بىلتىر كرەمل سىنشىسى الەكسەي ناۆالنىيدى اڭدىعان فسب قىزمەتكەرلەرٸنٸڭ وپپوزيتسيونەر ۆلاديمير كارا-مۋرزانىڭ دا ۋلانۋىنا قاتىسى بار. ولار 2015 جەنە 2017 جىلدارى وپپوزيتسيونەر ۋلانۋ بەلگٸلەرٸ بويىنشا اۋرۋحاناعا تٷسكەنگە دەيٸن تۇراقتى تٷردە كارا-مۋرزانىڭ ٸزٸن اڭدىپ وتىرعان. Bellingcat توبىنىڭ 11 اقپاندا جارىق كٶرگەن زەرتتەۋٸندە وسىنداي تۇجىرىم جاسالادى.
"بٸر باعىتتاعى ساپارلار – 7 باعىت جەنە 14 رەيس – كەزدەيسوق سەيكەستٸكتەردٸ ستاتيستيكالىق تۇرعىدا ادام سەنگٸسٸز جايتقا اينالدىرادى. كارا-مۋرزانىڭ تانىمالدىعى جەنە تۇراقتى اڭدۋلار بۇل وقيعانى فسب توبىنىڭ ٶزگە دە شابۋىلدارىنا ۇقساتا تٷسەدٸ" دەپ جازدى Bellingcat.
2015 جىلى ەرٸپتەستەرٸمەن كەزدەسۋ كەزٸندە كارا-مۋرزانىڭ جاعدايى كەنەتتەن ناشارلاعان. دەرٸگەرلەر وعان "ينتوكسيكاتسييا جاعدايىنداعى بٷيرەك اۋرى" دەگەن دياگنوز قويعان. ساياساتكەر ۇزاق ۋاقىت جاساندى كومادا بولدى, جاساندى اپپاراتتىڭ كٶمەگٸمەن ٶمٸر سٷردٸ. فرانتسييادا جٷرگٸزٸلگەن ساراپتاما ساياساتكەردٸڭ اعزاسىندا اۋىر مەتاللدىڭ قالىپتان تىس كٶپ ەكەنٸن انىقتاعان. بٸراق رەسەيلٸك سوت-مەديتسينالىق ساراپتاما ساياساتكەردٸڭ ۋلانعانىن راستامادى.
2017 جىلى اقپان ايىندا دا كارا-مۋرزا دەل سونداي اۋىر جاعدايدا مەسكەۋ اۋرۋحاناسىنا تٷسٸپ, تٸرٸ قالدى. دەرٸگەرلەر سول كەزدە ونىڭ تٸرٸ قالۋ مٷمكٸندٸگٸ شامامەن 5 پايىز دەگەن. مۇنى كارا-مۋرزانىڭ ٶزٸ دەرٸگەرلەردەن ەستٸگەنٸن كەيٸنٸرەك ايتتى.
Bellingcat-تىڭ ايتۋىنشا, فسب كريميناليستيكا ينستيتۋتىنىڭ قىزمەتكەرلەرٸ ۆلاديمير كارا-مۋرزانى اۋرۋحاناعا تٷسكەنگە دەيٸن ەكٸ جاعدايدا دا دۇزاق ۋاقىت اڭدىعان. 2015 جىلى اۋرۋحاناعا تٷسپەي تۇرىپ ٷش اي بۇرىن كارا-مۋرزانىڭ رەسەي قالالارىنا ساپارى (تومسك, سانكت-پەتەربۋرگ, كالينينگراد, قازان) كەزٸندە فسب قىزمەتكەرٸ كەمٸندە تٶرت رەت سوڭىنان جٷرٸپ وتىرعان. مىسالى, كارا-مۋرزا 2015 جىلى 22-24 مامىر كٷندەرٸ قازاندا بولعان. كارا-مۋرزا ۋلانۋ بەلگٸلەرٸ بايقالعانعا دەيٸن 48 ساعات ٸشٸندە مەسكەۋگە قايتقان.
