يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ حالىق الدىنداعى ەسەبٸ كەزٸندە اقىلى جولداردىڭ مەسەلەسٸنە توقتالدى, دەپ حابارلايدى قازاقپارات.
«3-4 كٷن بۇرىن الىسقا قاتىنايتىن جٷك كٶلٸگٸنٸڭ جٷرگٸزۋشٸلەرٸ جاڭا ۋچاسكەلەردە اقىلى جٷيەنٸ ەنگٸزۋگە نارازىلىق بٸلدٸرگەن وقيعالار بولدى. اتالعان مەسەلەنٸ شەشۋ ٷشٸن مينيسترلٸكتٸڭ, «قازاۆتوجول ۇلتتىق كومپانيياسىنىڭ, «اتامەكەن» ۇلتتىق كەسٸپكەرلەر پالاتاسىنىڭ جەنە «كازلوگيستيكس» ٶكٸلدەرٸ تٷسٸندٸرۋ جۇمىستارىن جٷرگٸزدٸ», - دەگەن ۆەدومستۆو باسشىسى بۇل مەسەلە سوڭعى ەكٸ جىل كٶلەمٸندە «اتامەكەن» ۇكپ-نىڭ الاڭىندا قوعامدىق ۇيىمدار مەن قازاقستاننىڭ تاسىمالداۋشىلار وداعىنىڭ ٶكٸلدەرٸن قاتىستىرا وتىرىپ تالقىلانعانىن ەسكە سالدى.
«اقىلى جولدار تەجٸريبەسٸ ەلەم كەڭ تارالعان. كٶپتەگەن ەلدەردە «جولدى كٸم پايدالانسا, كٷتٸپ ۇستاۋ شىعىنىن سول تٶلەيدٸ» دەگەن ەدٸل قاعيدا جولعا قويىلعان. ٶيتكەنٸ كٶپ جاعدايدا جول تٶسەمٸن پايدانى عانا ويلايتىن ينەرتتٸ ماتەريالدار تاسىمالداۋشى اۋىر جٷك كٶلٸكتەرٸ بۇزىپ جاتىر. ونىڭ ٷستٸنە ٷشٸنشٸ ەلدەردەن ون مىڭداعان ترانزيتتٸك جٷك ماشينالارى قازاقستان اۋماعى ارقىلى ٶتەدٸ. ولار دا جولدىڭ بٷلٸنۋٸنە ەسەر ەتەدٸ. ال بٸزدٸڭ تاسىمالداۋشىلار ٶزگە ەلدەردٸڭ اۋماعى ارقىلى ٶتكەندە بارلىق الىمداردى تٶلەيدٸ عوي», - دەدٸ بەيبٸت اتامقۇلوۆ.
ونىڭ ايتۋىنشا, 2025 جىلعا دەيٸن اۆتوموبيل جولدارىنىڭ 11 مىڭ شاقىرىمىنا اقىلى جٷيەنٸ ەنگٸزۋ جوسپارلانعان.
«بٸرٸنشٸ كەزەڭدە 2021 جىلى 5,8 مىڭ شاقىرىم اقىلى جول اشۋ جوسپارلانۋدا. كەشەگٸ اقپارات سەل بۇرمالاعان. تاسىمالداۋشىلارمەن قوسىمشا جۇمىس ٸستەيمٸز دەپ ويلايمىن. جٶندەلمەگەن جولدار اقىلى بولمايتىنىن باسا ايتقىم كەلەدٸ. بٸرٸنشٸ كەزەكتە جٶندەلگەن, ەشقانداي اقاۋى جوق جولدار اقىلى بولادى. ياعني, 1 ساناتتاعى جولدار اقىلى بولادى.
ودان كەيٸن ەكٸنشٸ ساناتتاعى جولدارعا كٶشەمٸز. باتىس قازاقستان مەن اقتٶبەدەگٸ, ورالداعى كٶلٸك يەلەرٸنٸڭ نارازىلىعىن ەستٸپ قالعان بولاتىنمىن. نەگٸزٸندە اقتٶبە وبلىسىنداعى جولداردى اقىلى ەتۋ جوسپاردا جوق. ول جاقتا جولدار 2025 جىلعا دەيٸن جٶندەۋدەن ٶتٸپ, تالاپقا ساي بولۋى كەرەك. ۇلتتىق ستاندارت بويىنشا ساناتى انىقتالادى. وسىدان كەيٸن عانا اقىلى نەگٸز ەنگٸزٸلەدٸ», - دەدٸ مينيستر.
