قر سىرتقى ٸستەر مينيسترٸ بەيبٸت اتامقۇلوۆ ەقىۇ تٶراعاسى, سلوۆاكييا سىرتقى جەنە ەۋروپالىق ٸستەر مينيسترٸ ميروسلاۆ لايچاكپەن كەزدەستٸ, دەپ حابارلايدى قازاقپارات تٸلشٸسٸ.
م. لايچاك ەقىۇ تٶراعاسىنىڭ ورتالىق ازييا ەلدەرٸنە دەستٷرلٸ ٸسساپارى اياسىندا قازاقستانعا كەلدٸ.
«بٷگٸن ەرٸپتەسٸممەن ەقىۇ كٷن تەرتٸبٸندەگٸ ٶزەكتٸ مەسەلەلەردٸ تالقىلادىق. قازاقستان مەن ۇيىم اراسىنداعى ىنتىماقتاستىقتىڭ جاي-كٷيٸ مەن كەلەشەگٸ, الداعى جوسپارلارعا باسا مەن بەرٸلدٸ. كەلٸسسٶزدەردٸڭ باستى تاقىرىبى قر تۇڭعىش پرەزيدەنتٸ - ەلباسىنىڭ ەقىۇ شەڭبەرٸندە ەۋرازييالىق كەڭٸستٸكتەگٸ كەشەندٸ قاۋٸپسٸزدٸكتٸ قامتاماسىز ەتۋگە باعىتتالعان باستامالارى بولدى», - دەدٸ بەيبٸت اتامقۇلوۆ قر سىرتقى ٸستەر مينيسترلٸگٸندە ٶتكەن بريفينگتە.
اتاپ ايتقاندا, 2020 جىلى حەلسينكي قورىتىندى اكتٸسٸنٸڭ 45 جىلدىعىنا ارنالعان قاۋٸپسٸزدٸك جەنە ىنتىماقتاستىق جٶنٸندەگٸ حالىقارالىق كونفەرەنتسييانى ۇيىمداستىرۋ جەنە ەقىۇ, اٶسشك جەنە اسەان حاتشىلىقتارى ارقىلى ىنتىماقتاستىق قاتىناستارىن ورناتۋدى تالقىلادى.
«بٷگٸن بٸز ەقىۇ بارلىق جاۋاپكەرشٸلٸك ايماعى بويىنشا ۇيىم قۇرىلىمدارىن بٸركەلكٸ ورنالاستىرۋدى, ۇيىم قىزمەتٸنٸڭ تيٸمدٸلٸگٸن ارتتىرۋ ٷشٸن دالالىق ميسسييالاردى جاڭا فورماتقا كٶشٸرۋ مٷمكٸندٸگٸن تالقىلادىق. وسىنداي بولاشاق فورماتتاردىڭ بٸرٸ رەتٸندە, ۇيىمنىڭ ەكونوميكالىق جەنە ەكولوگييالىق ٶلشەمدەرٸنٸڭ ماقساتتارى مەن مٸندەتتەرٸن جٷزەگە اسىراتىن ەقىۇ تۇراقتى ٶزارا بايلانىسى جٶنٸندەگٸ تاقىرىپتىق ورتالىق قۇرۋ باستاماسى قارالۋدا», - دەدٸ بەيبٸت اتامقۇلوۆ.
سونىمەن قاتار, مينيستردٸڭ ايتۋىنشا, قازاقستان مەن سلوۆاكييا ىنتىماقتاستىعىنىڭ ٶزەكتٸ مەسەلەلەرٸ تالقىلاندى.
«ٶتكەن جىلى ەكٸ ەل اراسىنداعى ديپلوماتييالىق قارىم-قاتىناستاردىڭ 25 جىلدىعىن اتاپ ٶتتٸك. بۇل ماڭىزدى جىلدا قازاقستانعا سلوۆاكييانىڭ پرەمەر-مينيسترٸ پيتەر پەللەگريني العاشقى رەسمي ساپارمەن كەلدٸ, ساۋدا-ەكونوميكالىق ىنتىماقتاستىق جەنە ساياسي كونسۋلتاتسييالار بويىنشا ٷكٸمەتارالىق كوميسسييا وتىرىسى ٶتتٸ. جالپى كەلٸسسٶزدەر قورىتىندىسى بويىنشا, بٸز بارلىق دەڭگەيدەگٸ ديالوگتى كٷشەيتۋگە جەنە ىنتىماقتاستىقتى تەرەڭدەتۋگە باعىتتالعان كٷش-جٸگەردٸ جالعاستىرۋعا ۋاعدالاستىق», - دەدٸ بەيبٸت اتامقۇلوۆ.
