قر بٸلٸم جەنە عىلىم مينيسترٸ اسحات ايماعامبەتوۆ مەكتەپ تٷلەگٸنٸڭ كەسٸپتٸك باعدارىن ايقىنداۋ جۇمىسىن ەلٸمٸزدەگٸ جوو-لار دۇرىستاپ جٷرگٸزٸپ وتىرماعانىن مەلٸم ەتتٸ, دەپ حابارلايدى قازاقپارات.
«جوو-لاردىڭ باستى مٸندەتتەرٸنٸڭ بٸرٸ – مەكتەپ تٷلەگٸنٸڭ كەسٸپتٸك باعدارىن ايقىنداۋ. ەشكٸم دە سٸزدەردٸڭ الدارىڭىزدا (ۋنيۆەرسيتەت باسشىلارىنا قاراتا) مۇنداي تاپسىرمانى قويماۋى دا كەرەك. سەبەبٸ بۇل - جوو باسشىسىنىڭ ەربٸرٸنٸڭ الدىندا تۇرعان ەڭ نەگٸزگٸ مٸندەتتەردٸڭ بٸرٸ. بٸراق كەسٸپتٸك باعداردى ايقىنداۋ جۇمىسىنىڭ جارناماعا اينالىپ كەتەتٸنٸ بار. ياعني, جىلدىڭ اقپان ايىندا «ويانا قالىپ», ەرٸپتەستەرٸمٸز مەكتەپتٸ ارالاي كەتسە – بٸز ونى كەسٸپتٸك باعدارىن ايقىنداۋ جۇمىسى دەپ اتاي المايمىز. سەبەبٸ اقپان – ٶتە كەش. وقۋشىلار وعان دەيٸن-اق ٶز ماماندىقتارىن تاڭداپ قويادى», - دەدٸ اسحات ايماعامبەتوۆ ونلاين رەجيمدە ۋنيۆەرسيتەت باسشىلارىمەن ٶتكٸزگەن ونلاين رەجيمدەگٸ جيىندا.
مينيستر وسى سەبەپتٸ ۋنيۆەرسيتەتتەر كەسٸپتٸك باعداردى ايقىنداۋ جۇمىسى جٷيەلٸ تٷردە جٷرگٸزٸلۋ كەرەكتٸگٸن ەسكەرتتٸ.
«ول جۇمىس جوق دەگەندە 6-7 سىنىپتان باستالۋى تيٸس. بالالار سول كەزدەن باستاپ سٸزدەردٸڭ جوو-لارىڭىزدى بٸلۋٸ كەرەك. وقۋشى كەزٸندە ول بالالار سٸزدەردٸڭ بايقاۋلارىڭىز بەن وليمپيادالارىڭىزعا قاتىسۋى كەرەك. بۇل مەسەلەگە بٷگٸنگٸ كٷنگە دەيٸن كٶپ كٶڭٸل اۋدارىلماي وتىر. ەكٸنشٸدەن جالپى تٷسٸنٸك تە جوق. ەيتسە دە كەيبٸر ۇلتتىق جەنە ٶڭٸردەگٸ ۋنيۆەرسيتەتتەر بۇل جۇمىستى جٷرگٸزٸپ تە جاتىر. بەرٸندە بٸردەي جۇمىس جوق دەۋگە كەلمەيدٸ. بٸراق بۇل باعىتتا ناقتى قالىپتاسقان جٷيەلٸ جۇمىستىڭ جوق ەكەنٸن بٸز اشىپ ايتۋىمىز كەرەك», - دەدٸ ول.
اسحات ايماعامبەتوۆتىڭ ايتۋىنشا مەكتەپتەردٸڭ ەر تٷلەگٸ ماماندىقتى تاڭداۋ كەزٸندە نارىقتا وعان سۇرانىس بار ما دەگەن سۇراقتىڭ جاۋابىن بٸلٸپ الۋى تيٸس.
«ۋنيۆەرسيتەت تاڭداۋ بويىنشا كٶپ سۇراق بار. بٸلٸم جەنە عىلىم مينيسترلٸگٸ «اتامەكەن» پالاتاسىمەن بٸرگە جاساعان رەيتينگ بار. 2021 جىلدان باستاپ سەرتيفيكاتتاۋ ەنگٸزٸلٸپ, ۋنيۆەرسيتەتتٸڭ بەرٸ مەملەكەتتٸك ەمەس, ٶز ديپلومىن بەرەدٸ. ونىڭ ارتىندا ٷلكەن ماعىنا جاتىر. ۋنيۆەرسيتەتتەر مەن بٸلٸم باعدارلامالارىن قالاي تاڭداۋ كەرەك – بۇل مەسەلەلەرگە تيٸستٸ جاۋاپ بەرٸلٸپ وتىرعان جوق. بالالار ماماندىق تاڭداۋ كەزٸندە تيٸستٸ اقپاراتتى تابا الماي وتىر. ول اقپارات بولماعاننان كەيٸن بالا ەرينە ماماندىقتى دۇرىس تاڭدامايدى. بٸرٸنشٸ كۋرستان كەيٸن قانشاما بالا باسقا ماماندىققا اۋىسىپ كەتٸپ جاتىر. جالپى نارىقتا قاجەتتٸلٸگٸ جوق ماماندىقتار بويىنشا اقشا تٶلەپ وقىپ جاتقاندار قانشاما. سوندىقتان بۇل جۇمىستى جٷيەلٸ تٷردە جٷرگٸزۋٸمٸز كەرەك», - دەدٸ ول.
