فوتو: سەرگەي بوبىلەۆ / تاسس
ەلٸمٸزدە بەنزين باعاسىنىڭ كٶتەرٸلۋٸنە العىشارت جوق. بۇل تۋرالى ەنەرگەتيكا مينيسترٸ الماسادام سەتقاليەۆ ايتتى, دەپ حابارلايدى قازاقپارات.
«رەسەيدە باعا ٶسۋٸ مٷمكٸن ەكەندٸگٸن قوسپايتىن بولساق, بەنزيننٸڭ قىمباتتاۋىنا العىشارت جوق. قازٸرگٸ ۋاقىتتا قازاقستاندا سۇرانىس پەن تۇتىنۋ كٶلەمٸ تەڭگەرٸمدٸ. مۇناي ٶنٸمدەرٸنٸڭ قاجەتتٸ قورى جاساقتالعان. شامامەن 1 ايعا جەتەتٸن ديزەل وتىنى, 25 كٷنگە جەتكٸلٸكتٸ اي-92 جەنە اي-95 بەنزينٸ بار. بۇعان قوسا, مۇناي ٶنٸمدەرٸنٸڭ اتالعان تٷرلەرٸنٸڭ ٶندٸرٸسٸن قوسساق, وندا تاپشىلىق بولمايدى», - دەدٸ مينيستر XV KazEnergy ەۋرازييالىق فورۋمى اياسىندا باق ٶكٸلدەرٸنٸڭ ساۋالىنا وراي.
دەگەنمەن, ونىڭ ايتۋىنشا, قازٸرگٸ ۋاقىتتا رەسەيدە مۇناي ٶنٸمدەرٸ شىعىنىن ٶتەۋ ٷشٸن كٶلەمنٸڭ تٶمەندەۋٸنە بايلانىستى سىن-تەگەۋٸرٸن بار.
«يمپورتتىق وتىننىڭ قىمباتتاۋ مٷمكٸندٸگٸنە بايلانىستى تەۋەكەل بار. ول ٸشكٸ نارىقتاعى باعاعا پروپورتسيونالدى ىقپال ەتەدٸ. بٸز ەزٸرشە قالىپتاستىرىلعان قوردى ەسكەرە وتىرىپ, قازاقستان رەسپۋبليكاسىندا ٶندٸرٸلگەن ٶنٸمگە ارقا سٷيەيمٸز», - دەدٸ الماسادام سەتقاليەۆ.
