداۋدى باقىلاۋدا ۇستايدى.
9. وقۋلىقتاردىڭ كٶلەمٸن كٸشٸرەيتۋ.
10. بەلگٸلٸ بٸر وقۋلىقتارداعى قاتە باعدارلامالاردى جٶندەۋ.
