بەلگييانىڭ اقپارات قۇرالدارىنىڭ حابارلاۋىنشا, بەلگييا پروكۋراتۋراسى قازاقستاندىق "Astana Pro Team" كومانداسىنىڭ ۆەلوشاباندوزى الەكساندر ۆينوكۋروۆ پەن رەسەيلٸك الەكساندر كولوبنەۆتٸ التى ايعا باس بوستاندىعىنان ايىرۋدى سۇراعان.
بۇل ەكٸ سپورتشىعا 2010 جىلى سەۋٸر ايىندا بولعان "لەج – باستون – لەج" ۆەلوجارىسى كەزٸندە "سىبايلاس جەمقورلىق قىلمىسىن جاسادى" دەگەن ايىپ تاعىلعان.
بەلگييالىق RTBF.be سايتىنىڭ جازۋىنشا, پروكۋراتۋرا ٶكٸلدەرٸ الەكساندر ۆينوكۋروۆتى "جەڭٸسكە تالاسپاۋى ٷشٸن كولوبنەۆكە 150 مىڭ ەۋرو بەرگەن" دەپ ايىپتايدى. ولار سپورتشىلاردىڭ ٶزارا الماسقان ەلەكتروندى حاتتارىنا سٷيەنەدٸ. پروكۋراتۋرا بۇعان قوسا, ۆينوكۋروۆتىڭ 2010 جىلى شٸلدە مەن جەلتوقسان ايلارى ارالىعىندا 100 مىڭ جەنە 50 مىڭ ەۋرو ارالىعىندا اقشا اۋدارعانى تۋرالى بانك انىقتاماسىن دەلەل رەتٸندە كەلتٸرەدٸ.
ال سپورتشىلاردىڭ ادۆوكاتتارى ايىپتىڭ نەگٸزسٸز ەكەنٸن, پروكۋراتۋرا كەلتٸرگەن دەرەكتەردٸڭ زاڭسىز جولمەن الىنعانىن (ولاردىڭ بٸر بٶلٸگٸ ايىپتالۋشىلاردىڭ ەلەكتروندى جەشٸگٸنەن الىنعان) نەمەسە قولدان ۇيىمداستىرىلعانىن ايتادى.
بەلگييا پروكۋراتۋراسى باس بوستاندىعىنان ايىرۋ جازاسىنان بٶلەك, ۆينوكۋروۆقا - 100 مىڭ ەۋرو, كولوبنەۆكە - 50 مىڭ ەۋرو كٶلەمٸندە ايىپپۇل سالۋدى سۇراپ وتىر. بۇعان قوسا, "كولوبنەۆ زاڭسىز جولمەن العان 150 مىڭ ەۋرونى" كەمپەسكەلەۋدٸ دە سۇراعان.
سوت ٷكٸمٸ لەجدە 8 قازاندا وقىلادى.
