«جەلٸگە شولۋ» - بٸلٸم جەنە عىلىم مينيسترلٸگٸنٸڭ ەلەۋمەتتٸك جەلٸدەگٸ جاڭا جوباسى. باستى ماقسات – جەلٸ قولدانۋشىلارى جازعان پٸكٸرلەرگە, سۇراقتارعا جاۋاپ بەرۋ, ٶزەكتٸ مەسەلەلەرگە قاتىستى كٶپشٸلٸككە دۇرىس اقپاراتتى تٷسٸنٸكتٸ تٸلدە جەتكٸزۋ. العاشقى شىعارىلىمدا قر بٸلٸم جەنە عىلىم ۆيتسە-مينيسترٸ قۋانىش ەرعاليەۆ جەنە «بولاشاق» حالىقارالىق باعدارلاماسى بويىنشا اريزونا ۋنيۆەرسيتەتٸندە بٸلٸم العان قازاقستاندىقتار ەلٸمٸزدە اريزونا ۋنيۆەرسيتەتٸ فيليالىنىڭ اشىلۋىنا قاتىستى وقىرماندارىمىزدىڭ سۇراقتارىنا جاۋاپ بەرەدٸ. ولار ٶزدەرٸنٸڭ وقۋ تەجٸريبەسٸ جەنە قازاقستاندىقتارعا ساپالى, حالىقارالىق جوعارى بٸلٸمنٸڭ قولجەتٸمدٸلٸگٸ بويىنشا قانداي مٷمكٸندٸكتەر بەرٸلگەنٸ تۋرالى ايتتى.
«بولاشاق» باعدارلاماسىنىڭ تٷلەكتەرٸ قازٸرگٸ تالاپكەرلەرگە ۋنيۆەرسيتەت تاڭداۋ اياسى كەڭەيگەنٸن اتاپ ٶتتٸ. بٷگٸندە جاستارعا ەلٸمٸزدەگٸ ەڭ ٷزدٸك جوعارى وقۋ ورىندارىندا, «بولاشاق» باعدارلاماسى بويىنشا شەتەلدە نەمەسە ٷكٸمەتارالىق كەلٸسٸمدەر اياسىندا قازاقستاندا اشىلاتىن شەتەلدٸك ۋنيۆەرسيتەتتەردٸڭ فيليالدارىندا بٸلٸم الۋ مٷمكٸندٸگٸ بەرٸلٸپ وتىر.
مەسەلەن, ارداك كاسانوۆا ەسٸمدٸ جەلٸ قولدانۋشىسى اريزونا ۋنيۆەرسيتەتٸ جايىنداعى پوستقا: «سول ۋنيۆەرگە قاراپايىم حالىقتىڭ بالالارى قالاي تٷسەدٸ?», - دەگەن پٸكٸر قالدىرىپتى. بۇل سۇراققا قر بٸلٸم جەنە عىلىم ۆيتسە-مينيسترٸ قۋانىش ەرعاليەۆ جاۋاپ بەردٸ. ونىڭ ايتۋىنشا, بۇل جوبا نەگٸزٸنەن قاراپايىم بالالارعا ارنالعان.
«ەڭ باستىسى بالالار اعىلشىن تٸلٸن بٸلۋٸ كەرەك. اريزونا ۋنيۆەرسيتەتٸنٸڭ ارنايى ەمتيحانى بولادى»,- دەيدٸ ۆيتسە-مينيستر.
قۋانىش ەرعاليەۆ ايسۇلۋ قاسىم ەسٸمدٸ وقىرمانىمىزدىڭ: «لگبت رەسمي تٷردە ٷيرەتەر اريزونا ۋنيۆەرسيتەتٸ. نەسٸنە قۋانىپ مەز بولامىز»,- دەگەن ساۋالىنا دا جاۋاپ بەردٸ.
«ەڭ بٸرٸنشٸ مىنانى ايتۋىمىز كەرەك, اريزونا ۋنيۆەرسيتەتٸمەن كەلٸسٸم جاساعان كەزدە تەربيە جۇمىسىن تولىعىمەن قازاقستان جاعى قاداعالايدى, باقىلايدى دەپ كەلٸستٸك. تەربيە جٶنٸندەگٸ رەكتوردىڭ ورىنباسارى قازاقستان جاعىنان تاعايىندالادى جەنە بٷكٸل تەربيە جۇمىسى بٸزدٸڭ مەنتاليتەتٸمٸزگە ساي, قۇندىلىقتارىمىزعا ساي جٷرگٸزٸلەدٸ», - دەدٸ قر بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
اريزونا ۋنيۆەرسيتەتٸندە 4 جىل بٸلٸم العان بايجانوۆ نۇرسەيت تە كٶپشٸلٸكتٸ تولعاندىرعان مەسەلەگە قاتىستى پٸكٸر بٸلدٸردٸ.
