بٷگٸن ەلوردانىڭ حالىقارالىق ەۋەجايىندا شاحماتتان ەلەم چەمپيونى بيبٸسارا اساۋباەۆانى كٷتٸپ الۋ ٸسشاراسى ٶتتٸ. جاس شاحماتشىنى جاقىندارى مەن جانكٷيەرلەرٸ ىستىق ىقىلاسپەن قارسى الىپ, گٷل شوقتارىن سىيلادى, دەپ حابارلايدى قازاقپارات.
بيبٸسارانى جارقىن جەڭٸسٸمەن قۇتتىقتاۋعا قر مەدەنيەت جەنە سپورت مينيسترلٸگٸ سپورت جەنە دەنە شىنىقتىرۋ ٸستەرٸ كوميتەتٸنٸڭ تٶراعاسى سامات ەرعاليەۆ ەۋەجايعا ارنايى باردى. س.ەرعاليەۆ بيبٸسارانىڭ جەتٸستٸگٸنە اناسىنىڭ قوسقان ٷلەسٸن ەرەكشە اتاپ ٶتٸپ, العىسىن بٸلدٸردٸ.
«شاحماتتان ەلەم چەمپيوناتىندا ەڭ جاس ەلەم چەمپيونى اتانىپ, جارقىن جەڭٸسٸمەن قازاق ەلٸن قۋانتقانى ٷشٸن بيبٸساراعا العىسىمدى بٸلدٸرەمٸن. بيبٸسارانىڭ جەڭٸسٸنە اناسىنىڭ قوسقان ٷلەسٸ زور. وتانداسىمىزدىڭ بۇل جەڭٸسٸ بارشا شاحماتشىلارعا ٷلگٸ بولىپ, ەل سپورتىنىڭ تاريحىندا قالارى سٶزسٸز», - دەدٸ كوميتەت تٶراعاسى.
«تۋرنير وڭايعا سوقپادى. ٷش كٷن راپيد, ەكٸ كٷن بليتس, بەس كٷنگە سوزىلعان جارىستا سوڭىنا دەيٸن تاباندىلىق كٶرسەتۋ كەرەك بولدى. مەن بٸرٸنشٸ تاقتادا ويناپ راپيدتە سوڭعى پارتييانى جەڭٸپ, ەكٸنشٸ ورىندى يەلەندٸم. بليتستە سەگٸزٸنشٸ اينالىمنان باستاپ, كٶش باستادىم. اقتىق كەزەڭگە دەيٸنگٸ اينالىمدا ايقىن باسىمدىلىقپەن بٸرٸنشٸ ورىنعا كٶتەرٸلدٸم. ەل تاريحىندا ەرەسەكتەر اراسىنداعى شاحماتتان العاشقى التىن جٷلدەنٸ جەڭٸپ العانىم ٷشٸن ٶتە باقىتتىمىن», - دەدٸ شاحماتتان ەلەم چەمپيوناتىنىڭ جەڭٸمپازى.
قر سپورت جەنە دەنە شىنىقتىرۋ ٸستەرٸ كوميتەتٸنٸڭ باسپاسٶز قىزمەتٸ پولشا استاناسى ۆارشاۆا قالاسىندا ٶتكەن ەلەم چەمپيوناتىندا 17 جاستاعى قازاقستاندىق شاحماتشى بيبٸسارا اساۋباەۆا بليتستە بٸرٸنشٸ ورىندى جەڭٸپ الىپ, ەلەمدٸك شاحمات تاريحىندا ەيەلدەر اراسىندا ەڭ جاس شاحماتشى اتانعانىن ەسكە سالادى. سونداي-اق اتالعان چەمپيوناتتا بيبٸسارا جىلدام شاحماتتان (راپيد) 2-ورىن يەلەندٸ.
