sýret ashyq derekkózden alyndy
Bilim berý uiymdary beinebaqylaý júiesimen 100 paiyz qamtylǵan. Bul týraly Úkimet otyrysynda Oqý-aǵartý ministri Ǵani Beisembaev aitty, dep habarlaidy QazAqparat.
«2023 jylǵy 1 naýryzdaǵy jaǵdai boiynsha bilim mekemeleri beinebaqylaý júielerimen 100 paiyz qamtylǵan. Ákimdikter olardy nusqaýlyqtyń jańa talaptaryna sáikestendirý jumystaryn júrgizip jatyr. Al jedel basqarý ortalyqtaryna 6 myńǵa jýyq bilim oshaǵy qosylǵan. Litsenziialanǵan kúzetpen 2 myńǵa jýyq, dabyl túimelerimen 2400-den asa bilim berý nysany qamtylǵan», - dedi ministr.
Degenmen, ol bul jumysty Memleket basshysynyń tapsyrmasyna sáikes, birqatar óńirler 2023 jyldyń qyrkúiegine deiin tolyq aiaqtaýy qajet ekendigin basa aitty.
«Bilim berý uiymdarynyń qaýipsizdigine tolyq tekserý júrgizý máselesi aqpan aiynda óńir ákimderi orynbasarlarynyń qatysýymen ministrlik ótkizgen arnaiy keńeste qaraldy. Osyǵan orai birneshe memlekettik mekemeler men qoǵamdyq uiym ókilderinen quralǵan 162 monitoringtik top 20 óńirde jumys isteýde. Búgingi kúni monitoringtik top 10 myńnan asa bilim berý uiymdarynyń 7 myńǵa jýyǵyn qamtydy. Jumys naýryz aiynyń sońyna deiin aiaqtalyp, nátijesi ministrliktiń alqaly otyrysynda qaralatyn bolady», - dedi Ǵani Beisembaev.
