«قازمۇنايگاز» جانارماي قۇيۋ بەكەتتەرٸندە بەنزين 152 تەڭگەدەن ساتىلىپ جاتىر. الايدا مۇندا 20 ليتردەن ارتىق بەنزين بەرٸلمەيدٸ. شەكتەۋ الداعى بەيسەنبٸ كٷنگە دەيٸن بولادى. بۇل تۋرالى وكق-دە ٶتكەن بريفينگتە قر ەنەرگەتيكا ۆيتسە-مينيسترٸ ەسەت ماعاۋوۆ ايتتى, دەپ حابارلايدى "ۇلت اقپارات" Baq.kz پورتالىنا سٸلتەمە جاساپ.
«كەشە بٸزدٸڭ جۇمىسشىلار جانار-جاعارماي قۇيۋ ستانتسييالارىن ارالاپ, باعاعا مونيتورينگ جاساپ شىقتى. باعالارعا توقتالار بولساق, «قازمۇنايگاز» اق-نىڭ جانارماي قۇيۋ بەكەتتەرٸندە بەنزين 152 تەڭگەگە ساتىلىپ جاتىر. بٸراق «قازمۇنايگاز» اق بەنزينگە ليميت قويدى. ياعني بەنزين 20 ليتردەن ارتىق بەرٸلمەيدٸ. وسى الداعى بەيسەنبٸ كٷنگە دەيٸن (12 قازان – اۆتور) جانار-جاعارمايدىڭ جاڭا قورى كەلۋٸ كەرەك. سودان كەيٸن بەنزينگە دەگەن شەكتەۋ الىنادى. سودان باستاپ, تۇتىنۋشىلار قانشا العىسى كەلسە, سونشا الاتىن بولادى», - دەدٸ باسشى.
كەيٸن ۆيتسە-مينيستر باسقا جانار-جاعارماي قۇيۋ بەكەتتەرٸندە بەنزيننٸڭ قانشا تەڭگەگە ساتىلىپ جاتقانىن العا تارتتى.
«بەنزين Helios-تا -150 تەڭگەگە, Nomad-تا – 153 تەڭگەگە, Sinooil-دا 152- تەڭگەگە, گازپرومنەفت-دە – 156 تەڭگەگە ساتىلۋدا. استانادا كەشە ەشقانداي كەزەك بولعان جوق. بەنزين كەزەكسٸز ساتالىپ جاتىر», - دەدٸ ەسەت ماعاۋوۆ.
