«ٶنەر قىراندارى» ەزٸل-سىقاق تەاترىنىڭ اكتەرٸ مەلٸس ناۋرىزبەكوۆتىڭ دەنساۋلىعى كٷرت ناشارلاپ, قازٸرگٸ ۋاقىتتا تٶسەك تارتىپ جاتقانىن تەاتر ديرەكتورى مادييار سەرٸكباەۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, اكتەر بەل ومىرتقاسىنا بايلانىستى كٷردەلٸ وتا جاساتقان. دەرٸگەرلەر وعان التى اي بويى تىنىعىپ, قوزعالىستى شەكتەۋدٸ ۇسىنعانىمەن, ٶنەر يەسٸ گاسترولدٸك ساپارلارعا قاتىسۋىن جالعاستىرعان.
«مەلٸس دەنساۋلىعىنا بايلانىستى جاتىپ قالدى. گاسترول الدىندا وپەراتسييا جاساتتى. دەرٸگەرلەر التى اي بويى تۇرماۋدى ەسكەرتكەن ەدٸ. بٸراق كونتسەرتتەرگە شىعۋعا مەجبٷر بولدى. تالدىقورعانعا بارىپ كەلگەننەن كەيٸن جاعدايى قايتا ناشارلاپ, ەم قابىلدادى. قازٸر بەلدەن تٶمەنگٸ جاعى سىر بەرٸپ, اياعى ٸستەمەي قالعان. كونتسەرتتەرگە اۋىرسىنۋدى باساتىن دەرٸلەردٸڭ كٶمەگٸمەن شىقتى», – دەدٸ مادييار سەرٸكباەۆ.
قازٸر اكتەردٸڭ جاعدايى باقىلاۋدا. ەلەۋمەتتٸك جەلٸ قولدانۋشىلارى مەن ەرٸپتەستەرٸ وعان ساۋىعىپ كەتۋٸنە تٸلەكتەستٸك بٸلدٸرٸپ, دۇعادا ەكەنٸن جازۋدا.
