بەلگٸسٸز بٸرەۋلەر قازاقستاننان قىرعىزستانعا 200-دەن اسا ٸرٸ قارانى زاڭسىز ايداپ ٶتكٸزبەك بولعان, - دەپ حابارلايدى Tengrinews.kz اگەنتتٸگٸ ۇقك شەكارا قىزمەتٸنٸڭ الماتى وبلىسى بويىنشا دەپارتامەنتٸ باسپاسٶز قىزمەتٸنە سٸلتەمە جاساپ.
وقيعا قاراساي اۋدانى بويىنشا شەكارا باسقارماسىنىڭ "قاستەك" شەكارا بٶلٸمٸ ۋچاسكەسٸندە بولعان. اقپارات بويىنشا, شەكارا وتريادى شەكارا سىزىعىندا بۇزىلعان ينجەنەرلٸك قورشاۋدى انىقتاعان.
"جەدەل-ٸزدەستٸرۋ ٸس-شارالارىن جٷرگٸزە وتىرىپ, شەكاراشىلار ٸرٸ قارا مالدى ايداپ ٶتكٸزۋگە ەرەكەتتەنگەن التى ادامدى تاپتى. شەكاراشىلار كەلە جاتقانىن كٶرٸپ, ولار وقيعا ورنىنان قاشىپ كەتكەن. ٶز كەزەگٸندە شەكارا كٷزەتٸندەگٸ يەسٸز ٸرٸ قارا مال مەملەكەتتٸك شەكارادان بٸرنەشە شاقىرىم جەردە ورنالاسقان شەكارا بەكەتٸنە جەتكٸزٸلدٸ", - دەدٸ ۆەدومستۆو ٶكٸلدەرٸ.
قازٸرگٸ ۋاقىتتا بۇل دەرەك تەكسەرٸلٸپ جاتىر.
