الاشتىڭ اناسى اتانعان سىردىڭ ەلٸ ەۋەل باستان جىردىڭ ەلٸ. قادىم زاماننان سىر اعاسى كەنەزەسٸ كەپكەننٸڭ شٶلٸن باسىپ, قورعانسىزدىڭ پاناسىنا اينالسا, ٶنە بويىنان تاراپ شىققان سىر سٷلەيلەرٸ كٶڭٸلدٸ اڭسارلى شەرباتىمەن سۋسىنداتقانى بەلگٸلٸ. بۇل ٶلكە اڭىز اقىن ەدٸل بوتپانوۆتىڭ قالامىنا ارىن قوسقان جەر. سان-ساققا بٶلٸنگەن ساناسىنىڭ, وڭدى-سولدى ارپالىسقان ازاپتى ويلارىنا كۋەگەر بولعان مەكەن.
وىدان بٸرنەشە جىل بۇرىن قىزىلورداعا بارعانىمدا, بيبولاتپەن تانىسقان بولاتىنمىن. دەنەسٸ مىعىم, كٶزٸ تەرەڭ, انشا-مۇنشا سٶزگە ساراڭ جٸگٸتتٸڭ تەسٸرەيە قاراعانى توسىن كٶرٸندٸ. ٸشكٸ تٸل قىلپ ەتتٸ. ٶزٸم پويىزعا قۇجاتسىز مٸنٸپ, جولدا توڭىپ, ەر ەينەكتٸڭ پەردەلەرٸن جامىلىپ مىسىق تابانداپ زورعا جەتكەندە «مىناسى نەسٸ?» دەيمٸن عوي. كەيٸننەن «سەن ايتارىڭ جوق بولعان سوڭ كٶپٸردٸڭ, مەن ايتارىم كٶپ بولعان سوڭ ٷنسٸزبٸن» دەيتٸن ٶلەڭ جولدارىن وقىپ, ەلدەنە تٷسٸنگەندەي بولدىق. شۇرقىراسىپ, جاقىن دوس تا بولىپ كەتتٸك.
قازٸر ويلاسام, بيبولات ٶز بوستاندىعىنىڭ كاپيتانى ٸسپەتتٸ. ول جالعان قۇجات جاساتپايدى, باسى اۋىرسا تٸس دەرٸگەرٸنە بارا سالادى. ول بٶبەكتەي اڭعال. شىنايى. مٶلدٸر.
كەزٸ كەلسە,
ٶزٸمە ايان سەزگەنٸم نە,
ٶزٸمە شاق تاعدىرىم بار.
پٸكٸرلەرٸڭ ٶزدەرٸڭە,
مەنٸ ٶزٸممەن قالدىرىڭدار! - دەيدٸ دە, جٶنەي بەرەدٸ.
وعان تاڭ قالىپ جاتۋدىڭ قاجەتٸ جوق. ول جاي عانا سونداي ادام.
باتىرحان سەرسەنحان
***
مەن سٶز سۇراپ تٸلەنبەدٸم,
تانىلعانعا تابىنبادىم.
ەملەگە سٷيەنبەدٸم,
ەرەجەگە باعىنبادىم.
ٶزٸمە شاق قايعىم ەندٸ,
جانىم ٷشٸن جازعانىما.
جاسىرىپ تا قويعىم كەلدٸ
كٶپ سٶزٸمە از ماعىنا.
مەزٸ بولعان مىڭ ۋايىمنان,
ميىم ەمەس مەكەنٸ ونىڭ.
ٶزٸم تاپقان قۇدايىما
جٷرەگٸمدە جەتەدٸ ورىن.
ويبايلارىڭ زور كەلگەنمەن,
وي ايتقانسىپ بەرٸڭ تىڭنان.
ٶز كٷيٸگٸم بار كەۋدەمدە,
ٶز بيٸگٸم بار ۇمتىلعان.
ٶزٸمە ايان سەزگەنٸم نە,
ٶزٸمە شاق تاعدىرىم بار.
پٸكٸرلەرٸڭ ٶزدەرٸڭە,
مەنٸ ٶزٸممەن قالدىرىڭدار!
كٷزكٷتكەن
جاسىرۋلى جٷرەكتٸڭ تٷبٸنە ٶلەڭ
جىلۋىنا جازدىڭ دا جٸبٸمەگەن
توڭعا ۇقسايدى!..
مەندەگٸ بٸر ٶكٸنٸش
ٷيلەسكەندە مەزگٸلدٸڭ مۇڭىمەنەن.
