«بەرلين-مينسك-الماتى» چارتەرلٸك رەيسٸنٸڭ 12 جولاۋشىسىنىڭ جەتەۋٸنەن كوروناۆيرۋس تابىلدى. ولاردىڭ اراسىندا بورتسەرٸك ەيەل دە بار, دەپ حابارلايدى قازاقپارات.
بۇل تۋرالى بٷگٸن ونلاين بريفينگ بارىسىندا قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسشىسى ايزات مولداقاسىموۆا ايتتى.
ونىڭ ايتۋىنشا, بورت 13 ناۋرىزدا ۇشىپ كەلگەن.
«بۇل بورت كەلٸسٸمەن بٸز ينفەكتسييالىق ستاتسيونارعا وقشاۋلادىق. بورتتا بولعان 12 ادامنىڭ بارلىعى: 9 جولاۋشى مەن 3 ەكيپاج مٷشەسٸ جەكە بوكسقا جاتقىزىلدى. 12 ادامنىڭ جەتەۋٸنەن كوروناۆيرۋس تابىلدى. ونىڭ ٸشٸندە بورتسەرٸك ەيەل بار. ولار قوعامعا قاۋٸپ تٶندٸرمەيدٸ. سەبەبٸ, اۋرۋ وشاعى دەر كەزٸندە زالالسىزداندىرىلىپ ٷلگەردٸ», - دەدٸ ا.مولداقاسىموۆا.
ايتا كەتۋ كەرەك, قازٸر قازاقستاندا 79 كوروناۆيرۋس جۇقتىرۋ جاعدايى تٸركەلگەن.
نۇر-سۇلتان قالاسىندا – 41 ادام, الماتىدا – 31 ادام, قاراعاندىدا - 2, الماتى وبلىسىندا - 1, اقتٶبە وبلىسىندا – 1, شىمكەنتتە - 1, جامبىل وبلىسىندا - 1, سولتٷستٸك قازاقستان وبلىسىندا - 1 ادام اۋرۋ جۇقتىرعان.
