پرەمەر-مينيستردٸڭ ورىنباسارى بەردٸبەك ساپارباەۆ حالىقتىڭ ەل-اۋقاتىن ارتتىرۋ باعىتىنداعى شارالار قالاي جٷرگٸزٸلٸپ جاتقانىن ايتىپ بەردٸ, دەپ حابارلايدى قازاقپارات.
ەلباسى نۇرسۇلتان نازارباەۆتىڭ «Nur Otan» پارتيياسىنىڭ ساياسي كەڭەسٸ بيۋروسىنىڭ وتىرىسىندا جٷكتەگەن تاپسىرمالارى تۋرالى سٶز قوزعاعان بەردٸبەك ساپارباەۆ قانداي باعىتتاعى ەلەۋمەتتٸك شارالارعا نازار اۋدارىلىپ وتىرعانىن اتاپ ٶتتٸ.
«ەلباسىنىڭ, مەملەكەت باسشىسىنىڭ تاپسىرمالارىن, باعىت-باعدارلارىن ورىنداۋ ماقساتىندا ٷكٸمەت قازٸرگٸ تاڭدا تيٸستٸ ٸس-شارالاردى قابىلدادى. ٷكٸمەتتٸڭ ەڭ نەگٸزگٸ مٸندەتٸ – قازاقستاندىقتاردىڭ تۇرمىسىن جاقسارتۋ, ەل-اۋقاتىن ارتتىرۋ. ٶزدەرٸڭٸز بٸلەتٸندەي, قازاقستاندىقتاردىڭ جالاقىسى وسى جىلى ەكٸ ەسە ٶستٸ. جالپى, 3 ملن قازاقستاندىقتىڭ جالاقىسى 15-تەن 30 پايىزعا دەيٸن كٶبەيتٸلدٸ. ەڭ ٷلكەن بەرٸلگەن تاپسىرما – قازاقستاندىقتاردى جۇمىسپەن قامتۋ, جاڭا جۇمىس ورىندارىن اشۋ. قازٸرگٸ بٸزدٸڭ مەملەكەتٸمٸزدە جٷزەگە اسىرىلىپ جاتقان 14 مەملەكەتتٸك باعدارلاما ارقىلى بٸز وسى تاپسىرمالاردى ورىنداۋ باعىتىندا جۇمىس جٷرگٸزٸپ جاتىرمىز», - دەدٸ ۆيتسە-پرەمەر ٷكٸمەتتٸڭ باسپاسٶز ورتالىعىندا.
بەردٸبەك ساپارباەۆتىڭ ايتۋىنشا, بيىلعى تاپسىرما بويىنشا ەلٸمٸزدە كەم دەگەندە 373 مىڭ جاڭا جۇمىس ورنى اشىلۋ كەرەك.
«كٶرٸپ وتىرعاندارىڭىزداي, 7 ايدىڭ قورىتىندىسى بويىنشا ول تاپسىرما 60 پايىزعا ورىندالدى. ونىڭ ٸشٸندە 150 مىڭنان استامى – ناقتى جۇمىستار. وعان قوسىمشا قازٸرگٸ تاڭدا سۇرانىس جوق ماماندىق يەلەرٸنە سۇرانىسقا يە بولعان ماماندىقتى وقىتۋ ٷشٸن قىسقا مەرزٸمدەگٸ كۋرستار ۇيىمداستىرىلعان. سٸزدەر بٸلەسٸزدەر, مەملەكەتٸمٸزدە «ەڭبەك» باعدارلاماسى شەڭبەرٸندە «باستاۋ», «جاس مامان», «جاس كەسٸپكەر» جوبالارى جٷزەگە اسىرىلىپ جاتىر. ميكرونەسيەلٸك گرانتتار, وعان قوسىمشا ەلباسىنىڭ ەلەۋمەتتٸك قامقورلىق شارالارىنا سەيكەس, قوسىمشا تاعى 15 مىڭ گرانت بەرٸلدٸ. سونىڭ نەتيجەسٸندە جاستار ٶزدەرٸنٸڭ كەسٸپتەرٸن اشىپ, تۇرمىستارىن جاقسارتتى», - دەدٸ بەردٸبەك ساپارباەۆ.
پرەمەر-مينيستردٸڭ ورىنباسارى وسى شارالاردى جٷزەگە اسىرۋ ٷشٸن سوڭعى ناقتىلانعان بيۋدجەت بويىنشا 32 ملرد تەڭگە بٶلٸنگەنٸن اتاپ ٶتتٸ.
«قازٸرگە دەيٸن 341 مىڭنان استام وتباسى نەمەسە 1 ملن 800 مىڭ قازاقستاندىق اتاۋلى ەلەۋمەتتٸك كٶمەكپەن قامتىلدى. رەسپۋبليكالىق بيۋدجەتتەن بۇل باعىتتا 103 ملرد تەڭگە بٶلٸندٸ. اتاۋلى ەلەۋمەتتٸك كٶمەكتٸ الىپ وتىرعانداردىڭ 58 پايىزى – اۋىل حالقى. اۋىل ادامدارى قوسىمشا 83 مىڭ ادام ٶزدەرٸنە كەرەكتٸ مالىن, تەحنيكاسىن ساتىپ الۋعا مٷمكٸندٸك الدى. جالپى, اەك ارقاسىندا وتباسىلاردىڭ تابىسى ەكٸ ەسە ٶستٸ», - دەدٸ ول.
