سۋرەت اشىق دەرەككٶزدەن الىندى
بٸلٸم بەرۋ ۇيىمدارى بەينەباقىلاۋ جٷيەسٸمەن 100 پايىز قامتىلعان. بۇل تۋرالى ٷكٸمەت وتىرىسىندا وقۋ-اعارتۋ مينيسترٸ عاني بەيسەمباەۆ ايتتى, دەپ حابارلايدى قازاقپارات.
«2023 جىلعى 1 ناۋرىزداعى جاعداي بويىنشا بٸلٸم مەكەمەلەرٸ بەينەباقىلاۋ جٷيەلەرٸمەن 100 پايىز قامتىلعان. ەكٸمدٸكتەر ولاردى نۇسقاۋلىقتىڭ جاڭا تالاپتارىنا سەيكەستەندٸرۋ جۇمىستارىن جٷرگٸزٸپ جاتىر. ال جەدەل باسقارۋ ورتالىقتارىنا 6 مىڭعا جۋىق بٸلٸم وشاعى قوسىلعان. ليتسەنزييالانعان كٷزەتپەن 2 مىڭعا جۋىق, دابىل تٷيمەلەرٸمەن 2400-دەن اسا بٸلٸم بەرۋ نىسانى قامتىلعان», - دەدٸ مينيستر.
دەگەنمەن, ول بۇل جۇمىستى مەملەكەت باسشىسىنىڭ تاپسىرماسىنا سەيكەس, بٸرقاتار ٶڭٸرلەر 2023 جىلدىڭ قىركٷيەگٸنە دەيٸن تولىق اياقتاۋى قاجەت ەكەندٸگٸن باسا ايتتى.
«بٸلٸم بەرۋ ۇيىمدارىنىڭ قاۋٸپسٸزدٸگٸنە تولىق تەكسەرۋ جٷرگٸزۋ مەسەلەسٸ اقپان ايىندا ٶڭٸر ەكٸمدەرٸ ورىنباسارلارىنىڭ قاتىسۋىمەن مينيسترلٸك ٶتكٸزگەن ارنايى كەڭەستە قارالدى. وسىعان وراي بٸرنەشە مەملەكەتتٸك مەكەمەلەر مەن قوعامدىق ۇيىم ٶكٸلدەرٸنەن قۇرالعان 162 مونيتورينگتٸك توپ 20 ٶڭٸردە جۇمىس ٸستەۋدە. بٷگٸنگٸ كٷنٸ مونيتورينگتٸك توپ 10 مىڭنان اسا بٸلٸم بەرۋ ۇيىمدارىنىڭ 7 مىڭعا جۋىعىن قامتىدى. جۇمىس ناۋرىز ايىنىڭ سوڭىنا دەيٸن اياقتالىپ, نەتيجەسٸ مينيسترلٸكتٸڭ القالى وتىرىسىندا قارالاتىن بولادى», - دەدٸ عاني بەيسەمباەۆ.