بارلىق ساپارلاردا فسب قىزمەتكەرٸ دەلٸنگەن الەكساندر ساموفال ساياساتكەردٸ اڭدىعان. Bellingcat-تىڭ "قارا نارىقتان" ساتىپ العان دەرەكتەر قورىندا ساموفالعا 2006 جىلى بەرٸلگەن جٷرگٸزۋشٸلەر كۋەلٸگٸ تۋرالى اقپارات تا بار. وندا ساموفالدىڭ مەكەنجايى رەتٸندە "2567 ەسكەري بٶلٸمٸ" كٶرسەتٸلگەن. بۇل فسب-نىڭ مەسكەۋ تٷبٸندەگٸ گوليتسىنداعى شەكارا قىزمەتٸ اكادەميياسىنىڭ مەكەنجايىمەن سەيكەس كەلەدٸ. 2015-2016 جىلدارى ساموفال كارا-مۋرزانىڭ سوڭىنان 12 رەت اڭدىعان. ونىڭ جانىندا بٸرنەشە رەت فسب كريميناليستيكا ينستيتۋتىنىڭ قىزمەتكەرٸ دەلٸنگەن كونستانتين كۋدرياۆتسەۆ (الەكسەي ناۆالنىيدى ۋلاۋعا قاتىستى زەرتتەۋدە ايتىلعان), سونىمەن بٸرگە فسب-نىڭ 2-باسقارماسىنىڭ اعا وفيتسەرٸ رومان مەزەنتسەۆ بولعان.
زەرتتەۋ اۆتورلارىنىڭ پايىمداۋىنشا, فسب توبى ايماقتا مەديتسينالىق قىزمەت كٶرسەتۋ ساپاسى مەسكەۋگە قاراعاندا ناشار بولعاندىقتان ەمەس, ايماقتا باقىلاۋداعى ادامدار جاتاتىن قوناق ٷي بٶلمەسٸنە كٸرۋ وڭايىراق بولعاندىقتان ايماقتا ۋلاۋدى قۇپ كٶرگەن. ال استانادا ۋلانعان كارا-مۋرزا جاعدايىندا ارنايى توپتىڭ اڭدىعانىن ساياساتكەرلەردٸڭ ساپارلارى انىقتاۋعا مٷمكٸندٸك بەرگەن.
ساياساتكەردٸ ەكٸنشٸ رەت ۋلاعاننان كەيٸن كارا-مۋرزانىڭ ەيەلٸ ەۆگەنييا اۋرۋحانادان ونىڭ قان ٷلگٸسٸن الىپ, فبر اگەنتتەرٸنە تاپسىرعان. وعان ٷلگٸنٸ حيمييالىق قارۋعا تىيىم سالۋ جٶنٸندەگٸ ۇيىم اككرەديتاتسييالاعان زەرتحانادا زەرتتەۋگە ۋەدە بەرگەن. الايدا كەيٸنٸرەك فبر ونىڭ نەتيجەسٸن ايتۋدان باس تارتقان.
سوت ۆەدومستۆودان نەتيجەسٸن جارييالاۋدى تالاپ ەتكەننەن كەيٸن فبر "قۇپييا" دەگەن جەلەۋمەن ەسەپتٸڭ تەك ٷزٸندٸلەرٸن عانا جارييالاعان. جارييالانعان دەرەكتەردە كارا-مۋرزاعا ۋ بەرۋ الدىن الا جوسپارلانعانى جازىلعان, بٸراق ناقتى قانداي زاتپەن ۋلاعانى ايتىلماعان.
The Insider مەن Bellingcat ايتۋىنشا, 2018 جىلدىڭ قاڭتار ايلارىندا اقش-قا فسب جەتەكشٸسٸ الەكساندر بورتنيكوۆ, رەسەي سىرتقى بارلاۋ قىزمەتٸنٸڭ جەتەكشٸسٸ سەرگەي نارىشكين, گرۋ ديرەكتورى يگور كوروبوۆ ۇشىپ بارعان. زەرتتەۋشٸلەر ولاردىڭ كەيبٸرٸ فبر باسشىلىعى ٶكٸلٸمەن كەزدەسۋٸ مٷمكٸن دەپ بولجايدى.
"كارا-مۋرزا تۋرالى ٸستە بۇل كەزدەسۋدٸڭ اتاپ ٶتٸلۋٸ ونىڭ مەسەلەسٸ كەزدەسۋ كەزٸندە تالقىلانعانىنان حابار بەرەدٸ, ال ولاي بولسا اناليز قورىتىندىسىن جارييالاۋدان باس تارتۋ قانداي دا بٸر كەلٸسٸمنٸڭ بٸر بٶلٸگٸ بولۋى مٷمكٸن" دەيدٸ زەرتتەۋ اۆتورلارى.
