قر پارلامەنتٸ مەجٸلٸسٸنٸڭ جالپى وتىرىسىندا بٸلٸم جەنە عىلىم مينيسترٸ اسحات ايماعامبەتوۆ«پەداگوگ مەرتەبەسٸ تۋرالى» زاڭ جوباسىن تانىستىردى, – دەپ حابارلايدى «ۇلت اقپارات».
«مەملەكەت باسشىسىنىڭ تامىز كونفەرەنتسيياسىندا بەرگەن تاپسىرماسى اياسىنا الداعى 4 جىل ٸشٸندە مۇعالٸمدەردٸڭ جالاقىسى 2 ەسەگە ارتادى. بۇل كەلەسٸ جىلدان باستاپ مۇعالٸمدەردٸڭ جالاقىسى 25 پايىزعا كٶبەيەدٸ دەگەن سٶز. ەرينە, وسى مەسەلە بويىنشا پەداگوگتاردىڭ ٸشٸندە بٸراز ٷرەي دە بار. «جالاقىنى كٶتەرگەندە بازالىق لاۋازىمدىق جالاقىنى الىپ, سونى عانا كٶتەرە سالادى ەكەن« دەگەن سيياقتى ويلار ايتىلۋدا. سوندىقتان بۇل مەسەلە پرەزيدەنتتٸڭ بٸزگە بەرگەن تاپسىرماسىنىڭ اياسىندا جالپى مۇعالٸمنٸڭ جالاقىسىنا قاتىستى بولادى دەپ ايتقىم كەلەدٸ جەنە قاڭتار ايىنان باستاپ بۇل جۇمىس جٷرگٸزٸلەدٸ» دەدٸ مينيستر.
ونىڭ اتاپ ٶتۋٸنشە, زاڭ جوباسىندا سىنىپ جەتەكشٸلٸگٸ مەن دەپتەر تەكسەرگەنٸ ٷشٸن پەداگوگتەرگە 2 ەسە مٶلشەردە قوسىمشا اقى تٶلەۋ كٶزدەلگەن. بۇل نورما ەلٸمٸز بويىنشا 182 مىڭ سىنىپ جەتەكشٸسٸنە جەنە دەپتەر تەكسەرگەنٸ ٷشٸن ٷستەمەاقى الاتىن 165 مىڭ مۇعالٸمگە قاتىستى.
«سونداي-اق بارلىق پەداگوگتار ٷشٸن دەمالىس كەزەڭٸن 56 كٷنگە دەيٸن ۇلعايتۋ قاراستىرىلادى. بۇل نورما بٷگٸنگٸ كٷنٸ 110 مىڭ ەرٸپتەسٸمٸزگە قاتىستى. بٷگٸندە ولار 42 كٷن عانا دەمالاتىن بولسا, ەندٸ 56 كٷن ەڭبەك دەمالىس الادى» دەدٸ ول.
ا.ايماعامبەتوۆتٸڭ اتاپ ٶتۋٸنشە, تەلٸمگەرلٸك ٷشٸن پەداگوگتەرگە جىل بويى 17 مىڭ تەڭگە قوسىمشا اقى بەرۋ دە ۇسىنىلىپ وتىر.
«ماگيستر اتاعى بار ۇستازدار سانى بويىنشا بٸز باسقا مەملەكەتتەرمەن سالىستىرعاندا ٶكٸنٸشكە وراي سوڭعى قاتاردا كەلە جاتىرمىز. سوندىقتان بۇل مەسەلەنٸ دە قولعا الىپ وتىرمىز. ەگەر ماگيستر اتاعى بار پەداگوگ مەكتەپكە كەلٸپ جۇمىس ٸستەيتٸن بولسا, ولارعا 10 اەك مٶلشەرٸندە قوسىمشا اقى تٶلەۋ كٶزدەلەدٸ» دەدٸ مينيستر.
