قر پرەزيدەنتٸنٸڭ باسپاسٶز حاتشىسى بەرٸك ۋەلي ماڭعىستاۋ وبلىسىنىڭ بوزجىرا قورىعى اۋماعىندا قوناقٷي قۇرىلىسى جوباسىن قايتا قاراۋ تۋرالى مەملەكەت باسشىسى قاسىم-جومارت توقاەۆتىڭ تاپسىرماسىنا تٷسٸنٸك بەردٸ, دەپ حابارلايدى "ۇلت اقپارات".
«كەشە Facebook ەلەۋمەتتٸك جەلٸسٸندە پرەزيدەنتتٸڭ بوزجىرا قورىعى اۋماعىندا سالىناتىن قوناقٷيدٸڭ قۇرىلىسىن قايتا قاراۋدى تاپسىرعانى جايىندا جازىپ ەدٸك. اتالعان جازبا اقپارات قۇرالدارى مەن ەلەۋمەتتٸك جەلٸلەردە قىزۋ تالقىلانىپ, تٷرلٸ سۇراقتار قويىلىپ جاتىر. سوندىقتان وسى مەسەلەگە تاعى بٸر مەرتە ورالىپ, قوسىمشا تٷسٸنٸكتەمە بەرگەندٸ جٶن دەپ تاپتىق.
ماڭعىستاۋ وبلىسىندا تۋريزمدٸ دامىتۋ – ٷكٸمەتكە جٷكتەلگەن ماڭىزدى مٸندەتتەردٸڭ بٸرٸ. بٷگٸندە بۇل باعىتتا جۇمىستار باستالىپ كەتتٸ. بەس جۇلدىزدى قوناقٷي سالىنىپ, جايلى مەيمانحانالاردىڭ تۇتاس جەلٸسٸن قۇرۋ جوسپارلانىپ وتىر. مۇنداي جٷيەلٸ جۇمىستار ايماقتىڭ تۋريستٸك تارتىمدىلىعىن ارتتىراتىنى سٶزسٸز.
جاقىندا بوزجىرا تابيعي قورىعىنىڭ جانىنان قوناق ٷي سالۋ جوباسى ۇسىنىلدى. ٶكٸنٸشكە قاراي, قازٸرگٸ كەزدە قورىقتىڭ اينالاسىنداعى تۋريزم تابيعاتتى قورعاۋ شارالارىن ساقتاماي, بەيبەرەكەت دامىپ جاتىر. بۇل وسى ەرەكشە تابيعات قورىعىنا وراسان زييانىن تيگٸزۋدە. پرەزيدەنت ەكولوگييالىق تۋريزمدٸ ٶركەنيەتتٸ جولمەن دامىتۋدى قولدايدى. ول ٷشٸن قاجەتتٸ ينفراقۇرىلىم, ەڭ الدىمەن, جايلى قوناقٷيلەر قاجەت. سوندىقتان مەملەكەت باسشىسى ٷكٸمەتكە قوناقٷي سالۋ جوباسىن قايتا قاراۋدى تاپسىردى. بٸراق بۇل جوبا وسىمەن توقتايدى دەگەندٸ بٸلدٸرمەيدٸ», - دەپ جازدى بەرٸك ۋەلي Facebook-تە.
ونىڭ ايتۋىنشا, قوعامدىق كەڭەستەردٸڭ, ەكولوگ ساراپشىلاردىڭ جەنە مەملەكەتتٸك ۆەدومستۆولاردىڭ وي-پٸكٸرلەرٸ ەسكەرٸلە وتىرىپ, قوناقٷي سالۋعا ارنالعان باسقا ىڭعايلى جەر تاڭدالاتىن بولادى.
ايتا كەتەيٸك, ەلەۋمەتتٸك جەلٸدە بوزجىرادا قوناقٷيدٸڭ قۇرىلىسى باستالعانى جٶنٸندە ۆيدەو تاراپ, بۇل جاعداي حالىقتىڭ اشۋ-ىزاسىن تۋعىزعان ەدٸ. كەيٸن بوزجىرادا قوناقٷي سالۋ جوباسىنا ەكولوگييا مينيسترلٸگٸ مەن مەدەنيەت ۆيتسە-مينيسترٸ پٸكٸر بٸلدٸرگەن بولاتىن.
