قر بٸلٸم جەنە عىلىم مينيسترٸ اسحات ايماعانبەتوۆ تاريحشى عالىمدارمەن كەزدەستٸ. بۇل تۋرالى ول Facebook-تەگٸ پاراقشاسىندا حابارلادى.
«الماتى قالاسىندا تاريحشى عالىمدارمەن جەنە تاريح پەنٸنٸڭ مۇعالٸمدەرٸمەن كەزدەستٸم. جيىن بارىسىندا مەملەكەت باسشىسىنىڭ «تەۋەلسٸزدٸك بەرٸنەن قىمبات» اتتى ماقالاسىندا مٸندەتتەگەن تاپسىرمالارىن ورىنداۋ بارىسىن تالقىلادىق» دەپ جازدى مينيستر.
ەل پرەزيدەنتٸ قاسىم-جومارت توقاەۆ قازاقستان تاريحى بويىنشا جاڭا اكادەمييالىق باسىلىمدى, سونداي-اق قازاقستان تاريحى پەنٸ بويىنشا بٸرىڭعاي وقۋلىقتاردى دايىنداۋدى تاپسىرعان بولاتىن.
«عالىمدارمەن جەنە مۇعالٸمدەرمەن قازاقستاننىڭ تاريح عىلىمىن دامىتۋ تۇجىرىمداماسىن ەزٸرلەۋ مەسەلەلەرٸ, قازاقستان تاريحى بويىنشا جاڭا اكادەمييالىق باسىلىمدى, قازاقستان تاريحى بويىنشا بازالىق مەكتەپ وقۋلىعىن دايىنداۋدىڭ ۇيىمداستىرۋشىلىق جەنە ەدٸسنامالىق مەسەلەلەرٸ, مەكتەپتەردە تاريحتى وقىتۋ پروبلەمالارى, ونىڭ ٸشٸندە ٷلگٸلٸك باعدارلاما دايىنداۋ تۋرالى مەسەلەلەر تالقىلاندى. بۇل ورتاق جۇمىستىڭ ماڭىزى زور.
بۇل جۇمىستا ناۋقانشىلدىق پەن اسىعىستىق بولماۋ كەرەك ەكەنٸ دە تٷسٸنٸكتٸ» دەلٸنگەن حابارلامادا.
ۆەدومستۆو باسشىسى مينيسترلٸك تاريحشى عالىمدار مەن مۇعالٸمدەردٸڭ ايتقان ۇسىنىستارى مەن يدەيالارىن ەسكەرەتٸنٸن اتاپ ٶتتٸ.
«جوعارىدا اتالعان باعىتتار بويىنشا جۇمىسقا بارلىق تاريحشىلاردى قاتىسۋعا شاقىرامىن. ٶز ۇسىنىستارىڭىزدى عىلىم كوميتەتٸنٸڭ كورپوراتيۆتٸك پوشتاسىنا kn@edu.gov.kz جٸبەرۋدٸ سۇرايمىن» دەپ تٷيٸندەگەن سٶزٸن اسحات ايمانبەتوۆ.