«مەن اريزونادا 4 جىل بويى وقىدىم. مەن ٶز كٶزٸمەن كٶردٸم. ونداي لگبت ناسيحات ەش ۋاقىتتا بولعان جوق. قازاقستاندىق بٸر دە بٸر ستۋدەنت وسىنداي قاۋىمعا قوسىلعان جوق», - دەيدٸ «بولاشاق» حالىقارالىق باعدارلاماسىنىڭ تٷلەگٸ.
مانشۋك سەريكوۆا ەسٸمدٸ قولدانۋشى «جاقسى حابار, وندا قانداي ماماندىقتار بويىنشا دايىندايدى?», - دەگەن ساۋال قالدىرىپتى.
بٸلٸم جەنە عىلىم ۆيتسە-مينيسترٸ اريزونا ۋنيۆەرسيتەتٸنٸڭ مىقتى باعىتتارى بويىنشا باسىمدىق بەرٸلگەنٸن مەلٸمدەدٸ. بۇل اۋىل شارۋاشىلىعى, ينجەنەرييا ماماندىقتارى.
«اريزونا ۋنيۆەرسيتەتٸندە تٸپتٸ مەديتسينا ماماندىعى دا مىقتى بولىپ سانالادى. سوندىقتان مەديتسينا فاكۋلتەتٸن اشۋ دا جوسپارلانعان», - دەدٸ قۋانىش ەرعاليەۆ.
اۋىلشارۋاشىلىق تەحنيكاسى مەن تەحنولوگيياسى ماماندىعى بويىنشا اريزونا ۋنيۆەرسيتەتٸنٸڭ تٷلەگٸ جاڭبىرباەۆ جاندەۋلەت بٷگٸندە اۋىلشارۋاشىلىق سالاسىندا جۇمىس ٸستەپ جٷرگەن كومپانييالاردىڭ تٸل بٸلەتٸن اگرونومدارعا, باسقا دا اۋىلشارۋاشىلىق ماماندارىنا سۇرانىسى ٷلكەن ەكەنٸن ايتادى.
«اگرونوم اعىلشىن تٸلٸن بٸلسە ول ٶزٸنٸڭ ويىن, پٸكٸرٸن شەتەلدٸك ەرٸپتەستەرٸنە تولىق جەتكٸزە السا, بٸزدٸڭ جاھاندىق كومپانييالارمەن قاتىناسىمىز كٷشەيەدٸ دەپ ويلايمىن. قازاقستاندىق اۋىلشارۋاشىلىق ماماندارىنىڭ دەڭگەيٸ كٶتەرٸلەدٸ دەپ ويلايمىن. ول بٸزگە ەلەمدٸك نارىققا جول اشادى», - دەيدٸ سالا مامانى.
amway_kazakhstan_2021 «وقۋ اقىلى بولا ما نەمەسە گرانت بولا ما?»,- دەگەن سۇراق قالدىرىپتى.
قر بٸلٸم جەنە عىلىم ۆيتسە-مينيسترٸ مەملەكەت تاراپىنان گرانتتار بٶلٸنەتٸنٸن مەلٸمدەدٸ. سونىمەن قاتار اقىلى وقۋعا دا مٷمكٸندٸك بەرٸلەدٸ.
«قازٸر قاراساڭىزدار, قازاقستاندا وقيمىن دەسەڭٸز كٶپتەگەن جاقسى ۋنيۆەرسيتەتتەرٸمٸز بار. شەتەلگە بارامىن دەسەڭٸز, «بولاشاق» باعدارلاماسى بار. پرەزيدەنتٸمٸزدٸڭ تاپسىرماسى بويىنشا بريتانييالىق ۋنيۆەرسيتەتتەردٸڭ, رەسەي ۋنيۆەرسيتەتتەرٸنٸڭ فيليالدارى اشىلىپ جاتىر. قازٸرگٸ جاستارعا وقۋعا, ەڭبەك ەتۋگە, بٸلٸم الۋعا بارلىق جاعداي جاسالدى», - دەيدٸ قر بٸلٸم جەنە عىلىم ۆيتسە-مينيسترٸ قۋانىش ەرعاليەۆ.
