قازاقتا كٶپ تويلار ونسىز دا بٸر جارىم-ەكٸ ساعات كەشٸگٸپ باستالادى. سودان «جار-جار» ايتىپ جاس جۇبايلاردى ورتاعا شاقىرادى. ارى قاراي «بەتاشارعا» كەزەك بەرٸلەدٸ. بەتاشار ايتۋشى تويعا جٸگٸت جاعىنان كەلگەندەردٸ تٷگەلدەي اتاپ شىعۋعا بەيٸم. ٶيتكەنٸ, تاباققا تٷسەتٸن كٶرٸمدٸك كٶبەيەدٸ. بۇل رەسٸم ونسىز دا كٷتٸپ قالعان قوناقتاردىڭ تاعى 20-30 مينۋت ۋاقىتىن الادى. ٶز باسىم تٸپتٸ شارشاپ كەتەم.
كٶپ جاعدايدا تويلارداعى وسى «بەتاشار» رەسٸمٸ تەك ەنشەيٸن «سپەكتاكل» عانا. ٶيتكەنٸ, كەلٸن تٷسكەلٸ ەكٸ-ٷش اپتا, تٸپتٸ بٸر-ەكٸ اي ٶتٸپ كەتكەن. ٷيدە بەتاشار تويى جاسالعان. تٸپتٸ بٸردە بەتاشاردان كەيٸن, توي ٷستٸندە جاس كەلٸن تولعاتىپ, «جەدەل جەردەم» كەلٸپ الىپ تا كەتكەن جاعدايلار بولعان. سوندا ٶتٸرٸك بەتاشاردىڭ قاجەتٸ قانشا?! ول كٸمگە كەرەك? ەدەتتە قازاقي سالتتا بەتاشار ٷيگە كەلٸن تٷسكەن بويدا, وڭ اياقپەن بوساعا اتتاعان سەتتە ايتىلادى. ەرٸ وندا بٷكٸل اۋىلدىڭ بەرٸن تٸزبەيدٸ. تەك ەت جاقىنداردى عانا جىرمەن تانىستىرادى. بۇل دۇرىس-اق.
ال بوساعا اتتاپ قويعان سوڭ بەلەن ۋاقىتتان كەيٸن ٶتكٸزٸلەتٸن تويدا تاعى بەتاشار ايتۋ اسابادان باسقا ەشكٸمگە قاجەتٸ جوق. ٶزٸمٸزدٸ سىيلايىق. ۋاقىتتان قىمبات نەرسە جوق. قوناقتاردىڭ سول قىمبات ۋاقىتىن سىيلايىق. سوندىقتان مۇنداي «بەتسٸز بەتاشارلاردى» توقتاتۋ قاجەت دەپ ويلايمىن!
مارات توقاشباەۆتىڭ فەيسبۋكتەگٸ پاراقشاسىنان
