تٷركٸمەنستان پارلامەنتٸ ەلدٸڭ جاڭا كونستيتۋتسيياسىن ماقۇلداپ, وعان پرەزيدەنت گۋربانگۋلى بەردٸمۇحاممەدوۆ قول قويدى.
تٷركٸمەنستاندا قىركٷيەكتٸڭ 14-ٸ كٷنٸ پارلامەنت جيىنى ٶتٸپ, ەل پرەزيدەنتٸ گۋربانگۋلى بەدٸمۇحاممەدوۆ جاڭا كونستيتۋتسييا جوباسىن تانىستىردى. ارنايى كونستيتۋتسييالىق كوميسسييا ەكٸ جىل قاراعان, ەل بيلٸگٸ «ازاماتتاردىڭ قۇقىقتارىنا كەپٸلدٸك بەرەدٸ» دەپ سيپاتتاعان كونستيتۋتسييانى پارلامەنت دەپۋتاتتارى بٸر اۋىزدان قولدادى.
تٷركٸمەنستاننىڭ جاڭادان قابىلداعان كونستيتۋتسيياسىنداعى باستى ٶزگەرٸستەردٸڭ بٸرٸ پرەزيدەنتتٸڭ ٶكٸلەتٸنە قاتىستى. ەلدە پرەزيدەنتتٸك قىزمەت مەرزٸمٸ بۇعان دەيٸن 5 جىل بولعان ەدٸ, ەندٸ ول 7 جىل بولىپ ۇزارتىلدى. بٸر ادامنىڭ نەشە مەرزٸمگە پرەزيدەنت بولا الارى بۇرىنعى كٷيٸندە قالدى – ەشقانداي شەكتەۋ جوق. بۇعان دەيٸن 70 جاستان اسقان ازاماتتارعا پرەزيدەنتتٸك سايلاۋعا تٷسۋگە رۇقسات ەتٸلمەگەن, ەندٸ ول شەكتەۋ دە الىنىپ تاستالدى.
باقىلاۋشىلاردىڭ حابارلاۋىنشا, جاڭا كونستيتۋتسييادان ازاماتتاردىڭ جٷرٸپ-تۇرۋ ەركٸندٸگٸ, سٶز بوستاندىعى سيياقتى باپتار الىنىپ تاستالىپتى. كونستيتۋتسييا جوباسى حالىققا ۇسىنىلىپ تالقىلانباعان, باسپاسٶزدە جارييالانباعان.
تٷركٸمەنستاننىڭ 1992 جىلى قابىلدانعان كونستيتۋتسيياسى بۇعان دەيٸن 1995, 1999, 2003 جەنە 2008 جىلدارى ٶزگەرتٸلگەن.
تٷركٸمەنستاننىڭ 59 جاستاعى پرەزيدەنتٸ گۋربانگۋلى بەردٸمۇحاممەدوۆ 2007 جەنە 2012 جىلعى پرەزيدەنتتٸك سايلاۋلاردا باسىم داۋىسپەن (89,23 جەنە 97,14 پايىزبەن) جەڭٸسكە جەتكەن. ول بۇرىنعى پرەزيدەنتتٸڭ جەكە باسىنا تابىنۋ كۋلتٸن ەلسٸرەتەتٸن رەفورمالار جاساعان.
جاڭا كونستيتۋتسييانىڭ قابىلدانۋىمەن قاتار تاراعان تاعى بٸر اقپاراتتارعا قاراعاندا, بۇعان دەيٸن تٷركٸمەنستاننىڭ بٸرٸنشٸ پرەزيدەنتٸ ساپارمۇرات نييازوۆتىڭ قۇرمەتٸنە اتالعان ۇلتتىق ەۋە كومپانيياسىنىڭ اتى ٶزگەرتٸلگەن. بۇعان دەيٸن «ۇلى ساپارمۇرات تٷركمەنباشى اتىنداعى«تۋركمەنحوۆايوللارى» ۇلتتىق مەملەكەتتٸك قىزمەتٸ» دەپ اتالعان كومپانييا ەندٸ «تٷركٸمەنستان-Airways» دەپ ٶزگەرتٸلگەن.
تٷركٸمەنستاننىڭ بۇرىنعى پرەزيدەنتٸ ساپارمۇرات نييازوۆتىڭ ەسكەرتكٸشٸ. اشعابات, 15 مامىر 2012 جىل. (كٶرنەكٸ سۋرەت)
Human Rights Watch قۇقىق قورعاۋ ۇيىمىنىڭ دەرەگٸنشە, گۋربانگۋلى بەردٸمۇحاممەدوۆ قازٸر تٷركٸمەنستانداعى بارلىق قوعامدىق-ساياسي جەنە ەلەۋمەتتٸك سالالارعا جەكە-دارا بيلٸك جٷرگٸزەدٸ.
تٷركٸمەنستان Freedom House حالىقارالىق قۇقىق قورعاۋ ۇيىمىنىڭ 2016 جىلعا ارنالعان «ەلەمدەگٸ بوستاندىق» ەسەبٸندە ساياسي جەنە ازاماتتىق بوستاندىق دەڭگەيٸ ەڭ ناشار ەلدەردٸڭ بٸرٸ رەتٸندە اتالعان.
ال «شەكاراسىز تٸلشٸلەر» ۇيىمىنىڭ ەلەمدٸك اقپارات قۇرالدارى ەركٸندٸگٸ يندەكسٸندە» تٷركٸمەنستان سوڭعى ورىنداردىڭ بٸرٸندە – 180 ەلدٸڭ اراسىندا 178-ورىندا تۇر.
بۇل ەل Transparency International ۇيىمىنىڭ بىلتىرعى جەمقورلىق جايلى يندەكسٸندە دە 168 ەلدٸڭ اراسىندا 154-ورىندا قالعان.