مۇڭدارىما امالسىز سەندٸم داعى,
سەنٸمٸمە تاعى ٷنسٸز كەلدٸم نالىپ.
مىنا ەلەمدە مەن عانا ٷنسٸز قالدىم,
دٸلمار بولىپ كەتكەندە ەلدٸڭ بەرٸ.
ەلدٸڭ بەرٸ ايتاتىن ەنگە ٷزدٸگٸپ,
قۇلاق تٷرسەم قاريدى جاندى ىزعىرىق.
"سۇلۋلىق" دەپ شىرقايدى ەن.
ال سۇلۋلىق -
ادامنىڭ كٷزدە كەشكەن جالعىزدىعى.
باعىما,
ارمانىما,
جانىما كٷز
ورنايدى.
مۇڭدانامىز تاعى دا بٸز.
بار مەنٸ تامشى مۇڭداي كٷزگٸ ٶمٸردٸڭ -
بٸر عانا سٶز, ول سٶز دە ماعىناسىز.
ماعىناسىز ادامنىڭ عۇمىرىنداي,
ەش پەندە مەن بەرمەگەن ۇلى ۇعىمداي.
كٷز كەلەدٸ, ىزعارلى تىنىشتىعى
جول قاراعان جاناردىڭ تۇنىعىنداي.
تامىپ تٷسكەن شىق تٷستەس تاڭ نۇرىنان,
جول قاراعان جانارىم تالدى مىنا.
ەرٸپ كەتەر سەكٸلدٸ بۇل جٷرەگٸم,
كەلەر كٷزدٸڭ مايبٷركەك جاڭبىرىندا!..
ويحاناداعى ەڭگٸمە
بۇل ٶلەڭنٸڭ
قاراپايىم ىرعاعى -
جٷرەگٸمنٸڭ
باياۋ سوعىپ تۇرعانى.
قاپەرٸنە الماسا دا باسقالار,
تەك ىرعاقتا بولماسا دا جىر مەنٸ.
مٸن ٸزدەسەڭ -
تابۋ وڭاي, مٸنسٸز كٸم?!
مەن ٸزدەسەڭ, مەنسٸز كٷنٸم - جىرسىز كٷن.
سەن ايتارىڭ جوق بولعان سوڭ كٶپٸردٸڭ,
مەن ايتارىم كٶپ بولعان سوڭ ٷنسٸزبٸن.
ەسٸم تٷزۋ, تىم اقىلدى ەمەسپٸن,
ايتپايدى عوي اقىماقپىن دەپ ەشكٸم.
سەن دە مەندەي جالعىزدىقتىڭ مۇڭىسىڭ,
مەن دە سەندەي بٸر-اق سەتتٸك ەلەسپٸن.
بار ەدٸ عوي بەرٸمٸزگە تەڭ ٶلشەم,
بٸراق ماعان جات كٶرٸندٸڭ نەدەن سەن?
مۇڭىڭدى ايتشى, مۇڭداسۋعا قايلىمىن,
شىنىڭدى ايتشى, جىلايسىڭ با مەن ٶلسەم?..
سىرىپ تاستاپ پەردەلەرٸن قايعىنىڭ,
سىرلاسايىق, سىرىم عانا بايلىعىم!
بايقار دەيسٸڭ تەك بٸز بٸلگەن جايدى كٸم?
ايتار دەيسٸڭ تەك بٸزدە بار ويدى كٸم?
سىرتىمىزدان ايتىلسا دا كٶپ كەسٸم,
بۇل ويىمنان بار ما باسقا ناق شەشٸم?
سىرىمىز جات, مۇڭىمىز جات بوپ جٷرٸپ,
بوستان بوسقا ٶمٸر ٶتٸپ كەتپەسٸن.
* * *
بارلىعىن ايتىپ ٷلگەرەر مە ەدٸم,
جالعىز عانا جول جىرمەنەن.
بەيتانىس قىزعا گٷل بەرەر مە ەدٸم
بۇرىن كەزٸگٸپ كٶرمەگەن.
مۇز كەمپيتتەردٸ تاۋ قىلىپ قالاپ,
تاراتسام با ەلگە شەتٸنەن.
تۇرسام با جۇرتقا اڭقيىپ قاراپ
اينانىڭ ارعى بەتٸنەن.
جانعا اينالسام با ەسٸ جاڭارعان,
تانىماستاي بوپ ٶزگەرٸپ.
