بٷگٸن قر پرەمەر-مينيسترٸنٸڭ ورىنباسارى ەرالى توعجانوۆتىڭ تٶراعالىعىمەن قر اۋماعىندا كوروناۆيرۋس ينفەكتسييانىڭ تارالۋىنا جول بەرمەۋ جٶنٸندەگٸ ۆاك وتىرىسى ٶتتٸ, دەپ حابارلايدى primeminister.kz.
ۆيتسە-پرەمەر دەنساۋلىق ساقتاۋ مينيسترٸ مەن نۇر-سۇلتان, الماتى, شىمكەنت قالالارى, قاراعاندى, اتىراۋ وبلىستارى باسشىلىعىنىڭ ٶڭٸرلەردەگٸ ەپيدەميولوگييالىق جاعداي تۋرالى ەسەبٸن تىڭداپ, مەديتسينالىق ۇيىمدار مەن حالىقتى قاجەتتٸ دەرٸلٸك زاتتارمەن جەنە مەديتسينالىق بۇيىمدارمەن تولىققاندى جەنە ٷزدٸكسٸز قامتاماسىز ەتۋ بويىنشا شارالار قابىلداۋدى تاپسىردى.
ۆەدومستۆوارالىق كوميسسييا ەلدەگٸ تەۋلٸكتٸك سىرقاتتانۋشىلىقتىڭ 65%-ىن جەنە تەۋلٸكتٸك ٶلٸم-جٸتٸم جاعدايلارىنىڭ 55%-ىن قۇرايتىن نۇر-سۇلتان, الماتى, شىمكەنت, اتىراۋ, قاراعاندى قالالارىندا كارانتين شارالارىن كٷشەيتۋ تۋرالى شەشٸم قابىلدادى.
بۇل ٶڭٸرلەردە بيىلعى جىلدىڭ 2 تامىزىنان باستاپ مىناداي شەكتەۋ شارالارى كٷشٸنە ەنەدٸ:
ورتالىق مەملەكەتتٸك ورگانداردى, ەكٸمدٸكتەردٸ, قۇقىق قورعاۋ ورگاندارىن, دەنساۋلىق ساقتاۋ ۇيىمدارىن, باق-تى, ازىق-تٷلٸك دٷكەندەرٸن, دەرٸحانالاردى جەنە تٸرشٸلٸكتٸ قامتاماسىز ەتۋ ۇيىمدارىن قوسپاعاندا, «Ashyq» جوباسىنا قاتىسپايتىن بارلىق كەسٸپورىندار مەن ۇيىمداردىڭ قىزمەتٸن توقتاتا تۇرۋ;
ويىن-ساۋىق, سپورتتىق, وتباسىلىق, ەستەلٸك جەنە ٶزگە دە بۇقارالىق ٸس-شارالاردى ٶتكٸزۋگە تىيىم سالۋ;
مەملەكەتتٸك ورگاندار, كەڭسەلەر, ۇلتتىق كومپانييالار مەن ٶزگە دە ۇيىمدار قىزمەتكەرلەرٸنٸڭ 80%-ىن قاشىقتان جۇمىس ٸستەۋگە اۋىستىرۋ (ۆاكتسينا سالدىرعانداردى جەنە سوڭعى 3 اي ٸشٸندە اۋىرىپ جازىلعانداردى قوسپاعاندا).
سونداي-اق, اقمولا, الماتى, قاراعاندى وبلىستارىنىڭ ەكٸمدٸكتەرٸنە نۇر-سۇلتان (بۋراباي, تسەلينوگراد, ارشالى اۋداندارى), الماتى (قاراساي, تالعار, ٸلە, ەڭبەكشٸقازاق اۋداندارى), شىمكەنت قالالارىمەن (سايرام, تٶلەبي اۋداندارى), قاراعاندىمەن (تەمٸرتاۋ, شاحتينسك, اباي) شەكارالاس اۋداندارىندا كارانتين شارالارىن كٷشەيتۋ بويىنشا شارالار قابىلداۋ ۇسىنىلدى.
ٶڭٸرلەردٸڭ ەكٸمدٸكتەرٸنە شەكتەۋلەر ەنگٸزۋ جەنە ولاردىڭ ساقتالۋىن باقىلاۋ بويىنشا بارلىق شارالاردى قابىلداۋ تاپسىرىلدى.
ۆيتسە-پرەمەر كوروناۆيرۋس ينفەكتسيياسىنىڭ تارالۋىنا قارسى كٷرەستە مونيتورينگ توپتارىنىڭ جۇمىسىنىڭ ماڭىزدىلىعىن جەنە بارلىق ٶڭٸرلەردە وسى باعىتتاعى بەلسەندٸلٸكتٸڭ تٶمەندٸگٸن اتاپ ٶتتٸ. شوب نىساندارىن رەيدتەرمەن قامتۋدىڭ بارىنشا تٶمەندەۋٸ اقتٶبە, ماڭعىستاۋ, سولتٷستٸك قازاقستان, جامبىل, قىزىلوردا, اقمولا, اتىراۋ وبلىستارىندا, سونداي-اق الماتى جەنە شىمكەنت قالالارىندا بايقالادى. انىقتالعان بۇزۋشىلىقتار سانىنىڭ تٶمەندەۋٸ ماڭعىستاۋ, پاۆلودار, الماتى, سولتٷستٸك قازاقستان جەنە اقتٶبە وبلىستارىندا بايقالادى.
توعجانوۆ بارلىق ٶڭٸرلەردە مونيتورينگ توپتارىنىڭ جۇمىسىن جانداندىرۋدى تاپسىردى.
سونداي-اق, ۆيتسە-پرەمەر ەلٸمٸزدٸڭ كەيبٸر ٶڭٸرلەرٸندە ۆاكتسينالاۋدىڭ تٶمەن قارقىنىن اتاپ ٶتتٸ. مىسالى, ماڭعىستاۋ وبلىسىندا حالىقتىڭ تەك 25,6%-ى بٸرٸنشٸ كومپونەنتپەن ەگٸلدٸ, بۇل رەسپۋبليكا بويىنشا ورتاشا مەننەن 2 ەسە تٶمەن (52,4%). 6 ٶڭٸردٸڭ (بقو, اقتٶبە, قوستاناي, قاراعاندى, جامبىل, پاۆلودار وبلىستارى) كٶرسەتكٸشتەرٸ ەل بويىنشا ورتاشا مەننەن ايتارلىقتاي ارتتا قالىپ وتىر.
باس مەملەكەتتٸك سانيتارلىق دەرٸگەردٸڭ 2021 جىلعى 14 شٸلدەدەگٸ №32 قاۋلىسىنا سەيكەس بيىلعى جىلعى 10 تامىزعا دەيٸنگٸ مەرزٸمدە قىزمەت كٶرسەتۋ سالاسىنىڭ بارلىق قىزمەتكەرلەرٸ COVID-19 ۆاكتسيناسىنىڭ بٸرٸنشٸ كومپونەنتٸمەن ەكپە الۋى تيٸس.
