قازاقستاندىق ادۆوكات, ۇلتتىق قوعامدىق سەنٸم كەڭەسٸنٸڭ مٷشەسٸ ايمان وماروۆا مەملەكەت باسشىسى قاسىم-جومارت توقاەۆتان تٷركٸستان وبلىسىندا زورلانعان 13 جاسار بالانىڭ ٸسٸنە ارالاسۋدى سۇرادى, دەپ حابارلايدى Sputnik قازاقستان تٸلشٸسٸ.
پرەزيدەنتتٸڭ قاتىسۋىمەن ٶتكەن ۇلتتىق قوعامدىق سەنٸم كەڭەسٸنٸڭ وتىرىسىندا ادۆوكات ايمان وماروۆا ادام زورلاۋ مەسەلەسٸن كٶتەردٸ. ايتۋىنشا, ول قازٸر زورلانعان 9 بالانىڭ ٸسٸن قاراپ جاتىر. وسى ورايدا كەڭەس مٷشەسٸ سول ٸستەردٸڭ بٸر-ەكەۋٸن مىسالعا كەلتٸردٸ.
"سارىاعاش اۋدانىنداعى ينتەرناتتا ون ٷش جاسار بالانى بٸر جىل بويى زورلاعان. ونى بالالار "تەسٸك" دەپ اتاعان. جىعىلعانعا جۇدىرىق دەپ, تٷركٸستان وبلىسىنىڭ سوتى زورلاعان بالانى اقتاپ جٸبەرگەن. ٶيتكەنٸ ينتەرناتتى جاپقىسى كەلمەيدٸ. وسى مەسەلەگە كٶڭٸل اۋدارۋىڭىزدى سۇرايمىن", - دەدٸ وماروۆا قازاقستان پرەزيدەنتٸنە.
ادۆوكات ارقالىق ٸرگەسٸندەگٸ اۋىلدا بولعان جاعا ۇستاتارلىق وقيعانى ايتىپ بەردٸ.
"كٸشكەنتاي اۋىلدا 14 ەر ادام بٸر قىزدى زورلاعان. قازٸر ول ٸسپەن نە بولىپ جاتقانىن بٸلمەيمٸز. ال قىز بوسانىپ الدى. پوليتسييا كٸنەلٸلەردٸ قاماعان دا جوق. ەندٸ حالىقتىڭ سوڭعى ٷمٸتٸ – سوت. بەرٸ دە سوت ەدٸلەتتٸ بولسا ەكەن دەپ ويلايدى", - دەدٸ وماروۆا.
ونىڭ پٸكٸرٸنشە, حالىقتىڭ سوت جٷيەسٸنە سەنٸمٸ ازايعان, سوندىقتان بۇل سالاعا ٶزگەرٸستەر قاجەت.
"سوتتا تەك ادال, كەسٸبي ماماندار وتىرۋى كەرەك", - دەدٸ كەڭەس مٷشەسٸ.
بۇدان بٶلەك, ادۆوكاتتىڭ پٸكٸرٸنشە, ادام زورلاۋ ٸسٸمەن اينالىساتىن ارنايى دەپارتامەنتتەر قۇرۋ قاجەت.
ايتا كەتەيٸك, نۇر-سۇلتاندا پرەزيدەنت جانىنداعى ۇلتتىق قوعامدىق سەنٸم كەڭەسٸنٸڭ العاشقى وتىرىسى ٶتتٸ. كەڭەس بيىل ماۋسىمدا توقاەۆتىڭ جارلىعىمەن قۇرىلعان بولاتىن.
