Sońǵy bes jylda ýtildik alymnan 614 mlrd 488 mln teńge túsken. Bul týraly QR Ekologiia, geologiia jáne tabiǵi resýrstar ministri Serikqali Brekeshev málim málim etti, dep habarlaidy QazAqparat.
«2016 jyldan bastap 2021 jyldyń qyrkúiegine deiingi kezeńde óndirýshi-importtaýshylardan kádege jaratý tólemi túrinde túsken qarajattyń kólemi 614 mlrd 488 mln teńge boldy. 2021 jylǵa kelsek, 172 mlrd teńge jinaldy», - degen vedomstvo basshysy ol aqshanyń qalai jumsalǵanyna toqtaldy.
«Otandyq avtoóndirýshilerge Qazaqstan Respýblikasy aýmaǵyndaǵy óndiristi, sondai-aq, aýyl sharýashylyǵy tehnikasyn yntalandyrýǵa sońǵy bes jylda 295 mlrd 586 mln teńge baǵyttaldy. Qalǵan qarjy QR-da óndirilgen kólik quralyn nemese aýyl sharýashylyǵy tehnikasyn óndirýshilerge usynylǵan jeńildikterdi qarjylandyrýǵa20 mlrd 187 mln teńge bólindi. Bul eski kólikti kádege jaratýǵa tapsyrý kezinde otandyq avtokólik satyp alý sertifikaty retinde beriledi. Avtokomponentterdi ýtilge ótkizý tólemine - 3 mlrd 384 mln teńge, qaptama qaldyqtaryn ýtilge ótkizý tólemine - 7 mlrd 266 mln teńge, elektr qaldyqtaryn ýtilge ótkizý tólemine - 500 mln teńge, isten shyqqan kólik quraldary men aýyl sharýashylyǵy tehnikasyn ýtilge ótkizý tólemine - 29 mlrd 183 mln teńge bólindi», - dedi Serikqali Brekeshev.
