سوڭعى بەس جىلدا ۋتيلدٸك الىمنان 614 ملرد 488 ملن تەڭگە تٷسكەن. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ مەلٸم مەلٸم ەتتٸ, دەپ حابارلايدى قازاقپارات.
«2016 جىلدان باستاپ 2021 جىلدىڭ قىركٷيەگٸنە دەيٸنگٸ كەزەڭدە ٶندٸرۋشٸ-يمپورتتاۋشىلاردان كەدەگە جاراتۋ تٶلەمٸ تٷرٸندە تٷسكەن قاراجاتتىڭ كٶلەمٸ 614 ملرد 488 ملن تەڭگە بولدى. 2021 جىلعا كەلسەك, 172 ملرد تەڭگە جينالدى», - دەگەن ۆەدومستۆو باسشىسى ول اقشانىڭ قالاي جۇمسالعانىنا توقتالدى.
«وتاندىق اۆتوٶندٸرۋشٸلەرگە قازاقستان رەسپۋبليكاسى اۋماعىنداعى ٶندٸرٸستٸ, سونداي-اق, اۋىل شارۋاشىلىعى تەحنيكاسىن ىنتالاندىرۋعا سوڭعى بەس جىلدا 295 ملرد 586 ملن تەڭگە باعىتتالدى. قالعان قارجى قر-دا ٶندٸرٸلگەن كٶلٸك قۇرالىن نەمەسە اۋىل شارۋاشىلىعى تەحنيكاسىن ٶندٸرۋشٸلەرگە ۇسىنىلعان جەڭٸلدٸكتەردٸ قارجىلاندىرۋعا20 ملرد 187 ملن تەڭگە بٶلٸندٸ. بۇل ەسكٸ كٶلٸكتٸ كەدەگە جاراتۋعا تاپسىرۋ كەزٸندە وتاندىق اۆتوكٶلٸك ساتىپ الۋ سەرتيفيكاتى رەتٸندە بەرٸلەدٸ. اۆتوكومپونەنتتەردٸ ۋتيلگە ٶتكٸزۋ تٶلەمٸنە - 3 ملرد 384 ملن تەڭگە, قاپتاما قالدىقتارىن ۋتيلگە ٶتكٸزۋ تٶلەمٸنە - 7 ملرد 266 ملن تەڭگە, ەلەكتر قالدىقتارىن ۋتيلگە ٶتكٸزۋ تٶلەمٸنە - 500 ملن تەڭگە, ٸستەن شىققان كٶلٸك قۇرالدارى مەن اۋىل شارۋاشىلىعى تەحنيكاسىن ۋتيلگە ٶتكٸزۋ تٶلەمٸنە - 29 ملرد 183 ملن تەڭگە بٶلٸندٸ», - دەدٸ سەرٸكقالي برەكەشەۆ.
