بٸلٸم جەنە عىلىم مينيسترٸ اسحات ايماعامبەتوۆ بارلىق ۋنيۆەرسيتەتتٸڭ رەكتورلارىنا قاشىقتان وقىتۋ كەزٸندە ستۋدەنتتەرگە قويىلاتىن تالاپتاردى تٷسٸندٸرۋدٸ تاپسىردى, دەپ حابارلايدى "ۇلت اقپارات".
ايتا كەتەيٸك, بٷگٸن بٸلٸم جەنە عىلىم مينيسترلٸگٸنٸڭ اپپارات جينالىسىندا ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸندەگٸ قىسقى ەمتيحاندار سەسسيياسىنا دايىندىق تاقىرىبى قارالدى.
«تەك قانا بٸر ۋنيۆەرسيتەتتٸڭ ٶزٸندە قاشىقتان وقىتۋ فورماتىنا كٶشۋ ٷشٸن قوماقتى قارجات بٶلٸندٸ. ياعني, قاشىقتان وقىتۋعا كٶشۋ ٷشٸن بٸراز جۇمىستى اتقارۋ قاجەتتٸگٸ بولدى. ونىڭ ٸشٸندە تەحنيكالىق جۇمىستار بار. سوندىقتان تەك ل.ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸندە عانا ەمەس, باسقا دا وقۋ ورىندارىندا دا اۋقىمدى جۇمىستار قابىلداندى», - دەدٸ مينيستر.
بۇل تۇرعىدا ول بٸلٸم بەرۋ ساپاسىن تٶمەندەتٸپ الماۋ قاجەتتٸگٸن ايتتى.
«دەستٷرلٸ وقىتۋ مەن قاشىقتان وقىتۋ فورماتىنداعى ساپا بٸردەي دەپ ايتۋ قيىن. بٸزدٸڭ الدىمىزدا تۇرعان باستى ماقسات – ول بۇل ساپانى تٶمەندەتپەۋ ٷشٸن بارلىق قاجەتتٸ جۇمىستاردى اتقارۋ», - دەدٸ ۆەدومستۆو باسشىسى.
سونىمەن قاتار مينيستر قىسقى ەمتيحاندار سەسسيياسىنا دايىندىق مەسەلەسٸنە توقتالدى. وسى ورايدا پايدالانىلاتىن جٷيەنٸ ستۋدەنتتەرگە ەگجەي-تەگجەي تٷسٸندٸرۋ تاپسىرىلدى.
«اكادەمييالىق ادالدىق قاعيدالارىن ساقتاۋ ماڭىزدىلىعى بار. «قاشىقتان تاپسىرىپ جاتىرمىن, ەشكٸم كٶرمەي تۇر» دەپ كٶشٸرٸپ الۋ نەمەسە باسقا دا مەسەلەلەر بولسا, ودان كەيٸن ول ستۋدەنتتەردٸڭ نەتيجەلەرٸ بەكٸتٸلمەسە, سۇراقتار تۋىندايتىنى بەلگٸلٸ. سوندىقتان جٷيەلەردٸڭ مٷمكٸندٸكتەرٸن, ونىمەن جۇمىس ٸستەۋ تەرتٸبٸن, جاۋاپكەرشٸلٸك جاعىن ستۋدەنتتەر اراسىندا تٷسٸندٸرۋ جۇمىسىن جٷرگٸزۋدٸ تاپسىرامىن. ەر ۋنيۆەرسيتەتتٸڭ باسشىلىعى ستۋدەنتتەرگە قاتىستى بارلىق تٷسٸندٸرۋ جۇمىستارىن اتقارۋى كەرەك», - دەدٸ ا. ايماعامبەتوۆ.
