رەسەي پرەمەر-مينيسترٸ دميتريي مەدۆەدەۆ تامىز ايىندا تٷركٸمەنستانعا بارماق. بۇعان دەيٸن تٷركٸمەنستان باسشىسى گۋربانگۋلى بەردٸمۇحامەدوۆتٸڭ ٶلٸمٸ جايلى سىبىستار تاراعان ەدٸ.
رەسەي پرەمەر-مينيسترٸ باسپاسٶز قىزمەتٸنٸڭ مەلٸمەتٸنە سەيكەس, مەدۆەدەۆ تٷركٸمەنستانعا 11-12 تامىزدا بارىپ, كاسپيي ەكونوميكالىق فورۋمىنا قاتىسپاق. ساپار اياسىندا پرەزيدەنت گۋربانگۋلى بەردٸمۇحامەدوۆپەن كەزدەسٸپ, ەكٸ جاقتى قارىم-قاتىناس مەسەلەلەرٸن تالقىلاماق.
بەردٸمۇحامەدوۆتٸڭ شٸلدە ايىنىڭ باسىنان بەرٸ كٶرٸنبەي كەتۋٸ, تٸپتٸ ەۋروپا وداعىنىڭ سىرتقى ٸستەر جەنە قاۋٸپسٸزدٸك ساياسات بويىنشا جوعارعى ٶكٸلٸ فەدەريكا موگەرينيدٸڭ اشعاباتقا ساپارى كەزٸندە دە قوعام الدىنا شىقپاۋى ونىڭ دەنساۋلىعىنا بايلانىستى تٷرلٸ قاۋەسەتتٸ ٶرشٸتتٸ. ال تٷركٸمەنستان بيلٸگٸ پرەزيدەنتتٸڭ 15 تامىزعا دەيٸن دەمالىستا ەكەنٸن بٸرنەشە رەت مەلٸمدەگەن. كاسپيي فورۋمى پرەزيدەنتتٸڭ دەمالىس مەرزٸمٸ رەسمي تٷردە اياقتالعانعا دەيٸن باستالىپ قويادى.
15 شٸلدەدە تٷركٸمەنستاننىڭ مەملەكەتتٸك اقپارات قۇرالدارى تەلەديدار الدىندا وتىرعان 62 جاستاعى گۋربانگۋلى بەردٸمۇحامەدوۆتٸڭ جاڭا كٸتابىن جازىپ جاتقان سەتٸن كٶرسەتكەن. بٸراق ۆيدەونىڭ قاي كٷنٸ تٷسٸرٸلگەنٸ بەلگٸسٸز.
قۇقىق قورعاۋشىلار تٷركٸمەنستاندى ەلەمدەگٸ ەڭ جابىق ەرٸ قۋدالاۋعا بەيٸم ەلدەر قاتارىنا جاتقىزادى. ەلدٸڭ بارلىق-دەرلٸك سالاسىنا بەردٸمۇحامەدوۆ پەن اينالاسىنداعى ساياساتكەرلەر ارالاسىپ, قاتاڭ باقىلاۋدا ۇستايدى.