جوعالسام با ەلدە, ەسٸك جاباردا
قازٸر كەلەم دەپ سٶز بەرٸپ.
اقتارىلا بٸر ايتسام با بەرٸن
مەزٸ بولارداي تىڭداعان.
مازالاپ جٷرگەن جايت سوندا, جانىم,
جان-جاعىم تٷگەل شىرعالاڭ.
شىرعالاڭ ويدان جاۋاپ تابار ما ەم,
سۇراعىمدى ەسكە تٷسٸرسەم.
ٶلەڭ جازباي-اق تاعات تابار ما ەم,
ٶزٸمدٸ ٶزٸم تٷسٸنسەم.
كٷتۋدەن داعى جالىقتىم, كٷنٸم,
كٷنٸم اۋىسىپ تٷنمەنەن.
جان ازابىنىڭ ەڭ اۋىر تٷرٸ,
نە قىلارىڭدى بٸلمەگەن..
* * *
اراسىنان ٸزدەدٸم كٶشەدەگٸ كٶپتٸڭ,
كٶڭٸلٸمدە تەك سەن, ٶمٸرٸڭدە جوقپىن.
ٶمٸرٸڭدە جوقپىن! جانالاقاي دەرسٸڭ,
جالعىزدىعىم - سەنسٸڭ! جالعىز قالدىم مەن شىن.
تيتتەي عانا تٶزٸم - يىق قىلعان اتتاي,
جالعىز جٷرمٸن, جانىم, ٶز-ٶزٸمە جاقپاي...
ٶز-ٶزٸمە جاقپاي, ٶزگە بٸر مەن تاپپاي,
ٶرلەك بولماس ٶمٸر - جەل ٶشٸرگەن وتتاي.
كٷللٸ دٷنيە كٷيٸگٸ كٶڭٸلٸڭە تۇنسىن,
بولساڭ ناعىز مۇڭشىل - جىلامايسىڭ,
بۇل - شىن!
تٷن رەڭ بوزالاڭ, مۇڭ رەڭٸ بوزعىل,
بوزعىل ايعا تەلمٸرٸپ كٶپ قارايتىن مەزگٸل.
مەزگٸل شىعار كٸنەلٸ, كٷرسٸنگەنٸن سەزدٸم,
ٶمٸر ەمەس, ٶزٸڭدٸ ساعىناتىن كەز بۇل!..
جابىققانداي حالدە جاۋماي كەتكەن بۇلتقا,
مەن عاشىقپىن ساعان. سوسىن... جالعىزدىققا!
* * *
بٸرەۋدٸ ەڭ جاقىن دوس كٶرەم,
جاي كٷندە جٷرسەم دە باسقامەن.
بٷلٸنٸپ جاتپاي اق ەشتەڭەم,
كەي-كەيدە بۋلىعام جاسقا مەن.
ۇمتىلماس ەستەلٸك تىم ۇياڭ,
ۇمىتىلعان الىس بٸر كەز ٷشٸن.
اشىنعان شاقتا دا جىمييام
بٸرەۋدٸڭ بٸر جىلى سٶزٸ ٷشٸن.
بٸرەۋدٸڭ جوقتىعى جاسىتقان,
بٸرەۋلەر كەتپەيدٸ جانىمنان.
بەلگٸسٸز بٸرەۋگە اسىققام,
بەلگٸسٸز بٸر جايدى ساعىنعام.
تەرٸزٸ, بەرٸ ٷنسٸز, دەسە دە,
ەر ٸسٸ, قيمىلى سٶيلەگەن.
مىڭدار جٷر مەن جٷرەر كٶشەمەن,
مەن قۇساپ مىڭ تٷرلٸ ويمەنەن.
كٶكەيدە سۇراق بٸر, مۇرات بٸر,
جالعىزدىق, مەن سونسوڭ ەلگٸ مىڭ.
ارمانسىز ٶكٸرە جىلاپ بٸر,
ٶزٸمە قاراتسام بارلىعىن.
قوسىلىپ جىلار اۋ سول كٶشە,
بيٸككە جەتە الماي بٶجەك ٷن.
بەرٸنەن ٷمٸتسٸز پەندەشە,
ٷزٸلەر سودان سوڭ ٶزەگٸم.
بولادى اۋ دٷنيە نالالى,
بٸر اقىن كەلمەسكە ماڭدى دەپ.
دەپتەردە بٸر ٶلەڭ قالادى,
مەن سٷرگەن ٶمٸردەن مەندٸرەك..
