قازاقستاننىڭ بٸلٸم جەنە عىلىم مينيسترٸ ەرلان ساعاديەۆ ورىس تٸلٸندەگٸ جاڭا وقۋلىقتارعا اتا-انالاردىڭ ايتقان سىنىنا جاۋاپ بەردٸ, - دەپ حابارلايدى "ۇلت اقپارات". ايتا كەتەيٸك, اتا-انالار وقۋلىقتارداعى سلەنگتەرگە قاتىستى تەرٸس پٸكٸر بٸدٸرگەن ەدٸ.
"ورىس تٸلٸ وقۋلىقتارىنا قاتىستى ايتار بولسام, بٸزدٸڭ بالالارىمىز 11 جىل بٸلٸم الۋ بارىسىندا گرامماتيكانىڭ ٷلكەن كٶلەمٸن ٷيرەنەدٸ جەنە كلاسسيكالىق ەدەبيەتتٸ جەتكٸلٸكتٸ دەڭگەيدە بٸلٸپ شىعادى. ال باعدارلامانىڭ از بٶلٸگٸندە زاماناۋي ورىس تٸلٸن بەرسەك, بۇدان جامان بولمايدى. وقۋلىقتى قۇراستىرعانداردىڭ ٸسٸن قۇپتايمىن, باعدارلامانىڭ از بٶلٸگٸ ورىس تٸلٸنٸڭ جاڭا باعىتىن قولدانۋعا, جاڭا فورماعا ارنالۋىن قولدايمىن. بالا الاتىن ٷلكەن كٶلەمدەگٸ كلاسسيكامەن بٸرگە ونىڭ كەڭ سىني تٷسٸنٸگٸ مەن ورىس تٸلٸنٸڭ قولدانىلۋىن بٸلەتٸن بولادى", - دەدٸ مينيستر استاناداعى ورتا مەكتەپتەردٸڭ بٸرٸندە سٶز سٶيلەگەننەن كەيٸن.
ونىڭ پايىمىنشا, بٸز بالالاردى ٶتكەنگە ەمەس بٷگٸنگٸ كٷنگە, بولاشاققا دايىندايمىز. سوندىقتان وقۋلىقتىڭ مازمۇنىنداعى شامالى ٶزگەرٸستەرگە شوشىنا قاراۋدىڭ ەشقانداي قيسىنى جوق.
ساعاديەۆ جاڭا وقۋلىقتاردى قۇراستىرۋشىلارعا تٷسٸنٸستٸكپەن قاراۋعا شاقىردى. "بۇل تۇرعىدا سابىرلى بولۋ كەرەك. بالالاردى, مەنٸڭشە, بٸز ٶتكەن شاققا ەمەس, بٷگٸنگٸ ٶمٸرگە دايىنداپ جاتىرمىز. ال "پيارشى" سيياقتى سٶزدەرگە كەلەتٸن بولساق, ورىس تٸلٸندە 50 مىڭنان اسا كٸرمە سٶز بار. كٷن سايىن جاڭا سٶزدەرمەن بايىپ جاتىرمىز, بٸر كەزدەرٸ ورىس تٸلٸندە "يستورييا" سٶزٸ history سٶزٸنەن كەلگەن, سول سٶز قولدانىلا باستاعاندا دا جاقتىرماعاندار بولعان. سوندىقتان مۇندا قاتە جوق, بالالارىمىز زاماناۋي تەرمينولوگييانى, تٸلدٸك قاتىناستىڭ بارلىق فورماسىن بٸلۋٸ تيٸس, بۇعان دايىن بولسىن, ونىڭ ٷستٸنە بۇل سٶزدەردٸ ٶزدەرٸ دە قولدانىپ جٷر", - دەدٸ مينيستر.
