تەمٸرجولداعى زاڭسىز جولاۋشى تاسىمالىن توقتاتۋ ٷشٸن نۇر-سۇلتان مەن قاراعاندى قالاسىندا ٸلكٸ جوبا ٸسكە قوسىلماق, دەپ حابارلايدى قازاقپارات.
جوبا بويىنشا قولىندا بيلەتٸ جوق جولاۋشىلار پەررونعا جٸبەرٸلمەيتٸن بولادى. «قازاقستان تەمٸر جولى» ۇلتتىق كومپانيياسىنىڭ باسقارما تٶراعاسىنىڭ بٸرٸنشٸ ورىنباسارى قانات ەلماعامبەتوۆتٸڭ ايتۋىنا قاراعاندا, وسى ارقىلى بيلەت الماعان جولاۋشىلاردىڭ جولسەرٸكتەرمەن كەلٸسۋٸنە توسقاۋىل قويىلماق.
«بيىل ٸلكٸ جوبا بويىنشا ەلورداداعى «نۇرلى جول» ۆوكزالى مەن قاراعاندى ۆوكزالىنىڭ پەرروندارىنا بيلەتسٸز ادامداردىڭ جاقىنداۋىنا شەكتەۋ قويىلادى. مۇنداي باستامانى بۇرىن دا كٶتەرگەنبٸز. الايدا قوعام تاراپىنان كٶپتەگەن نارازىلىقتار بولعان. بۇل باستامانى قۇقىق قورعاۋ ورگاندارى دا قولداپ وتىر. بٸز دە دۇرىس دەپ سانايمىز. تىم بولماعاندا ٸرٸ ۆوكزالداردىڭ پەرروندارىنا وسىنداي شەكتەۋ قويىپ باستاۋ قاجەت», – دەدٸ ول.
ول سونداي-اق, «تالگو» پويىزىندا جولسەرٸكتەردەن زەبٸر كٶرگەن جولاۋشىعا «قازاقستان تەمٸر جولى» تاراپىنان قانداي جاعدايدا مورالدىق شىعىن تٶلەنەتٸنٸن ايتتى.
ەسكە سالساق, اۆتوموبيل جولدارى مەن كٶلٸكتٸك باقىلاۋ سالاسىنداعى سىبايلاس جەمقورلىققا قارسى كٷرەس مەسەلەسٸنە ارنالعان كەڭەستە قانات ەلماعامبەتوۆ ەلٸمٸزدە ەيەلدەرگە ارنالعان جەكە ۆاگوندار ٸسكە قوسىلمايتىنىن ايتقان بولاتىن.
اتالمىش كەڭەستە قر باس كٶلٸك پروكۋرورىنىڭ مٸندەتٸن اتقارۋشى جاسۇلان ەلامانوۆ تەمٸرجول بيلەتتەرٸن ساتۋعا ارنالعان Mobius جٷيەسٸ زاڭسىز بيلەت اينالىمىنا توسقاۋىل بولا الماعانىن اتادى.
