بەلگٸلٸ تەاتر جەنە كينو اكتەرٸ, قازاقستاننىڭ ەڭبەك سٸڭٸرگەن ەرتٸسٸ تٶلەۋبەك ارالباي دٷنيەدەن وزدى. قارالى حاباردى مۇحتار ەۋەزوۆ اتىنداعى قازاق ۇلتتىق اكادەمييالىق دراما تەاترى جەتكٸزدٸ.
«قازاق ٶنەرٸ مەن مەدەنيەتٸ اۋىر قازاعا ۇشىرادى. 72 جاسقا قاراعان شاعىندا تەاتر جەنە كينو اكتەرٸ, قازاقستاننىڭ ەڭبەك سٸڭٸرگەن ارتيسٸ, «قۇرمەت» جەنە «پاراسات» وردەندەرٸنٸڭ يەگەرٸ تٶلەۋبەك مۇحامەدجانۇلى ارالباي دٷنيە سالدى» دەپ جازدى تەاتردىڭ باسپاسٶز قىزمەتٸ Instagram پاراقشاسىندا.
تٶلەۋبەك ارالباي 1950 جىلى 18 ناۋرىزدا سەمەي قالاسىندا دٷنيەگە كەلگەن.
ٶنەرگە قۇشتار ول بالا كەزٸنەن-اق قالاداعى پيونەرلەر سارايىنىڭ دراما ٷيٸرمەسٸنە قاتىسقان. ونىڭ ٶنەردەگٸ ەڭ العاشقى ۇستازى اتاقتى رەجيسسەر ي.ۆيشنەۆسكيي بولدى. 1964-1966 جىلدارى سەمەي وبلىستىق مۋزىكالىق دراما تەاترى جانىنداعى ستۋدييانى وقىپ بٸتٸرگەن سوڭ تەاتردىڭ قازاق توبىنا قابىلدانىپ, العاشقى رٶلدەرٸن سومدادى.
1970-1973 جىلدارى ەسكەري بورىشىن ٶتەگەن سوڭ قازاق مەملەكەتتٸك م.ەۋەزوۆ اتىنداعى اكادەمييالىق دراما تەاترى جانىنداعى ەكٸ جىلدىق ستۋديياعا وقۋعا تٷسٸپ, بەلگٸلٸ ساحناگەر رايىمبەك سەيتمەتوۆتٸڭ كلاسىنان 1975 جىلى بٸتٸرٸپ شىعادى دا, كٶركەمدٸك كەڭەستٸڭ شەشٸمٸمەن قاراشاڭىراق تەاتردىڭ اكتەرلٸك توبىنا قابىلدانادى.
تەاتر سپەكتاكلدەرٸنە ستۋدييادا وقىپ جٷرگەندە-اق قاتىسقان ونىڭ العاشقى رٶلٸ و.بٶكەەۆتٸڭ «قۇلىنىم مەنٸڭ» دراماسىنداعى جٸگٸت ەدٸ.
سودان بەرٸ ٶتكەن قىرىق ەكٸ جىل ٸشٸندە ول ساحنانىڭ ٷلكەن شەبەرٸنە اينالدى.
اكتەر تٶلەۋبەك ارالبايدىڭ قازاق كينوسىنا دا ەڭبەگٸ سٸڭدٸ. ەر جىلدارى تٷسٸرٸلگەن «اجداھا جىلى», «شوقان ۋەليحانوۆ» (رەج.ا.ەشٸموۆ),, «ازيات» (رەج.ل.ارانىشەۆا), «قىزجىلاعان», «مۇستافا شوقاي», (رەج.س.نارىمبەتوۆ), «رەكەتير», «ليكۆيداتور» (رەج.ا.ساتاەۆ) كٶركەم فيلمدەرٸندە, سونداي-اق «توعىسقان تاعدىرلار», «سارانچا» (رەج.ا.قارپىقوۆ) تەلەسەريالدارىنداعى رٶلدەرٸمەن شەبەر اكتەر رەتٸندە جاقسى تانىلدى.
اكتەر, رەجيسسەر شىعارماشىلىعىنىڭ ەلەۋلٸ بٸر قىرى – ۇستازدىق. 1993 جىلدان بەرٸ رەسپۋبليكالىق ج.ەلەبەكوۆ اتىنداعى ەسترادا-تسيرك كوللەدجٸندە «اكتەرلٸك شەبەرلٸك» پەنٸنەن ساباق بەرگەن تٶلەۋبەك ارالبايدىڭ شەكٸرتتەرٸ بٷگٸنگٸ كٷنٸ رەسپۋبليكا تەاترلارىندا ھەم ٶزگە دە ٶنەر وردالارىندا جەمٸستٸ ەڭبەك ەتٸپ جٷر.
